Белгијка е евтаназирана, откако си ги убила петте деца, најстарото имало 14 години - Канал 5

Живот

Белгијка е евтаназирана, откако си ги убила петте деца, најстарото имало 14 години

Белгијката која ги уби своите пет деца е еутаназирана на сопствено барање, точно на 16-годишнината од страшното злосторство, јавува Би-би-си.

Белгијка е евтаназирана, откако си ги убила петте деца, најстарото имало 14 години

Женевиев Лермит (56) на 28 февруари 2007 година во градот Нивел со нож ги убила синот и четирите ќерки на возраст од три до 14 години, додека нивниот татко бил отсутен.

Потоа се обидела да си го одземе животот, но не успеала и на крајот повикала брза помош.

Во 2008 година, Лермит била осудена на доживотен затвор, а во 2019 година е префрлена во психијатриска болница.

Во Белгија, законот им дозволува на луѓето да се одлучат за евтаназија доколку се смета дека страдаат од „неподнослива“ ментална или физичка болест која не може да се излечи. Личноста мора да биде свесна за својата одлука и да може да ја оправда својата желба на доследен начин.

„Тоа е специфична процедура што г-ѓа Лермит ја следеше додека собираше различни медицински мислења“, рече нејзиниот адвокат.

Психологот Емили Мароа за каналот RTL-TVI изјави дека Лермит најверојатно одлучила да умре на 28 февруари, кога ги убила своите деца.

Страшното злосторство и судскиот процес што следеше ја потресе Белгија. За време на судењето, адвокатите на Женевиев Лермит тврдеа дека таа е ментално растроена и не треба да биде испратена во затвор. Но, поротата ја прогласи за виновна за убиство со умисла и ја осуди на доживотен затвор.

Во 2010 година, Лермит поднесе граѓанска тужба барајќи три милиони евра од поранешниот психијатар, тврдејќи дека неговото „недејствување“ не успеало да ги спречи убиствата, но на крајот се откажа од правната битка по 10 години.

Во 2022 година, 2966 луѓе починале од евтаназија во Белгија, што е зголемување за 10% во споредба со 2021 година. Ракот останува најчеста причина, но официјалните лица велат дека во речиси три од четири барања, пациентот покажал „некаков вид на страдање, физичко или ментално“.

Од 2014 година, Белгија дозволува на децата да им се помага да умираат како возрасни ако се смртно болни и имаат големи болки, но само со согласност на нивните родители, објави Би-би-си.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер