Бериша побара „Резолуција за српскиот геноцид Косово“ - Канал 5

Балкан

Бериша побара „Резолуција за српскиот геноцид Косово“

Тој обвини дека Рама е слуга на Вучиќ, Бала му возврати ти си добар српски зет.

Бериша побара „Резолуција за српскиот геноцид Косово“

На денешната пленарна седница на албанско Парламент, покрај барањето за разрешување на првиот парламентарец, Нико Пелеши, што беше отфрлено, лидерот на Демократска партија, во име на опозицијата, побара донесување „Резолуција за осуда на српскиот геноцид во Косово“.

- Да го негираш српскиот геноцид на Косово, да ја негираш совеста на својата нација, значи да бидеш без совест, тоа е надвор од секој концепт. Како можеш да ја трансформираш својата крв, а во твоите семејства имаш луѓе кои паднале за татковината. Може ли Албанец да гази на оваа крв? Зошто го правите ова, затоа што вашиот лидер (Еди Рама) е аргат на Вучиќ, тој е слуга на Вучиќ, рече Бериша од говорницата.

Додавајќи дека стануваат соучесници во злосторството, на социјалистите им порача „мора да се спротивставите на геноцидот, убивањето од етнички причини е геноцид“.

Одговарајќи му, координаторот на пратеничката група на Социјалистичката партија, Таулант Бала, рече дека „сè што доаѓа од Бериша за Косово никогаш не било и никогаш нема да биде за добро“.

-Ништо што доаѓа од Бериша и кога станува збор за Косово никогаш не било и никогаш нема да биде за добро. Вашата одлука да го бојкотирате протестот во поддршка на ОВК е едноставно потврда за вашите ставови и дејствија против интересите на Косово. Прашувам зошто српските навивачи го скандираа името на Бериша на фудбалскиот натпревар Србија-Албанија? Се знае затоа што Сали е добар српски зет, тој добро ѝ служел на Србија секогаш кога имал можност, рече Бала.

Сопругата на Бериша, Лирија (Лири) Бериша, претходно Слободанка, е ќерка на Реџеп и Милица Рамај. Реџеп бил Албанец, со потекло од Црна Гора, и оженет со Милица Булатовиќ. Во 1990 година го сменила името Слободанка, што во превод на албански значи Лири(ја). Го модифицирала во Милика и името на нејзината мајка, Милица, за разлика од нејзиниот брат Агим Рамај, на чиј извод од матичната книга на родени кај графата мајка стои Милица.

Тагови: Бериша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер