Бесплатни дерматолошки прегледи во Градскиот парк по повод борбата против рак на кожа

Во организација на Здружението на дерматовенеролози на Македонија денеска во Градски парк во Скопје ќе се одржи настан под мотото „Да се заштитиме од Сонцето, да спречиме рак на кожа!" со бесплатни дерматолошки прегледи. 

Со ова Здружението ќе се приклучи кон активностите на Европската академија на дерматовенеролози и дерматовенеролозите од ЕУ за превенеција од ракот на кожа.

На настанот најавени се обраќања на заменик министерот за здравство доц. д-р Владимир Рендевски, претседателот на Здружението на дерматовенеролози на Македонија проф.д-р Андреј Петров и проф. д-р Сузана Николовска, директорка на ЈЗУ Универзитетската Клиника за дерматологија – Скопје.

Ракот на кожата е меѓу најчестите и најоптоварувачките видови на рак во Европската Унија. Во 2020 година, на над 106.000 граѓани на ЕУ им бил дијагностициран меланом што го прави шести најчест вид на рак и една од дваесетте најчести причини за смрт од рак, се посочува во заедничката изјава на Европската академија на дерматовенеролози потпишана од претседателите на дерматолошките асоцијации од Европа, меѓу кои и од Здружението на дерматовенеролози на Македонија.

– Кератиноцитните карциноми (кои вклучува карциноми на базалните клетки и сквамозните клетки) се далеку најраспространети од сите видови на рак и додека не се опасна по живот во повеќето случаи, може значително да влијаат на квалитетот на животот на пациентот. Голема загриженост е тоа што кератиноцитните карциноми се најбрзо растечките карциноми, а инциденцата се очекува да продолжи да расте (за над 40% до 2040 година), претставувајќи огромен предизвик за здравствените системи. Ова не мора да биде случај, бидејќи ракот на кожата е дел од 40 проценти од карциноми што може да се спречат и чија инциденца би била значително намалени доколку се прифатат посвесни и поодговорни однесувања, стои во заедничката изјава.

Европскиот план за борба против ракот е важна можност да се здружат силите кон развој на соодветна ЕУ политика и регулаторна рамка за справување со ракот на кожата. Со цел да се подобри превенцијата од рак на кожата низ Европа, организациите потписнички ја повикуваат Европската комисија да дејствува на неколку области каде се потребни дополнителни мерки и тоа: подобрување на разбирањето, едукацијата и свеста за рак на кожата и спроведување интервенции засновани на докази за промени на однесувањето и воведување мерки за заштита на граѓаните на ЕУ од прекумерна изложеност на природно и вештачко УВ зрачење. Се бара и препознавање на ракот на кожата како професионална болест и спроведување мерки за заштита од УВ зраците за работниците на отворено, подобрување на регистрацијата на случаите на рак на кожата низ Европа за откривање на ризчните групи и подобрување на раното откривање на рак на кожа со целен скрининг на високоризичните групи.

Беспланите дерматолошки прегледи ќе се вршат во Градскиот парк на платото кај споменикот на Гоце Делчев од страна на доктори дерматолози од приватниот сектор и државните клиники. При тоа ќе биде делен и едукативен материјал за граѓаните.

Настанот е отворен за сите граѓани и општествено одговорните компании кои работат во оваа област, без надоместок.

Вечерва во Само Интервју ќе гостува Стевчо Јакимовски.

Дами и господа вечерва во Само Интервју ќе гостува лидерот на Гром и градоначалник на општина Карпош Стевчо Јакимовски.

Во каква кондиција е коалицијата ГРОМ – ВМРО-ДПМНЕ и дали ќе излезе на анти-владиниот протест на 18 јуни?

предвремени или редовни - какви избори се подобро решение за кризни времиња?

Зошто Јакимовски би им ставил вето на Шведска и Финска за влез во НАТО? Ќе биде ли јуни се или ништо за евроинтеграциите?

Зошто во Карпош свети секоја втора бандера, на кого му треба зонско и што ќе прават отпишаните деца од градинките?

Вечерва во Само Интервју Гоце Михајлоски ќе прашува, Стевчо Јакимовски ќе одговара, а вие гледајте Канал 5 Телевизија.

АВМУ: Новинарите не смеат да бидат неосновано повикувани на службен полициски разговор

Повикување на информтаивен разговор за неемитувана вест, негативно ќе се одрази на слободата на медиумите.

Во врска со повикувањето на информативен разговор на уредничката на ТВ Телма од страна на МВР за вест што не е емитувана на програмата на телевизијата, Агенцијата за аудио и аудиовизуелни медиумски услуги (АВМУ) посочува дека ваквите дејствија можат негативно да се одразат на слободата на медиумите.

– Новинарите и останатите медиумски работници не смеат да бидат неосновано повикувани на службени полициски разговори, имајќи превид дека имаат заплашувачки ефект и во иднина можат да водат кон самоцензура. Ваквите постапки на истражните органи кон медиумските работници претставуваат притисок врз медиумите и нивно слободно работење, се наведува во соопштението од АВМУ.

ТВ Телма соопшти вчера дека уредничка од телевизијата била повикана на информативен разговор за необјавена вест.

ЈСП Скопје: Возрасните лица имаат право на бесплатен превоз на Жичарницата

Оодредени категории лица имаат право на бесплатно користење на Жичарницата, информираат од Јавното сообраќајно претпријатије Скопје. 

-Право на превоз без надомест, секој работен ден на Жичарницата, имаат возрасните лица (жени над 62 год, мажи над 64 год) со приложување на лична карта или пасош, деца без родители и родителска грижа до 18 год, како и деца до 6 години.

Освен посочените категории лица, право на бесплатен превоз по еден ден во неделата е дозволен за средношколците, учениците во задолжително средно образование и тоа во среда, а неопходно е да се легитимираат со ученичка книшка.

И студентите имаат право на бесплатен превоз, во четврток, со приложување на индекс или студентска легитимација.

На децата без родители над 18 год, им следува 50 отсто попуст на редовната цена на билетот.

Жичарницата работи секој ден освен понеделник и секој последен вторник во месецот, од 10 до 20 часот.

Во период од 19-19.30 часот е последно возење од долу кон врвот, односно во 19.45 часот е последно возење од врвот надолу.

притисни ентер