Бериша на изборен митинг во Тирана: Се издигнавме како феникс за да одиме до победа - Канал 5

Балкан

Бериша на изборен митинг во Тирана: Се издигнавме како феникс за да одиме до победа

На официјалниот почеток на изборната кампања за парламентарните избори на 11 мај,  синоќа изборен митинг одржа опозициската изборна коалиција "Алијанса за величествена Албанија" предводена од Демократската партија на Сали Бериша.

Бериша на изборен митинг во Тирана: Се издигнавме како феникс за да одиме до победа

Коалицијата ја сочинуваат уште 25 помали политички партии, меѓу кои и Партијата на слободата, на Илир Мета, Републиканската на Фатмир Медиу, како и партијата на грчкото малцинство, Партија за заштита на човековите права на Вангел Дуле.

Од плоштадот „Мајка Тереза" во Тирана, Бериша во обраќањето меѓу другото му порача на својот опонент Еди Рама дека „доколку го допре гласот на Албанците, нема да постои место над земја за да живее".

Тој, исто така, побара од премиерот да си замине со гласовите на 11 мај, бидејќи според Бериша, тој им нанел најголема штета на Албанија и Албанците.

-Една недела низ Европа го заковаа Еди Рама, ја заковаа наркодржавата. Побараа слободно даден глас. И јас му велам на Еди Рама не го допирајте гласот, бидејќи апсолутно нема да имате место над земјата. Заминете со гласовите на Албанците, затоа што и нанесовте голема штета на оваа држава, порача Бериша.

Тој додаде дека Рама си заминува со срам како најголемо зло по Енвер Хоџа во историјата на Албанците.

-Ги поздравувам сите социјалисти кои решија да ни се придружат. Ги поздравувам сите Албанци за да ја претвориме од Албанија на болка, во мирна Албанија, од Албанија на разочарувањето во Албанија на мирот и напредокот. Се издигнавме како феникс за да одиме до победа која ќе ја донесеме сите заедно, Албанците тука и оние во дијаспората, нагласи тој.

Нагласи дека „Албанија е Албанија на вашата душа, на вашата љубов кон неа, љубов кон семејството. Таа е вашата татковина".

-Мои пријатели, ова е многу посебна ноќ затоа што вечерва дојдовме овде да ја започнеме нашата битка, битката за победа, битката за величествена Албанија, битка во која Албанија повторно се издига за подобар живот на сите, за младите да останат тука, рече тој.

Бериша на митингот пристигна во придружба на Крис Ла Цивита, кој ја води кампањата на опозицијата. Беа дочекани со овации од приврзаниците, кои носеа знамиња на Албанија, Америка и Европската Унија.

Во говорот Цивита користеше исти обвинувања како и опозицијата, велејќи дека „со Рама и владата земјата минала 12 години полни со неуспеси".

Поранешниот советник на Трамп, кој ја водеше и неговата кампања, изјави дека социјалистите, исто како и во Америка, нема да можат да ја замолчат опозицијата и ги повика присутните да гласаат за Бериша доколку сакаат враќање на надежта.

-Кој е подготвен да ја направи Албанија величествена? Во 2024 година во САД, социјалистите се обидоа да го затворат Трамп, но не успеаја. Во 2025 година, овде во Албанија, социјалистите сакаат да ја стават во затвор опозиција и ќе пропаднат. Зошто? Затоа што немаат што да кажат за последните 12 години, 12 години криминал, 12 години дрога. Поминаа 12 години економски неуспех. Зошто да гласате за партија која ги предизвикала сите проблеми. Гласајте за Бериша. Вратете ја надежта, порача Ла Цивита.

Ако Бериша синоќа ја почна трката за враќање на власт, денеска социјалистите на Еди Рама на плоштадот "Скендербег" ја почнуваат за освојување последователен четврт мандат.

Социјалистите на овие избори настапуваат под слоганот "Албанија во 2030 во ЕУ - единствено со Еди и СП". Во коалиција е единствено со партијата на Македонците, Македонска алијанса за европска интеграција(МАЕИ), на Васил Стерјовски.

Ова се 11-ти парламентарни избори по падот на комунистичкиот режим, на кои учествуваат 11 политички партии и коалиции.

Тагови: Бериша Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер