Фудбал

Белгиската легенда Енцо Шифо смета дека Македонија не може да биде пречка на патот на Белгија кон СП 2014 во Бразил

Со потенцијалот со кој располага сегашната белгиска репрезентација, Македонија не може да претставува пречка на нашиот пат кон Светското првенство. Ова го вели легендата на белгискиот фудбал Винченцо Шифо, во интервју за официјалниот магазин на Фудбалската асоцијација на Белгија по повод претстојниот двомеч на неговата репрезентација против Македонија во рамки на квалификациите за пласман на „мундијалот“ што идната година ќе се одржи во Бразил, пренесува дописникот на МИА од Брисел.

Енцо Шифо, кој постигна два гола на оној за нас катастрофален квалификациски меч во јуни 1995 година, кога пред празните трибии на Градскиот стадион во Скопје (поради суспензија од УЕФА), Белгија ја декласираше Македонија со 5:0, откако претходно одигравме реми (1:1) на “Хејсел“ во Брисел, со гордост се сеќава на една од најголемите победи на “црвените ѓаволи“:

- Се сеќавам дека уште на стартот дадовме брзо гол, што потоа многу ни ја олесни работата. Веднаш ја превземавме контролата на мечот во свои раце, а потоа се забавувавме, игравме добро и на крајот остваривме лесна победа. Иако Македонија беше противник што лесно го победивме, тешкотија беше што моравме да внимаваме да не ги пуштиме да играат. Јас тогаш само што се опоравив од повреда и морав да бидам внимателен. Тоа беше мој нов почеток на кариерата со “црвените ѓаволи“ - се сеќава Шифо во интервјуто.

Според екс-организаторот на играта на Белгијците, тогашниот селектор на Белгија, Полн ван Химст, ги предупредил дека секое губење на концентрацијата, поради тоа што играле пред празни трибини, дека може скапо да ги чини. „Наша цел беше да пред се секонцентрираме на својата игра оти знаевме дека многумина од нашите играчи не играа добро на своите места и многу интернационалци беа пред крајот на својата кариера“, вели фудбалерот што одигра 84 натпревари и постигна 18 голови за Белгија.

За неговите очекувања од двомечот со Македонија, Шифо потенцира дека Белгијците може да очекуваат се и затоа мора да бидат максимално подготвени.

- Очигледно мора да го почитуваме противникот, но како и секогаш мора да одиме на победа, наметнувајќи им ја својата игра од стартот. Дури на второ место е анализа на нивната игра. Со потенцијалот со кој сега располагаме и со желбата на тимот, Македонија не може да претставува препрека на нашиот пат кон Светското првенство - искрен е човекот што додека настапуваше го носеше прекарот “малиот Пеле“.

Според Шифо, веќе нема лесни наптревари и Белгија мора да победи на сите следни средби. Тој вели дека правејќи го тоа, тие ќе можат да ги почнат одлучувачките натпревари од кои прв е оној против Хрватска во Загреб. Долгогодишниот капитен на Белгијците смета дека со оглед на сегашната ситуација во селекцијата и позитивната спирала во која се развива тимот, тој цели дека не треба за ништо да се грижат поддржувачите на нивната репрезентација.

- Ние ќе се натпреваруваме со најдобрите светски репрезентации и ќе им покажеме кои сме! Не можеме повеќе да се ставаме во позиција на чекање, оти имаме квалитет со кој можеме да се мериме со било-кој тим. Единствен проблем ни е завршувањето на акциите, односно реализацијата е работа која треба да ја подобриме. Ако Лукаку и Бентеке успеат да ги повторат добрите клупски игри во дресот на Белгија, ќе направиме голем исчекор во позитивен правец - анализира актуелнито тренер на белгиски Монс.

На прашањето да направи разлика меѓу селекцијата на Белгија од 80-тите и 90-тите години на минатиот век кога тој ја предводеше со сегашната генерација, Шифо вели тешко се споредливи тогашните со сегашните времиња, но дека постои јасна разлика. “Во секој случај, оваа генерација има во своите редови има неколкумина најталентирани играчи на денешниот фудбал. Кога ги гледам останатите земји, искрено не гледам повеќе од три или четири репрезентации во светот што се подобри од нас. Но, самиот талент не е доволен. Мора да бидеме способни да покажеме дека сме најсилни и да бидеме свесни за вашите квалитети. Тој талент мора да се конкретизира на теренот“, порачува Шифо.

Квалификувањето на СП 2014 во Бразил, според некогашната фудбалска ѕвезда број еден на Белгија би било доказ за квалитетот на сегашниот тим. Тој смета дека сегашната генерација може уште да напредува, но доколку напаѓачите кои се развиваат, меѓу кои Лукаку, Бентеке, Де Брујн, Дембеле и Азар, успеат да воспостават автоматизам, кохерентност во играта, дека тогаш сите надежи се дозволени.

Запрашан дали оваа белгиска репрезентација цели на пласман во полуфиналето на „мундијалот“ во Бразил, Шифо со одговор:

- Подготвен сум да се облложам на тоа, иако знаеме дека во фудбалот за жал не ги контролираме сите параметри. Ако се квалификуваме на СП, мислам дека ќе ги изненадиме сите таму. Единствена работа што не ни оди во прилог е фактот дека уште не сме се квалификувале и притисок се уште е многу голем и може да претставува сопирачка за нашата игра. Јас сум нетрпелив да го видам нашиот тим како се развива кога нашите играчи се целосно ослободени од притисокот, но сигурен сум дека ниту еден тим нема да може да доминира над нас, дури ниту Шпанија и Германија! - порачува за крај легендарниот белгиски фудбалер, а сега клупски тренер.

Како што е познато, утревечер (20:45 часот) на Националната арена „Филип Втори“ се игра првиот меч од петтото квалификациско коло во групата “А“ за пласман на СП 2014 меѓу Македонија и Белгија. Возвратниот натпревар меѓу истите селекции е закажан за вторник (26 март) и ќе се одигра на стадионот “Руи Бодуин“ во Брисел. Белгија е на делба на првото место во групата и со ист број на бодови со Хрватска (по десет) се борат за пласман на “мундијалот“, додека Македонија е четврта со четири бодови и се уште има теоретски шанси да се бори за место на СП 2014.

Свет

ОН: Израелски копнен напад на Рафа би можело да доведе до масакр

Израелски копнен напад врз Рафа ќе ги доведе во опасност животите на стотици илјади жители на Газа и ќе им нанесе огромен удар на хуманитарните активности низ палестинската енклава.

Израелски копнен напад врз Рафа ќе ги доведе во опасност животите на стотици илјади жители на Газа и ќе им нанесе огромен удар на хуманитарните активности низ палестинската енклава, соопшти Канцеларијата на ОН за координација на хуманитарни прашања (OCHA).

Израел се заканува дека ќе изврши копнен напад врз Хамас во Рафа, каде што се засолниле речиси милион луѓе.

„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат главно од Рафа“, рече портпаролот на ОЦХА, Јенс Лаерке, на брифингот во Женева.

Хуманитарните активности од Рафа вклучуваат медицински клиники и пунктови за дистрибуција на храна и центри за неухранети деца, рече тој.

Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречи големиот број жртви.

„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.

Тој додаде дека е „многу загрижен“ што нападот ќе го затвори граничниот премин Рафа меѓу Појасот Газа и Египет, кој се користи за увоз на лекови и медицинска опрема.

Фудбал

Официјално: Легендарен фудбалер по 12 години ја напушта Борусија

За тоа се шпекулираше и претходните месеци, објавија сите познати германски медиуми, а сега е и официјално! Марко Ројс по дванаесет години ќе ја напушти Борусија Дортмунд.

Напаѓачот преку социјалните мрежи им се обратил на навивачите и ја соопштил својата одлука да си замине. По 424 натпревари и 168 гола, два купа на Германија и еден Суперкуп, како и финалето од Лигата на шампионите во 2013 година, соработката конечно дојде до крај.

- Неверојатно сум благодарен и горд за ова посебно време во мојот сакан клуб. Поминав повеќе од половина од мојот живот во клубот и уживав во секој ден, иако секако имаше тешки моменти. Веќе знам дека ќе ми биде тешко да се поздравам на крајот од сезоната – рече Ројс во пораката до навивачите.

Ројс има 34 години и се уште не е познато каде би можел да ја продолжи кариерата. Тој е дете на Дортмунд, но од 2006 до 2012 година играше за Рот Вајс Ален и Борусија Менхенгладбах пред да се врати.

За германската репрезентација одигра 48 натпревари и постигна 15 голови.

Свет

ЕУ најави мерки за спречување на злонамерното однесување на Русија во кибер просторот

Европската Унија и нејзините земји членки заедно со меѓународните партнери силно ја осудуваат злонамерната кибер кампања спроведена од т.н. Актер за напредна постојана закана 28 (АПТ28).

Европската Унија и нејзините земји членки заедно со меѓународните партнери силно ја осудуваат злонамерната кибер кампања спроведена од т.н. Актер за напредна постојана закана 28 (АПТ28), кој е контролиран од Русија, против Германија и Чешка, се наведува во изјавата на високиот претставник на ЕУ за надворешна политика и безбедност Жосеп Борел.

Во изјавата се посочува дека Германија денеска сподели оценка за упад на AПT28 на различни и-мејли на раководството на владејачката Социјалдемократска партија на Германија (СПД), а Чешка во исто време објави дека и нејзини институции биле цел на оваа кибер кампања. Борел потсетува дека претходно беа мета на истиот чинител беа и државни институции, агенции и ентитети во други земјите членки на ЕУ, меѓу кои и во Литванија, Полска, Словачка и Шведска, како и дека во 2020 година Унијата воведе санкции за поединци и субјекти одговорни за нападите на АПТ28 насочени кон германскиот Федерален парламент во 2015 година.

- Злонамерната кибер кампања го покажува континуираниот модел на неодговорно однесување на Русија во кибер просторот, таргетирајќи ги демократските институции, владините ентитети и провајдерите на критична инфраструктура низ Европската Унија и пошироко. Овој тип на однесување е во спротивност со нормите на ОН за одговорно државно однесување во кибер просторот, како што е нарушување на користењето и работењето на критичната инфраструктура. Занемарувајќи ја меѓународната безбедност и стабилност, Русија постојано го користеше APT28 за да спроведе злонамерни кибер активности против ЕУ, нејзините земји членки и меѓународните партнери, особено Украина, се додава во изјавата на Борел дадена во име на Европската Унија.

Како што јави дописникот на МИА од Брисел, Борел нагласува дека ЕУ нема да толерира такво злонамерно однесување, особено активности кои имаат за цел да ја деградираат критичната инфраструктура, да ја ослабат општествената кохезија и да влијаат на демократските процеси, имајќи ги предвид избори во ЕУ и во повеќе од 60 земји во светот што се одржуваат во текот на оваа година.

- ЕУ и нејзините земји членки ќе продолжат да соработуваат со нашите меѓународни партнери за промовирање на отворен, слободен, стабилен и безбеден кибер простор. ЕУ е решена да го искористи целиот спектар на мерки за спречување, одвраќање и одговор на злонамерното однесување на Русија во кибер просторот, се додава во изјавата.

притисни ентер