Бесплатни дерматолошки прегледи во Градскиот парк по повод борбата против рак на кожа - Канал 5

Здравје

Бесплатни дерматолошки прегледи во Градскиот парк по повод борбата против рак на кожа

Во организација на Здружението на дерматовенеролози на Македонија денеска во Градски парк во Скопје ќе се одржи настан под мотото „Да се заштитиме од Сонцето, да спречиме рак на кожа!" со бесплатни дерматолошки прегледи. 

Бесплатни дерматолошки прегледи во Градскиот парк по повод борбата против рак на кожа

Со ова Здружението ќе се приклучи кон активностите на Европската академија на дерматовенеролози и дерматовенеролозите од ЕУ за превенеција од ракот на кожа.

На настанот најавени се обраќања на заменик министерот за здравство доц. д-р Владимир Рендевски, претседателот на Здружението на дерматовенеролози на Македонија проф.д-р Андреј Петров и проф. д-р Сузана Николовска, директорка на ЈЗУ Универзитетската Клиника за дерматологија – Скопје.

Ракот на кожата е меѓу најчестите и најоптоварувачките видови на рак во Европската Унија. Во 2020 година, на над 106.000 граѓани на ЕУ им бил дијагностициран меланом што го прави шести најчест вид на рак и една од дваесетте најчести причини за смрт од рак, се посочува во заедничката изјава на Европската академија на дерматовенеролози потпишана од претседателите на дерматолошките асоцијации од Европа, меѓу кои и од Здружението на дерматовенеролози на Македонија.

– Кератиноцитните карциноми (кои вклучува карциноми на базалните клетки и сквамозните клетки) се далеку најраспространети од сите видови на рак и додека не се опасна по живот во повеќето случаи, може значително да влијаат на квалитетот на животот на пациентот. Голема загриженост е тоа што кератиноцитните карциноми се најбрзо растечките карциноми, а инциденцата се очекува да продолжи да расте (за над 40% до 2040 година), претставувајќи огромен предизвик за здравствените системи. Ова не мора да биде случај, бидејќи ракот на кожата е дел од 40 проценти од карциноми што може да се спречат и чија инциденца би била значително намалени доколку се прифатат посвесни и поодговорни однесувања, стои во заедничката изјава.

Европскиот план за борба против ракот е важна можност да се здружат силите кон развој на соодветна ЕУ политика и регулаторна рамка за справување со ракот на кожата. Со цел да се подобри превенцијата од рак на кожата низ Европа, организациите потписнички ја повикуваат Европската комисија да дејствува на неколку области каде се потребни дополнителни мерки и тоа: подобрување на разбирањето, едукацијата и свеста за рак на кожата и спроведување интервенции засновани на докази за промени на однесувањето и воведување мерки за заштита на граѓаните на ЕУ од прекумерна изложеност на природно и вештачко УВ зрачење. Се бара и препознавање на ракот на кожата како професионална болест и спроведување мерки за заштита од УВ зраците за работниците на отворено, подобрување на регистрацијата на случаите на рак на кожата низ Европа за откривање на ризчните групи и подобрување на раното откривање на рак на кожа со целен скрининг на високоризичните групи.

Беспланите дерматолошки прегледи ќе се вршат во Градскиот парк на платото кај споменикот на Гоце Делчев од страна на доктори дерматолози од приватниот сектор и државните клиники. При тоа ќе биде делен и едукативен материјал за граѓаните.

Настанот е отворен за сите граѓани и општествено одговорните компании кои работат во оваа област, без надоместок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Скопје се сеќава…

На денешен ден, пред 63 години, во 5 часот и 17 минути, времето за Скопје застана.

Ѓорѓиевски: Скопје се сеќава…

За само неколку секунди беа згаснати повеќе од илјада човечки животи, разурнати домови и разделени семејства.

Зад секоја бројка остана нечие дете, родител, сопруг, пријател, нечиј цел свет.

Денес, со длабока почит, се поклонуваме пред споменот на жртвите.

Нивната болка е вградена во темелите на нашиот град, а обврската да не ги заборавиме е вечна.

Но, од правот, урнатините и солзите се роди надеж.

Светот му подаде рака на Скопје, а градот, како феникс од пепелта, повторно се издигна и стана симбол на човечноста и светската солидарност.

Скопје повторно беше изградено со љубов, храброст и подадени раце од целиот свет.

Денес, наша должност е да продолжиме таму каде што застанаа генерациите пред нас - да го чуваме, унапредуваме и градиме со визија, одговорност и љубов кон секој негов дел.

Да создадеме современо, безбедно и достоинствено Скопје, град што ќе го почитува своето минато, но храбро ќе ја гради својата иднина.

Затоа што најголемата почит кон оние што ги загубивме е да создадеме град достоен за нивниот спомен и за генерациите што доаѓаат.

Скопје памети. Скопје тагува.

Но Скопје никогаш не престанува да живее, да се обновува и да чекори напред.

Нека е вечен споменот на жртвите од катастрофалниот земјотрес.

Нека живее Скопје - градот на солидарноста, надежта и непокорот, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Ќерката на Македонката, која во Улцињ прегази куче: Го растргна нашето ши-цу, газдата ни се закануваше (ВИДЕО)

Ќерката на Сашка Стојаноска, Македонката уапсена во Улцињ откако со својот автомобил прегазила куче, тврди дека шарпланчанецот прво го нападнал и го убил нивното куче, а потоа ги нападнал и членовите на нејзиното семејство.

Ќерката на Македонката, која во Улцињ прегази куче: Го растргна нашето ши-цу, газдата ни се закануваше (ВИДЕО)

Таа рече дека на видеото се гледа и нивното мало куче Ши Цу, кое претходно го убил шарпланинецот, тежок повеќе од 50 килограми. Според нејзините зборови, кучето влегло во нивниот стан, им го растргнало домашното милениче пред нив, а подоцна ги нападнало, меѓу кои и нејзиниот малолетен брат. Според неа, шарпланинецот бил „удрен од автомобил за да го одвои од неа и од кучето што умрело“, пренесе Телеграф.

Таа додаде дека шарпланчанецот имал сопственик кој по настанот им се заканувал пред станот заедно со група пријатели. Според неа, „газењето било обид на мајката да ги одбрани децата и нивниот миленик“.

Обвинителството во Улцињ соопшти дека на жената ѝ е одредена мерка притвор во траење од 72 часа. Таа е осомничена за кривично дело убивање и мачење животни, како и уништување на нивното живеалиште.

Тагови: куче Улцињ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Џошуа по победата бара да му дадат албанско знаме (ВИДЕО)

Ентони Џошуа го победи Кристијан Пренга со прекин во второто коло во неговата камбек борба во Џеда, Саудиска Арабија. 

Џошуа по победата бара да му дадат албанско знаме (ВИДЕО)

Победата дојде по голема драма. Џошуа преживеа два нокдауни во првата рунда. Но, Албанецот беше истрошен и Џошуа веќе во второто коло го приведе мечот кон крајот.

Британците по победата побараа од публиката да му го даде албанското знаме. Кога го добил, го ставил на рамо, додека на другото рамо стоело знамето на Велика Британија. Погледнете како тоа изгледаше.

Следен противник на Џошуа е Тајсон Фјури

За Џошуа следната борба е против сонародникот Тајсон Фјури. Долгоочекуваната борба меѓу двајцата Британци е закажана за ноември 2026 година, но се уште не е одреден датум. „Го потпишавме договорот, се е договорено“, изјави менаџерот Еди Херн по синоќешната борба.

Борбата меѓу Џошуа и Фјури, двајцата од најпознатите британски боксери, наводно е закажана за ноември. Иако ниту еден од нив не е на врвот на својата кариера, комерцијалниот интерес е огромен. Натпреварот се очекува да биде проследен на Нетфликс.

Британските навивачи се надеваат на борбата дома, но организаторите и радиодифузерите од Саудиска Арабија, наводно, ги претпочитаат САД поради американскиот пазар. Како една од опциите со години се споменува британскиот национален фудбалски стадион Вембли.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер