Без провизија подигање пари од банкоматите во Грција за грчките банки - за трети страни плафон од 1,5 евро - Канал 5

Балкан

Без провизија подигање пари од банкоматите во Грција за грчките банки - за трети страни плафон од 1,5 евро

Од понеделник стапува во сила новата регулатива во Грција за висината на провизијата при вадење готовина од банкоматите во земјата, која се сведува на нула за грчките банки.

Без провизија подигање пари од банкоматите во Грција за грчките банки - за трети страни плафон од 1,5 евро

Од понеделник стапува во сила новата регулатива во Грција за висината на провизијата при вадење готовина од банкоматите во земјата, која се сведува на нула за грчките банки, а за трети страни, односно банки кои не се дел од грчкиот банкарски систем се воведува плафон - максимално ограничување во висина од 1,5 евро.

Од Министерството за национална економија и финансии на Грција соопштија дека врз основа на новата регулатива изгласана пред две седмици, „трошоците за подигање готовина од банкомати на грчки банки се целосно укинати, а во исто време се утврдува национален максимален лимит (горна граница) од 1,50 евра за подигање готовина од банкомати на трети страни“.

Поконкретно, регулативата предвидува нула провизија од банкоматите на сите банки кои учествуваат во грчкиот меѓубанкарски систем; укинување на трошоците од трети страни кога постои директна или индиректна капитална врска со банката на клиентот; нула трошоци во местата каде што постои само еден банкомат; горна граница од 1,50 евра за подигање од банкомати на трети страни; бесплатна проверка на состојбата без разлика од која банка е картичката, како и законска гаранција дека ниедна банка не може да им наплаќа на своите клиенти за подигање готовина.

Министерот за национална економија и финансии на Грција Кирјакос Пиеракакис рече дека регулативата „има општествена димензија, која докажува дека државата директно одговара на потребите на граѓаните“, а се елиминираат „неправедните и прекумерни трошоци, осигурувајќи дека секој граѓанин, каде и да живее, ќе има слободен пристап до своите пари“. /МИА.

Тагови: банкомати грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер