Балкан

Бербок пристигна во Сараево: БиХ мора да ја искористи шансата

Германската министерка за надворешни работи, Аналена Бербок денеска во Сараево изјави дека Босна и Херцеговина мора да ја искористи историската можност за отворање на пристапните преговори со Европската унија.

Бербок пристигна во Босна и Херцеговина како дел од новата дипломатска иницијатива чија цел е да ги охрабри властите во БиХ да усвојат реформски закони до 20 март за да може Европскиот совет да донесе одлука за отворање на пристапните преговори.

Услов за тоа е донесување на три нови закони и реформа на постојниот изборен закон преку технички измени кои треба да обезбедат интегритет на изборниот процес.

Парламентот на Босна и Херцеговина досега успеа да го донесе законот за спречување перење пари и финансирање тероризам, а останува да се донесат закони за судови и за спречување судир на интереси.

Германската министерка допатува во Сараево за да се сретне со највисоките претставници на Босна и Херцеговина веднаш по шефовите на дипломатиите на Италија и Австрија, Антонио Тајани и Александар Шаленберг.

Бербок за новинарите изјави дека дошла да ја поддржи БиХ бидејќи „европската идеја се бранела во Сараево пред 30 години“, а денес, како што истакна, „се брани во Киев, бидејќи Владимир Путин сега со насилство се обидува да ја одвои Украина од Европа“.

Таа рече дека отсуството на активна политика за проширување на Унијата се покажало како проблем, па владата во Берлин е за сите шест земји од Западен Балкан да станат полноправни членки.

-Ова ќе ја зајакне Европа бидејќи тогаш нема да има повеќе „сиви зони“ во неа, рече Бербок.

Таа посочи дека Берлин сака БиХ да влезе во ЕУ како целосна земја и најави дека јасно ќе се идентификуваат сите „сецесионистички фантазии“ и ќе се спречи нивното остварување. Таа ги повика властите на босанските Срби да го сфатат тоа сериозно.

-Оваа земја сега се наоѓа на одлучувачки крстопат и оваа можност мора да се искористи, рече Бербок, додавајќи дека напредокот во проширувањето на ЕУ е можен само доколку реформите се спроведат брзо и доследно. Таа го нарече „важен дел од таа загатка“ донесувањето на законот за борба против перење пари, додавајќи дека сега се чекаат други закони бидејќи се важни за воспоставување на правната држава, исто како што техничките прилагодувања на изборните закони се важни за спроведување на локалните избори во октомври. Очекува политичарите во Босна и Херцеговина сами да го договорат тоа за да не мора да интервенира високиот претставник Кристијан Шмит.

-Би било штета ако високиот претставник треба да го наметне тој (изборен) закон, предупреди Бербок.

Министерот за надворешни работи на БиХ, Елмедин Конаковиќ изјави дека Германија била и останува еден од најважните партнери на БиХ и дека во овој момент, кој го нарече историски, го смета тоа пријателство за уште поважно.

-Конкретните понуди што ги имаме на маса од ЕУ... се примери дека Унијата во моментов ширум ги отвора вратите и се надевам дека моите колеги во Владата ќе продолжат со спроведување на не така лесните реформи и обврски, рече Конаковиќ, посочувајќи дека на сите им е јасно дека до 20 март Босна и Херцеговина мора да донесе важни закони.

„Се надеваме на пристапни преговори“, рече Конаковиќ, додавајќи дека се надева на позитивна одлука на Европскиот совет затоа што е исклучително сериозно прашање што ќе се случи со Босна и Херцеговина ако тоа не се случи, бидејќи Русија се заканува да „собере фрустрации „ од регионот и да ги претвори во свои интереси.

Како што посочи, отворањето на пристапните преговори треба да им покаже на граѓаните на Босна и Херцеговина дека компромисите се исплатат и дека актуелните власти остануваат посветени на тој пристап. Тој ги повика сите земји од Западен Балкан да соработуваат за да се елиминираат стравувањата во Унијата дека преку интеграција ќе донесат свои проблеми и конфликти во Унијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Гости изеле околу 50.000 мравки- ресторанот во Сеул е казнет поради служење забранет десерт

Јужнокорејски суд казни еден од најпознатите ресторани во Сеул за служење десерт украсен со мравки, бидејќи локалните закони за безбедност на храната не дозволуваат консумирање на инсектите.

Менаџерот на ресторанот „Евет“, награден со две Мишелин ѕвездички, беше казнет со 5.400 фунти, додека извршниот директор на ресторанот беше казнет со 8.000 фунти, објави „Гардијан“.

Судијата од Сеул, Ли Се-чанг, рече дека прекршокот не е тривијален бидејќи нивоата на тешки метали кај мравките биле над законската граница. Тој рече дека го зел предвид фактот дека обвинетите се изјасниле за виновни за кривичното дело и немале претходни пресуди.

Michelin-starred Seoul restaurant fined for using ants as garnish https://t.co/bcLTKkkOjc
— BBC News (World) (@BBCWorld) September 16, 2026

Само 10 видови инсекти се одобрени како состојки за храна во Јужна Кореја, вклучувајќи скакулци, црви и свилени буби. Министерството започна истрага откако забележа споменувања на јадења со мравки во објавите и на социјалните мрежи.

Обвинителството соопшти дека ресторанот увезувал сушени мравки од САД и Тајланд по пошта од април 2021 година. Се проценува дека десертот им бил послужен на 12.274 гости, користејќи 49.096 мравки, генерирајќи вкупен приход од околу 65.000 фунти.

Тагови: мравки ресторан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е бегалец од затворот Идризово- бил осуден на 12 години и 8 месеци затвор

Лишен од слобода бегалец од затвор во Гостивар.

Денеска (17.09.2026) во Гостивар, полициски службеници од Секторот за меѓународна полициска соработка – Одделение за потраги, Отсек за потрага по цел, во содејство со полициски службеници од Одделението за внатрешни работи Гостивар, го лишиле од слобода Е.А. (42) од Гостивар, кој бил во бегство од Казнено-поправната установа Затвор „Идризово“.

Е.А. бил осуден на казна затвор во траење од 12 години и осум месеци за сторени кривични дела „неовластено производство и пуштање во промет наркотични дроги, психотропни супстанции и прекурсори“ согласно член 215 и „кражба“ согласно член 236 од Кривичниот законик.

По лишувањето од слобода, лицето е предадено во Казнено-поправната установа Затвор „Идризово“ за издржување на изречената казна затвор, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДУИ: Седница на Централното претседателство за одлуката на Специјализираните совети на Косово

Денес, претседателот на Демократската унија за интеграција, Али Ахмети, одржа седница на Претседателството на Генералниот совет, односно на Централното претседателство на ДУИ.

Денес, претседателот на Демократската унија за интеграција, Али Ахмети, одржа седница на Претседателството на Генералниот совет, односно на Централното претседателство на ДУИ, на која се дискутираше за актуелните политички случувања во земјата, како и за зајакнување на структурните и организациските капацитети во рамките на Демократската унија за интеграција.

Посебен фокус во дискусијата беше ставен и на одлуката на Специјализираните совети на Косово во Хаг од 16 септември 2026 година. Централното претседателство оцени дека:

Во овие моменти, кога вниманието на Албанците е насочено кон Хаг и кон одлуката во однос на припадниците на ОВК, важно е да се потсетиме како започна овој процес, врз какви тврдења беше заснован и што остана од нив по сите овие години.

Процесот што доведе до формирањето на Специјализираните совети доби поттик од извештајот на Дик Марти и од тешките тврдења за трговија со човечки органи. Но, по сите овие години истраги и судски процес, ниту едно од тие тврдења, поради кои беше формиран овој суд, не беше докажано, а во недостиг на факти беше конструиран процес против Хашим Тачи, Јакуп Красниќи, Кадри Весели и Реџеп Сељими.

Војната на ОВК беше војна за ослободување и слобода на Косово. Историјата на оваа војна и жртвата на еден народ за слобода не можат да бидат судени преку конструиран судски процес.

Протестите организирани по објавувањето на пресудата претставуваат легитимна форма на граѓанско изразување во едно демократско општество. Не постои демократска држава во светот, ниту демократски устав, што го забранува правото на протест. Граѓаните имаат право своите ставови и незадоволство да ги изразуваат преку мирни и ненасилни протести.

Да не дозволиме историјата на ослободителната војна на Косово да биде искривена, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.