Белгија во Северното Море ќе го гради првиот вештачки енергетски остров во светот - Канал 5

Живот

Белгија во Северното Море ќе го гради првиот вештачки енергетски остров во светот

Белгија на почетокот на идната година ќе почне со изградба на првиот вештачки енергетски остров во светот со електрани на ветер за производство на високонапонска еднонасочна и наизменична струја.

Белгија во Северното Море ќе го гради првиот вештачки енергетски остров во светот

Белгија на почетокот на идната година ќе почне со изградба на првиот вештачки енергетски остров во светот со електрани на ветер за производство на високонапонска еднонасочна и наизменична струја, кој ќе биде поврзан со белгиската електрична мрежа и со интерконекции со Велика Британија и Данска.

Како што соопшти операторот на проектот, компанијата „Елиа“, белгискиот министер за правда Винсент Ван Квикенборн веќе издал еколошка дозвола за изградба на островот наречен Принцеза Елизабет, кој ќе се наоѓа во заштитената морска област Натура 2000 во Северното Море.

Весникот „Ехо“ објави дека Белгија е на второто место во светот по производство на електрична енергија од офшор капацитет по глава на жител, веднаш зад Данска, при што белгиските електрани на ветер во Северното Море произведуваат 2,26 гигавати струја. Со новиот проект тоа производството се планира да се зголеми до 3,5 гигавати електрична енергија.

Но, реализацијата на проектот зависеше од добивањето еколошка дозвола, бидејќи организациите за заштита на животната средина изразуваа загриженост дека изградбата на островот може да предизвика „потенцијалната штета на биолошкиот диверзитет“.

Сепак, според „Елиа“, во подготовката на дизајнот се водело смета и за животната средина и островот ќе биде изграден на начин што ќе нуди „вистински можности за морскиот биодиверзитет“.

Во образложените на еколошката дозвола министерот Ван Квикенборн наведува дека е добро што „дизајнот ја вклучува и природа“, со што се покажува „моќта на иновативниот пристап, потенцијалот на обновливите извори на енергија и важноста на заштитата на морската средина“.

- Наша цел е понатамошно развивање на Северното Море како електрана за нашата земја. Островот Принцезата Елизабета ќе биде суштинска врска во овој процес, оцени Ван Квикенборн.

Првите турбини на ветер на островот треба почнат со производство на струја во 2028 година, што, според Ван Квикенборн, ќе и овозможи на Белгија да произведува повеќе зелена електрична енергија за своите домаќинства и бизниси.

Белгиската министерка за енергетика Тине Ван дер Стратен оцени дека при изградбата на островот е важно е да се има предвид морскиот живот и над и под водата.

Таа, како што јави дописникот на МИА од Брисел, додаде дека Белгија како е еден од лидерите во сферата на офшор енергија, со изградбата на островот ќе ја забрза својата енергетска транзиција со четирикратно зголемување на капацитетите на електраните не ветер во Северното Море и со нивото поврзување со други земји од регионот.

Според Ван дер Стратен, изградбата на островот Принцеза Елизабет е во рамки на напорите за остварување на амбицијата за трансформација на Северното Море во „зелена енергетска централа“.

- Енергетскиот остров ќе стане центар за офшор енергија од ветерот со што ќе се обезбеди евтина зелена струја за нашите семејства и бизниси, додаде Ван дер Стратен.

Заложбата за трансформација на северноморскиот регион во „зелена енергетска централа“ беше објавена на Самитот за Северното Море, што се одржа во април во белгискиот град Остенде, каде девет европски земји се обврзаа во Северното Море заеднички да произведуваат најмалку 300 гигавати офшор енергијата од ветерот до 2050 година.

Засега не е позната точната сума на средства потребна за изградба на енергетскиот остров, но според најновите проценки, како што објави „Ехо“, трошоците за реализација на проектот ќе достигнат над две милијарди евра. За реализацијата на проектот ЕУ во рамки на својот План за обнова и отпорност, издвои 99,7 милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

Актерот Бранко Ѓуриќ Ѓуро ѝ го честиташе 30-тиот роденден на својата ќерка Зала преку емотивна објава на Инстаграм, споделувајќи серија фотографии на кои се заедно.

Ѓуро ѝ го честита 30-тиот роденден на својата ќерка со емотивна објава: „Ти благодариме што си наша“

На фотографиите е прикажана Зала, од раното детство па сè до денес, придружени со трогателна порака од Ѓуро.

„Среќен роденден, моја мала принцезо! Остани среќна и здрава. Ти благодарам за сите убави, луди, среќни и незаборавни моменти на твоето патување од 0 до 30 години. Ти благодарам што си наша“, напиша тој.

Зала тргна по стапките на своите родители и работи како актерка. Таа се појави во филмовите „Šesti autobus“ и „Deda ide na jug“, а глумеше и заедно со својот татко во претставата „We Will, We Will Rakija“.

Претставата беше поставена според нејзиното сценарио, додека Ѓуро ја режираше. Претходно оваа година, Зала објави дека станала мајка, иако не откри детали за приновата.

Ѓуро има и ќерка, Ела, со сопругата Тања, како и син, Филип, од првиот брак.

Тагови: Бранко Ѓуриќ Ѓуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Тамагочи“ за 21-от век: Закерберг го претстави новиот уред

Извршниот директор на „Meta“, Марк Закерберг, неодамна го претстави „Meta Charm“ – мал рачен уред дизајниран да ја интегрира вештачката интелигенција во секојдневниот живот.

„Тамагочи“ за 21-от век: Закерберг го претстави новиот уред

Според пишувањата на „Der Spiegel“, уредот е со големина приближно колку „Тамагочи“ и поседува мал екран на допир, микрофон, две камери и можност за поврзување преку 5G мрежа. За разлика од мобилниот телефон, „Meta Charm“ нема да поддржува гласовни или видеоповици; наместо тоа, тој е првенствено наменет да овозможи пристап до софтверот за вештачка интелигенција на „Meta“.

Закерберг не ја објави цената на уредот ниту земјите во кои тој ќе биде достапен, но наведе дека се очекува да се најде во продажба до Божиќ. Уредот работи со помош на „Meta AI“ – асистентот со вештачка интелигенција на компанијата, кој беше пуштен во употреба во САД пред неколку недели.

„Meta AI“ е наменет да им помогне на корисниците во извршувањето на секојдневните задачи, како што се пазарењето и банкарските услуги. Со воведувањето на „Meta Charm“, „Meta“ има за цел да ја намали зависноста на корисниците од паметните телефони и од оперативните системи на „Apple“ и „Google“.

„OpenAI“, компанијата што стои зад „ChatGPT“, развива сличен уред со помош на поранешниот главен дизајнер на „Apple“, Џони Ајв.

Аналитичарот од индустријата, Ави Грингарт, истакна дека „Meta“ успеала да го „протне“ својот производ пред конкурентите како „OpenAI“, напоменувајќи дека иако е малку веројатно паметниот телефон наскоро да биде целосно заменет, новите уреди би можеле да го надополнат.

Во исто време, тој предупреди дека „Meta“ се соочува со предизвик во однос на довербата на корисниците кога станува збор за заштитата на приватноста.

Извор: Б92

Тагови: Тамагочи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Напад пред прагот на НАТО: Руско беспилотно летало удри близу границата, се огласија сирените

Руско борбено беспилотно летало погоди област во близина на граничниот премин Јагодин-Дорохуск – на украинската страна од границата со Полска – што предизвика реакција од полската војска.

Напад пред прагот на НАТО: Руско беспилотно летало удри близу границата, се огласија сирените

Според полските власти, леталото погодило цел на оддалеченост од приближно два километри од граничниот премин. Како одговор на нападот, Полска подигна воени авиони и ги стави своите сили во состојба на готовност.

Потполковникот Јацек Горишевски, портпарол на Оперативната команда на полските вооружени сили, потврди дека руско беспилотно летало се урнало во близина на Јагодин. „Беспилотен систем на Руската Федерација повторно се урна недалеку од преминот Дорохуск – уште еднаш во близина на Јагодин“, изјави Горишевски за ТВН24.

Државната гранична служба на Украина соопшти дека леталото погодило област на неколку стотици метри од границата, додека самиот граничен премин Јагодин останал неоштетен.

Истовремено, полската војска подигна авиони како одговор на руските напади врз западна Украина. Според достапните информации, нема потврда дека некое руско летало го нарушило полскиот воздушен простор.

Поради безбедносната ситуација, работата на два гранични премини – Дорохуск и Зосин – беше привремено прекината, а областа беше ставена под засилен надзор. Состојбата на готовност беше укината откако се утврди дека не постои непосредна закана за полската територија.

Посебно внимание привлекоа извештаите дека било употребено беспилотно летало на млазен погон од типот „Геран-5“. Полските воени претставници изјавија дека достапните информации укажуваат токму на тој тип на летало.

Овој граничен коридор и претходно бил цел на руски напади. Претходно овој месец, беспилотно летало погоди бензинска пумпа во Јагодин, на околу 800 метри од полскиот граничен премин, додека во друг инцидент беше погодена локомотива во близина на границата.

Овој најнов инцидент дополнително го сврте вниманието кон областа што се наоѓа веднаш до една од најважните копнени врски меѓу Украина и Полска.

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер