Белгија врати саркофаг стар 2.300 години во Египет - Канал 5

Живот

Белгија врати саркофаг стар 2.300 години во Египет

Белгија му врати на Египет саркофаг, за којшто се проценува дека е стар околу 2.300 години. Гестот се случи викендов, десетина години откако артефактот беше запленет од полицијата во Брисел. 

Белгија врати саркофаг стар 2.300 години во Египет

Саркофагот му беше предаден на египетскиот амбасадор, на свеченост одржана во белгиската престолнина, соопштија вчера тамошните власти.

- Враќањето на нелегално украден предмет во земјата на потекло е праведен чин по 10 години истрага и судска постапка, изјави обвинителот од Брисел, Жулиен Мојнил.

Белгиската полиција го заплени саркофагот во 2015 година, врз основа на потерница од Интерпол издадена по барање од судските влати во Египет. Артефактот бил чуван во Кралскиот музеј на уметност и историја во Брисел.

Според белгиските стручњаци, дрвениот саркофаг датира од периодот на македонско-египетскиот владетел Птоломеј, од преминот меѓу 4. и 3. век п.н.е., и „несомнено му припаѓал на член на египетската висока општествена класа“ од тоа време. Се истакнува дека изборот на материјали и исклучително прецизната изработка сведочат за високото ниво на занаетчиството од тоа време. Врз основа на хиероглифите на саркофагот, утврдено е дека во него бил погребан човек по име Па-ди-Хор-па-херед, кој е прикажан на саркофагот како се трансформира во древниот египетски бог на подземјето, Озирис.

Тагови: Египет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германците се подготвуваат за можна руска агресија: Одобрен е нацрт законот за воени резервисти

Германската влада одобри нацрт-закон за задолжително повикување на воени резервисти на обука, дел од плановите за зголемување на бројот на војници и воените капацитети на Германија за одбрана од можна руска агресија.

Германците се подготвуваат за можна руска агресија: Одобрен е нацрт законот за воени резервисти

Германија планира да ги удвои своите резервни сили до средината на следната деценија на најмалку 200.000 војници, објави Ројтерс, наведувајќи дека целта е германската армија да има 260.000 активни војници.

Германскиот министер за одбрана Борис Писториус постојано предупредува дека Германија мора да биде подготвена за војна и мора да ја подобри својата способност за брзо мобилизирање на силите во случај на голем конфликт на европско тло.

Тој потврди дека германското Министерство за одбрана верува дека потпирањето на доброволно учество во армијата повеќе не е доволно со оглед на безбедносната ситуација во Европа.

Се очекува Бундестагот да го разгледа нацрт-законот по летниот одмор, а министерството очекува законот да стапи на сила на почетокот на следната година.

Извор: Б92

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Булеварите се проодни, состојбата се стабилизира

Обилните врнежи кои попладнево го зафатија главниот град предизвикаа низа штети, а најкритично беше во општините Кисела Вода, Аеродорм и Гази Баба.

Ѓорѓиевски: Булеварите се проодни, состојбата се стабилизира

Сосотојбата е веќе стабилизирана, има поплавени подруми, но сообраќајниците и подвозниците се веќе проодни, информираше градоначалникот на Град Скопје во изјава за Канал 5.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Биљал Касами во „Само интервју“

Почитувани, утре во Само Интервју ќе гостува копретседателот на Вреди и градоначалник на Тетово, Биљал Касами.

Биљал Касами во „Само интервју“

Владата се реконструира, коалицијата се прошири, Вреди добија министерство плус, сработеното или политичките калкулации, што беше пресудно за новитетите? Се подготвува ли терен за предвремени избори?

Какви имиња ќе добијат улиците во Тетово по одлуката на Уставен?

Во која насока се придвижува блокираната евроинтеграција по самитот ЕУ-Западен Балкан во Тиват? Се реализираат ли реформите со очекувано темпо?

Колку Влен ги оправда очекувањата на Албанците и ја донесе промената што ја ветија? Дали наместо соочување со одговорност, ДУИ ќе се врати на бел коњ?

Утре во Само Интервју кај Гоце Михајлоски ќе гостува , Биљал Касами, веднаш по централните вести.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер