Без инциденти се одржа Парадата на гордоста во Белград – полицијата со кордон пред противниците (ВИДЕО) - Канал 5

Без инциденти се одржа Парадата на гордоста во Белград – полицијата со кордон пред противниците (ВИДЕО)

Попладнево во Белград се одржа парадата на гордоста , на која присуствуваше и српската премиерка Ана Брнабиќ со нејзината партнерка.

Без инциденти се одржа Парадата на гордоста во Белград – полицијата со кордон пред противниците (ВИДЕО)

Сообраќајот во центарот на Белград се одвива отежнато , а на места е прекинат , поради огромниот број учесници на Парадата на гордоста , кои овој пат имаат седум барања до властите со цел подобрување на положбата на ЛГБТ заедницата во Србија.

Парадата е обезбедувана од голем број полицајци , кои направија кордон на местата каде што се собраа противниците на ваквиот вид собири.

Оваа година е новина што се одржа првиот белградски театарски фестивал на гордоста, со три гостински претстави.

Организацијата на Парадата на гордоста е значајна за Србија, рече денеска премиерката Ана Брнабиќ, додавајќи дека ова е ден кога повторно се испраќаат пораки за љубов, мир и толеранција, оние вредности што треба да се сочуваат и промовираат .

YouTube video

„Мислам дека Србија се движи во вистинската насока и дека нашето општество станува се потолерантно“, рече Брнабиќ пред Парадата на гордоста. Според неа, сè уште има многу проблеми со кои се соочуваат членовите на ЛГБТ популацијата, а сите ние ги решаваме малку секој ден.

„Оваа Парада служи и за подигање на свеста и градење толеранција. За мене е важно секој ден да се зборува за човековите права, а денес ние први и најнапред зборуваме за правата на ЛГБТ популацијата“, рече Брнабиќ, додавајќи дека не треба да живееме во општество каде луѓето се делат политички, по сексуална ориентација, религија ...

На прашањето за инцидентите за време на Прајдот во Нови Пазар и Ваљево, Брнабиќ рече дека секој почеток бил тежок, и дека најдобрата борба за правата на ЛГБТ заедницата е прикажана во Белград.

YouTube video

„Полесно и полесно е секоја година кога имате влада што гарантира дека сите имаат исти права“, рече Брнабиќ.

На прашањето дали ќе биде изгласан законот за регистрирани партнерства и родов идентитет што го бара ЛГБТ заедницата, премиерката рече дека за донесување на кој било закон е потребно мнозинство во парламентот и потсети дека тие зборувале и за законот додека таа била министерка за државна администрација и локална самоуправа. Таа рече дека државата исто така соработувала со невладините организации за изготвување на закон за регистрирани партнерства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Штерјова: Скандал, за Росица од Велес вината се префрла само на полицајците, без командири, началници - СДСМ бара оставка од Тошковски

Скандал, за Росица од Велес вината се префрла само на полицајците, без командири, началници - СДСМ бара оставка од Тошковски.

Штерјова: Скандал, за Росица од Велес вината се префрла само на полицајците, без командири, началници - СДСМ бара оставка од Тошковски

Во ек на фемициди, насилства врз жени, убиства, нова скандалозна одлука за случајот со младата Росица во Велес.

Власта и МВР се обидуваат вината да ја префрлат исклучиво врз обичните полициски службеници.

Само полицајците да бидат виновни со цел да ги заштитат високите полициски функционери, командири, началници и раководители.

Од 21 февруари до 15 септември 2025 година Росица Коцева пријавувала насилство и барала помош.

Речиси седум месеци. Имало и судски мерки за нејзина заштита.

И сега цела вина им се префрла само на полицајците.

Зошто не се опфатени командирите, началниците и раководителите во тие седум месеци?

Не можеле обични полицајци да држат пријави и изваштаи во фиока.

Ако се виновни девет полицајци, тогаш покрај поединечната одговорност се поставува и прашањето дали системот не функционира или намерно штити одредени поединци.

Обвинителството треба и Панче Тошковски да го опфати.

Во јавноста беа изнесени наводи дека Росица му испратила порака со барање за помош на неговиот телефон.

Зошто тоа не е направено? Да се провери, да се обезбеди комуникацијата.

Зошто Тошковски не ги реазреши раководителите, командирот или началникот? Или тие што се ВМРО не смеат да се чепакаат?

Обвинителството мора да ја испита целата линија на одговорност, од службениците што постапувале по пријавите, локалното раководство па се до министерот.

Ова не е правда. Ова е неказнивост и заштита на раководните структури на ВМРО.

Ова не е систем туку партиска контрола која работи по наредби од горе.

Има бројни примери - Биљана од Богданци, Росица од Велес, Рамајана од Шуто Оризари, Ивана и нејзината ќерка од Скопје, Сара од Охрид.

Излегоа информации и сведоштва за наводна полициска бруталност и врз 15 годишно момче од Охрид.

ВМРО се занимава само со заташкување и заштита на своите а сега гледаме дека се фокусирани и на тоа да ги запре протестите во земјата. И со кампања и со притисоци.

Уште колку жртви треба да има за Тошковски да си поднесе оставка!

Доста беше. Оставка Тошковски.

Изјава, СДСМ, Кети Штерјова, пред МВР

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ПОЦ ја отвори хуманитарната Зона H – паркирањето станува можност за хуманост и солидарност

Јавното претпријатие за јавни паркиралишта „Паркинзи на Општина Центар", заедно со Општина Центар и Црвениот крст – Општинска организација Центар, денес, 19 ноември, официјално ја отвори хуманитарната Зона H.

ПОЦ ја отвори хуманитарната Зона H – паркирањето станува можност за хуманост и солидарност

Зоната опфаќа посебно обележани хуманитарни паркинг-места, а средствата собрани од нивното користење ќе бидат наменети исклучиво за хуманитарни цели, во соработка со Црвениот крст – Општинска организација Центар.

На официјалното отворање присуствуваа директорот на ЈП ПОЦ, Душко Коцевски, градоначалникот на Општина Центар, Горан Герасимовски, и секретарот на Црвениот крст – Општинска организација Центар, Валентина Колеска.

Душко Коцевски, директор на ЈП ПОЦ, истакна дека хуманитарната зона претставува практичен начин јавната услуга да се поврзе со грижата за заедницата.

„За ЈП Паркинзи на Општина Центар ова е практичен начин јавната услуга што ја даваме да ја поврземе со грижата за заедницата. Во соработка со Црвен крст – Општинска организација Центар и со поддршка на Општина Центар, сакаме да обезбедиме дополнителна помош за нашите сограѓани. Ги повикувам граѓаните да ја поддржат хуманитарната зона H и преку користењето на овие паркинг-места да се вклучат во помошта за оние на кои им е најпотребна", истакна Коцевски.

Горан Герасимовски, градоначалник на Општина Центар, нагласи дека иницијативата е дополнителна можност за поттикнување на солидарноста и помошта во локалната заедница.

„Со отворањето на хуманитарната зона H, на граѓаните им овозможуваме преку една секојдневна услуга да придонесат за хуманитарни цели. Ова е една од новините воведени со последните измени на системот на паркирање, со кои се стремиме кон поправична распределба и порационално користење на паркинг-просторот, а воедно внесуваме и хумана димензија во паркирањето. Со секое платено паркирање на овие места, придонесуваме за посолидарен Центар во кој се грижиме едни за други", истакна Герасимовски.

Првата локација на хуманитарната Зона H се наоѓа на предната страна на Градскиот стадион, во секторот „Парк" на ПОЦ, а во наредниот период зоната ќе се проширува и на други локации.

Хуманитарните паркинг-места се обележани со црвена и бела боја и со соодветна сигнализација. Корисниците треба да ги следат истакнатите упатства за пријавување и плаќање на паркирањето во Зона H.

Со оваа иницијатива, ЈП ПОЦ, Општина Центар и Црвениот крст ја претвораат секојдневната паркинг-услуга во можност за солидарност, поддршка и помош на лицата и семејствата на кои им е најпотребна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Манасиевски: Филипче и СДС со двојни аршини за Алта банка, гласни денес, а молчеа во 2023 година

Филипче и СДС денес ја обвинуваат Алта банка и Давор Мацура. Но избегнуваат да одговорат за 2023 година.

Манасиевски: Филипче и СДС со двојни аршини за Алта банка, гласни денес, а молчеа во 2023 година

За време на нивната власт, токму денешните пратеници на СДС беа членови на Владата кои одобриле државното правобранителство да влезе во деловни односи токму со Алта банка и Давор Мацура.

Ако имале информации за сомнителен капитал и за Давор Мацура, зошто тогаш не ја предупредиле јавноста? Кои проверки биле направени пред продажбата на акциите? И кој ја одобрил постапката?

Денес Филипче и СДС се обидуваат да се претстават како заштитници на граѓаните. Лажните ПР политики не им проаѓаат кај граѓаните.

Филипче не може да ги обвинува другите, а да молчи за одлуките донесени во време на СДС. Граѓаните заслужуваат одговор, зошто за Алта банка станаа гласни дури откако престанаа да бидат власт?

Валентин Манасиевски, портпарол на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер