Бесими: Високиот ранг на Индексот за активна транспарентност потврда за заложбите - Канал 5

Македонија

Бесими: Високиот ранг на Индексот за активна транспарентност потврда за заложбите

Високото рангирање на Министерството за финансии помеѓу државните институции според Индексот за активна транспарентност за 2021 година, е потврда за нашите заложби за континуирано подобрување на фискалната транспарентност.

Бесими: Високиот ранг на Индексот за активна транспарентност потврда за заложбите

Ова го напиша министерот за финансии Фатмир Бесими на својата Фејсбук страна.

Министерството за финансии е второ на листата од министерствата според активна транспарентност, а четврто од сите државни институции, и бележи скок од 9,2 процентни поени во однос на минатата година со 94,4 од можни 100 проценти.

-Наш главен фокус е креирањето подобар систем на јавни финансии, што ќе води кон раст на економијата и подобар квалитет на живот за сите граѓани. Индексот на активна транспарентност потврдува дека нашите постојани активности за подигање на фискалната транспарентност даваат резултати и во таа насока ќе продолжиме и во иднина, пишува Бесими.

Министерството за финансии, како што нагласува, има креирано повеќе алатки за фискална транспарентност. Фискалниот бројач, кој на дневна основа ги прикажува буџетските приходи, расходи и капитални расходи, нивната реализација во однос на планот, како и месечни податоци за државниот долг. Календарот на даночна регулатива, каде се објавени сите планирани промени на даночната регулатива до крајот на годината, со што на бизнис заедницата и на јавноста им се овозможува поефикасно и поефективно да ги планираат своите активности. Порталот „Отворени финансии", кој овозможува преглед на сите исплати од Трезорот. Веб апликацијата „Граѓански буџет", која на едноставен начин покажува како се крои буџетот, на кој начин се полни и како се трошат распределените средства. Платформата „Јавен долг" каде може да се следи состојбата на долгот, неговото движење по години, раздолжувањата, повлекувањата за тековната година, како и финансирањето на истиот. Алатката „Капитални расходи", која покажува колку од капиталните расходи предвидени со Буџетот секоја институција има реализирано досега – како процент од планираното и апсолутен износ, како и колку треба да се реализира до крајот на годината.

-Со објавувањето на сите овие информации значајно се подобрува фискалната транспарентност, а со тоа се креира и подобар систем на јавни финансии. Кога граѓаните и компаниите се добро информирани и знаат како јавните институции ги трошат средствата собрани од даноците, тие можат да се вклучат во процесот на планирање, да бараат одговорност од институциите, како и да прават притисок трошењето да се прави на поефикасен начин, пишува министерот.

Индексот за активна транспарентност покажува колку институциите објавуваат информации на сопствена иницијатива, без притоа да има доставено барање за пристап до тие информации. Активната транспарентност на државните институции е подобрена за 5 процентни поени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Поранешниот претседател на Јужна Кореја е осуден за лажење во изборната кампања

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи. 

Коментарот на Халанд на сопствената статуа е хит на мрежите (ВИДЕО)

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер