Свет

Белгиските железничари во еднонеделен штрајк

Од денеска почнува еднонеделен штрајк на вработените во Националната железница на Белгија (СНЦБ/НМБС) во организација на белгискиот независен синдикат на јавниот транспорт МЕТИСП-Протект, јави дописникот на МИА од Брисел.

Штрајкот се организира поради незадоволство од предложените пензиски реформи на белгиската Влада, кои меѓу другото предвидуваат и зголемување на старосната граница за пензионирање.

Како што соопшти МЕТИСП-Протект, во штрајкот нема да се вклучат сите негови членови одеднаш, туку прво со работа ќе прекинат машиновозачите, а потоа во текот на неделата ќе им се приклучат и кондуктерите.

Поради штрајкот, СНЦБ/НМБС најави редуцирање на бројот на возови што ќе сообраќаат. Така денеска ќе функционираат две третини од меѓуградските брзи возови и три петтини од локалните и приградските возови. Утре, пак, ќе сообраќаат 70 проценти од меѓуградските возови и две третини од локалните и приградските возови. Распоредот прекин на железничките линии за следните денови ќе биде објавуван 24 часа однапред.

Овој прекин на работата следи по деветдневниот штрајк на Синдикатот на железничкиот персонал (СИВ/ОВС) и на Автономниот синдикат на машиновозачите (САЦТ/АСТБ) одржан кон крајот на февруари и почетокот на март, поради незадоволство од најавените владини реформи.

Двата најголеми синдикати на железничарите во Белгија, Генералниот сојуз на јавниот сектор – Транспорт (САЦТ/АСТБ) и Конфедерацијата на христијански синдикати – Транском (ЦСЦ-Т/АЦВ-Т) не учествуваат во овонеделниот, како ни во претходниот деветдневен прекин на работа, но најавија свој распоред на штрајкување во периодот до јули годинава, кој ќе започне со национален штрајк следниот понеделник на 31 март.

Тагови: штрајк машиновозачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор.

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.