Белгија и понуди помош за Швајцарија, подготвена да хоспитализира седум жртви од пожарот во Кран-Монтана - Канал 5

Свет

Белгија и понуди помош за Швајцарија, подготвена да хоспитализира седум жртви од пожарот во Кран-Монтана

Белгија ќе обезбеди помош за Швајцарија по големиот пожар во барот во скијачкиот центар Кран-Монтана, објави на Икс белгискиот министер за надворешни работи Максим Прево.

Белгија и понуди помош за Швајцарија, подготвена да хоспитализира седум жртви од пожарот во Кран-Монтана

- Утрово ќе испратиме екипа за поддршка на медицинските тимови, составена од раководител на тимот, двајца лекари и две медицински сестри специјализирани за третман на тешки изгореници, наведе Прево во објавата.

Тој додаде дека врз основа на барањето на швајцарските власти за активирање на Механизмот за цивилна заштита на ЕУ, Белгија ќе покаже солидарност и ќе понуди во своите болници да прими пет повредени пациенти со тешки изгореници и уште двајца други на кои им е потребна средна нега.

Според Прево, врз основа на досегашните информации на Министерството за надворешни работи меѓу жртвите во пожарот нема белгиски државјани, но дека таквата можност сè уште не е целосно исклучена.

Најавата на Прево, утрово ја потврди и белгискиот министер за здравство Франк Ванденбрук изјавувајќи дека Белгија понудила да хоспитализира седум повредени лица, како и дека тимот за поддршка специјализиран за изгореници е подготвен да замине за Швајцарија

- Во вакви катастрофални околности, потребна е меѓународна солидарност. Ова е европска координирана активност. Ние нудиме нешто, исто како и други земји, и овие информации се собираат, а швајцарската Влада проценува што е најинтересно за неа, изјави Ванденбрук.

Тој нагласи дека ниту една земја не може сама да се справи со ваква голема катастрофа со толку многу жртви со сериозни изгореници.

- Важно е да се вклучат и други земји. Ова е навистина време кога треба да се покаже солидарност, кога треба да се даде се од себе и верувам дека тоа треба да го направи и Белгија, додаде Ванденбрук.

Во меѓу време, Центарот за изгореници при Болницата „Струм“ во Антверпен соопшти дека се подготвува да прими двајца пациенти од пожарот во Швајцарија.

Тагови: Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Расте бројот на заболени од западнонилска треска, апел до граѓаните редовно да користат средства за заштита од комарци

Расте бројот на заболени со западнонилска треска.

Расте бројот на заболени од западнонилска треска, апел до граѓаните редовно да користат средства за заштита од комарци

Вчера беа потрдени три нови случаи, Светската здравствена организација предупредува дека јули и август се најризичните месеци за ширење на вирусот.

Во Македонија досега се регистрирани осум случаи, а најголемиот дел од заразените воопшто немаат симптоми.

Од СЗО препорачуваат: покривање на телото со облека, користење средство против комарци и отстранување на застојаната вода околу домот. Здравствените власти смируваат дека заразата не се пренесува од човек на човек

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер