Без интервентен кардиолог: МИА ги открива имињата на странските експерти ангажирани за непотребните операции, во Скопје и натаму молк - Канал 5

Здравје

Без интервентен кардиолог: МИА ги открива имињата на странските експерти ангажирани за непотребните операции, во Скопје и натаму молк

Никола Лакиќ, кардиоваскуларен хирург од Љубљана, Уголино Ливи, кардиохирург од Италија и Хугон Можина, специјалист интернист и специјалист по интензивно лекување во Љубљана, се тројцата странски експерти

Без интервентен кардиолог: МИА ги открива имињата на странските експерти ангажирани за непотребните операции, во Скопје и натаму молк

-Никола Лакиќ, кардиоваскуларен хирург од Љубљана, Уголино Ливи, кардиохирург од Италија и Хугон Можина, специјалист интернист и специјалист по интензивно лекување во Љубљана, се тројцата странски експерти кои ќе бидат консултирани за случаите на непотребни кардиоваскуларни интервенции, дознава МИА.

Според нашите експерти, проблем е што во оваа група нема интервентен кардиолог, кој што всушност ја дава дијагнозата, без ангажман на таков стручњак, кај нашите експерти се јавува сомнеж. Посебно во однос на третиот странски експерт, д-р Можина, кој е интернист.

Нејасно е и зошто толку долго се чекаше за странските експерти. Првично се велеше дека проблемот се локалните избори, но тие завршија пред два месеци, така што очигледно дека тука работите не одат како што треба.

Нејасно е и зошто ЈО молчи, иако има осум спотврдени случаи на непотребни интервенции зад кои застанаа 16 наши врвни кардио-експерти, а на тие осум потоа беа додадени упте два случаи. Така што, без никакви оддолговлекувања, ЈО можеше да постапува бидејќи, фактички има експертско вештачење на 16 наши стручњаци.

На прашањето дали има промени во составот на постојната домашна Комисија, од Министерството за здравство за МИА, посочуваат дека промена во составот на Комисијата има само во делот на еден од нивните претставници. За нов член на Комисијата, како што се наведува, е назначен д-р Александар Станков, директор на Институтот за судска медицина, додека претседавач се уште е д-р Жарко Христовски, специјалист по кардиологија од Аџибадем Систина, како највозрасен член на Комисијата.

За изворите на МИА е нејасно и зошто е ангажиран лекар од Судска медицина, бидејќи тоа предизвикува револт кај поголем дел од оние 16 експерти по кардиоваскуларни болести кои досега се изјаснија.

На прес-конференција одржана во ноември минатата година министерот за здравство Азир Алиу соопшти дека од пристигнатите 25 случаи, интерната комисија за кардиолошки и кардиохируршки интервенции анализирала 19, од кои кај 10 случаи утврдила дека се непотребно извршени операции или непотребно се упатени за операции. Тоа се тие 10 за кои сите и натаму молчат, вклучувајќи го и ЈО.

Како што објавивме уште во септември, во документот на кој се потпишаа 16 кардиолози и кардиохирурзи од државните клиники, кој заедно со осумте досиеја на пациенти на кои им биле извршени кардио-операции на приватна клиника, ги доставија до Министерство за здравство и до ФЗО, стои дека тоа се случаи кај кои се констатирани „одредени неправилности во индикациите за оперативен третман“. Подоцна бројот на случаи се зголеми на над 20.

Што значи тоа, прашавме тогаш некои од потписниците? Одговорот што ни беше проследен е краток и јасен: „Дека нема вистинска причина за операција, според медицината базирана на докази“.

Тоа значи дека во овие осум случаи, кои станаа 10, а сега веќе не се ни знае колку се, според 16-те наши кардиохирурзи и кардиолози, непотребно биле извршени операции, а потоа истите биле наплатени од Фондот за здравствено осигурување. Овде не станува збор за стентирање за што ФЗО нема договор со приватните клиники, вели нашиот извор, туку за класични операции.

Останува нејасно, зошто овие операции не се вршеле на државната кардиохирургија која, за таа цел беше и основана./МИА.

Тагови: кардиологија операција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Одржана ждрепката за плеј-офот во Лигата на шампионите: Динамо и Звезда ги дознаа потенцијалните противници

Одржана ждрепката за плеј-офот во Лигата на шампионите.Првите натпревари од плеј-офот се закажани за 18 и 19 август, додека реванш-натпреварите се предвидени за 25 и 26 август.

Одржана ждрепката за плеј-офот во Лигата на шампионите: Динамо и Звезда ги дознаа потенцијалните противници

Ждрепката за плеј-офот во Лигата на шампионите, со која се одредува пласманот во фазата на лигата, официјално се одржа во Нион, Швајцарија.

Тимовите од регионот ги дознаа своите потенцијални противници за следната рунда: доколку Динамо Загреб го елиминира литванскиот Жалгирис (ФК Жалгирис), ќе се соочи со норвешкиот Викинг (Викинг ФК).

Отворен пат кон елитната фаза за Звезда и Целје Доколку белградска Црвена ѕвезда (ФК Црвена ѕвезда) го мине Хапоел Бер Шева (Хапоел Бер Шева), ќе игра против победникот од натпреварот меѓу данскиот Орхус (Орхус ГФ) и азербејџанскиот Сабах (Сабах ФК).

Словенечкиот клуб Целје (НК Целје), доколку го елиминира ерменскиот Арарат (ФК Арарат Ереван), би се соочил со словачкиот Слован Братислава (ШК Слован Братислава).

Комплетираните парови од последната рунда квалификации изгледаат вака:

Левски (ПФЦ Левски Софија) / Каират (ФК Каират) – АЕК (АЕК Атина ФК)

Селтик (Селтик ФК) – ЛАСК (ЛАСК Линц)

Динамо (ГНК Динамо Загреб) / Жалгирис (ФК Жалгирис) – Викинг (Викинг ФК)

Слован (СК Слован Братислава) – Арарат (ФК Арарат Ереван) / Целје (НК Целје)

Хапоел (Хапоел Бер Шева) / Црвена звезда (ФК Црвена звезда) – Архус (Архус ГФ) / Сабах (Сабах ФК)

Фенербахче (Фенербахче) / Штурм (Штурм Грац) – Спарта (Спарта Праха) / Лион (Олимпик Лион)

Олимпијакос (Олимпијакос ФК) / НЕС – Унион (Ројал Унион Сен-Жилоаз) / Бодо (ФК Бодо/Глимт)

Првите натпревари од плејофот се закажани за 18 и 19 август, додека реваншите се закажани за 25 и 26 август.

Тагови: Лига на шампионите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Фото: Во скоро пресушениот Дунав се појавија бродови од Втората светска војна

Нивото на водата во најдолгата европска река Дунав е  на историски минимум поради сушата на Балканот, што резултираше со појава на бродови на германската морнарица од Втората светска војна. 

Фото: Во скоро пресушениот Дунав се појавија бродови од Втората светска војна

Како што објави Ројтерс, бродовите се појавиле на делот од Дунав што минува низ Прахово, град во Србија, додека непотврдени информации укажуваат дека е многу веројатно дека во нив има неискористена муниција.

Бродовите според извештајот на Ројтерс наводно ги потопиле самите нацисти за да спречат да паднат во рацете на тогашната советска армија, за време на нејзиниот контранапад, објавува Прототема.

Според проценките на експертите, на дното на Дунав во близина на Прахово има десетици германски бродови, вклучувајќи патролни чамци, реморкери и транспортни бродови. Се верува дека дел од остатоците сè уште се закопани од речните наноси, додека други станале видливи поради рекордно ниските нивоа на водата.

Остатоци од бродови со децении се еден од најголемите проблеми за пловидба на овој дел од меѓународниот воден пат.

Ниското ниво на водата на Дунав во последните денови предизвикува проблеми низ целиот регион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Јаник Синер и понатаму водечки на АТП листата на најдобрите тенисери на светот

Победникот на Вимблдон, Италијанецот Јаник Синер и понтаму е лидер на АТП листата на најдобрите тенисери на светот со 13.450 бода.

Јаник Синер и понатаму водечки на АТП листата на најдобрите тенисери на светот

Неговиот противник од финалето Саша Зверев загуби 360 бода – кои ги освои во Канада минатата сезона – и сега повторно е трет со 8.120 бода, со само 40 бода помалку од Карлос Алкараз, кој се подготвува за враќање на теренот по неколкумесечна пауза.

Феликс Оже-Алијасим е четврти со 4.740 бода, Новак Ѓоковиќ е петти, Данил Медведев напредуваше за едно место и сега е шести со 3.620 бода. Алекс де Минор падна за едно место на 3.560, Флавио Коболи се искачи за едно место на осмото со 3.330, додека Тејлор Фриц е деветти со 3.230. Бен Шелтон ја заокружува листата на најдобрите десет со 2.680 бода.

Тагови: Јаник Синер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер