Белгија го отфрли и новиот предлог на ЕК за „заемот за репарации“ за Украина како „фундаментално погрешен“ - Канал 5

Европа

Белгија го отфрли и новиот предлог на ЕК за „заемот за репарации“ за Украина како „фундаментално погрешен“

Белгискиот премиер Барт де Вевер во писмо упатено синоќа до претседателката на Европската комисија, Урсула фон дер Лајен оцени дека планот за т.н. „заем за репарации“,за Украина е „фундаментално погрешен“.

Белгија го отфрли и новиот предлог на ЕК за „заемот за репарации“ за Украина како „фундаментално погрешен“

Белгискиот премиер Барт де Вевер во писмо упатено синоќа до претседателката на Европската комисија, Урсула фон дер Лајен оцени дека планот за т.н. „заем за репарации“, кој предвидува користење на 140 милијарди евра од замрзнатите руски средства во ЕУ за исплата на финансиска поддршка на Украина е „фундаментално погрешен“, може да создаде сериозни економски и геополитички последици.

Де Вевер во писмото од четири страни појаснува дека најавените мерки од страна на Фон дер Лајен не се доволна гаранција дека Белгија би била заштитена од евентуални правни последици од планот и дека нема да биде оставена сама да ги враќа искористените средства доколу се појави таква потреба.

Според Де Вевер, планот дополнително би можело да го загрози угледот на депозитарот на хартии од вредност со седиште во Брисел, „Еуроклир“, каде се наоѓаат најголемиот дел од замрзнатите руски суверени средства во ЕУ или речиси 180 милијарди евра.

- Не би било праведно и фер да се очекува трошоците и ризиците од планот да бидат на товар на Белгија, ако сите би имале корист од него, додава Де Вевер.

Реакцијата на Де Вевер следи по писмото на Фон дер Лајен упатено до лидерите на државите членки на ЕУ минатиот понеделник околу исплатата на финансиска поддршка на Украина и најавите на Европската комисија на почетокот на неделава дека е подготвена следната недела да предложи законски текст за реализација на планот за „заем за репарации“.

Во писмото до лидерите на ЕУ, Фон дер Лајен наведе дека Белгија нема да биде оставена сама да се соочува со евентуалните ризици, доколку биде постигнат договор за користење на замрзнатите руски суверени средства за поддршка на Украина и дека земјите членки ќе ѝ обезбедат „правно обврзувачки, безусловни, неповратни и повратни гаранции“.

Таа наведе дека Комисијата „идентификувала три главни опции“ за обезбедување на средствата – исплата на грантови или субвенции од сите или што е можно повеќе земји членки на ЕУ согласно висината на нивниот БДП, самата ЕК да позајмува пари на пазарите на капитал со што би се зголемил долгот на ЕУ, како и користење на замрзнатите средства на руската Централна банка за позајмица со условна обврска за враќање или т.н. заем за репарации, опција, која според неа е „најпреферирана“.

Сепак, според Де Вевер, ветувањата наведени во писмото на Фон дер Лајен „не ја отстраниле загриженоста на Белгија“, која, како што вели „не е академска, туку реална“, а дополнително тој изразува изненадување и од „целосниот недостиг на разбирање“ од страна на лидерите на ЕУ за правните и финансиските ризици од „заемот за репарации“.

Де Вевер додава дека планот би можел да ги поттикне инвеститорите да ги повлечат своите средства од „Eуроклир“ и останатите европски депозитари, што би ги „засилило системските ризици“ по Еврозоната и потенцијално би го дестабилизирало еврото.

Тој посочува дека Белгија ризикува за загуби евентуален случајот покренат против неа од страна Русија пред меѓународен арбитражен суд поради користењето на средствата, споредувајќи ги ризиците со пример од воздухопловството.

- Авионите се најбезбедниот начин на транспорт и шансите за несреќа се мали, но во случај на несреќа, последиците се катастрофални, посочува белгискиот премиер.

Како алтернатива, Де Вевер предлага поддршката на Украина да се исплати од неискористените средства од тековниот седумгодишен буџет на ЕУ, кој е со важност до крајот на 2026 година.

Де Вевер, дополнително, предупредува и дека брзањето со усвојувањето на планот за користење на замрзнатите руски средства би можело да има последици по мировните преговори меѓу Украина и Русија.

- Со брзото усвојување со предложениот план за заем за репарации, ЕУ би можела го попречи постигнувањето на евентуален мировен договор, наведе Де Вевер.

Сепак, Де Вевер остава можност Белгија да се согласи на „заемот за репарации“, доколку добие „целосна гаранција“ од страна на земјите членки, дека ќе помогнат во одржување на ликвидноста на „Еуроклир“ со покривање на целосниот износ на искористените средства доколку се јави потреба за тоа. Ваквата „целосна гаранција“, според Де Вевер би требало да биде потпишана од страна на лидерите на земјите членки, заедно со евентуалната одлука за исплата на „заемот за репарации“ на Украина.

Постојат мали шанси за консензус од страна на земјите членки за ваквата идеја на Де Вевер, во услови кога некои од нив потсетуваат дека Белгија со години заработува милијарди од наплата на даноци на профитот генериран од замрзнатите руски средства. Само лани по овој основ Белгија оствари приход од 1,7 милијарди евра.

На ваквите забелешки Белгија одговара дека средствата заработени од руските средства биле „наменски“ користени за потребите на Киев.

Лидерите на ЕУ на октомврискиот Самит и поставија рок на Европската комисија до следниот нивни собири кон средината на декември, да им достави предлог за покривање на финансиските потреби на Украина за 2026 и 2027 година.

Доколку, сепак Европската комисија не успее да ја разубеди Белгија до декемврискиот Самит, таа според еврокомесарот за економија Валдис Домбровскис би можел да побара од партнерите на ЕУ од Г7 да ги забрзаат исплатите на ветениот заем за Украина.

Домбровскис во интервју за „Еурактив“ наведува дека заемот што и беше ветен на Украина од страна на Г7 во јуни минатата година и која требаше да ѝ се достави на рати во претстојните неколку години, би можел да и биде исплатен предвреме, со цел земјата да ги покрие своите финансиски потреби.

- Во разговори сме со други меѓународни донатори, за да видиме дали нивната поддршка може да се исплати однапред до почетокот на следната годината, изјави Домбровскис, додавајќи дека тие „донатори“ ги вклучуваат Велика Британија, Канада, Јапонија и САД.

Тагови: Белгија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пентагон објави уште една серија документи за вонземјани: НЛО во форма на триаголник и влакнесто суштество (ФОТО)

Пентагон ја објави седмата серија декласифицирани досиеја за неидентификувани аномални феномени, попознати како НЛО. 

Пентагон објави уште една серија документи за вонземјани: НЛО во форма на триаголник и влакнесто суштество (ФОТО)

Меѓу 28-те нови документи се извештаи за црн триаголен објект над чувствителна локација во САД, необичен радарски контакт од бомбардер Б-52, стари видувања во близина на Калифорнија и бизарни истражувања на ранч во Јута.

Белата куќа објави нова група и ја најави со пораката „НОВ ПАД НА НЛО“. Пентагон нагласува дека документите не претставуваат доказ за вонземско летало: некои случаи остануваат нерешени, а за некои се понудени конвенционални објаснувања.

Црн триаголник над чувствителна локација

Најновиот случај се случи во јуни оваа година на неименувана локација поврзана со националната безбедност на САД на западот од земјата. Двајца федерални агенти опишаа мат црн триаголен објект кој се издигаше речиси вертикално над гребенот, застануваше и лебдеше, а потоа се упати кон кањонот со голема брзина.

Тие рекоа дека не го слушнале моторот, пропелерите или протокот на воздух, ниту пак виделе издувни гасови, прозорци или кабина. Канцеларијата на AARO на Пентагон заклучи дека случајот заслужува понатамошна истрага, но не утврди за кој објект станува збор.

Б-52 следел непознат објект

Новите документи вклучуваат и извештај на американските воздухопловни сили од 1957 година. Екипажот на бомбардер Б-52 над Саудиска Арабија регистрирал неидентификуван објект на радарот и го следел помеѓу пет и седум минути.

Во извештајот е забележано дека радарскиот сигнал бил помал од оној што го произведувале другите Б-52 во областа. Не е дадено конечно објаснување.

Невообичаени случаи во Каталина

Објавени се и четири трудови за видувања во близина на островот Санта Каталина во Калифорнија помеѓу 1949 и 1955 година. Три извидници во 1949 година опишале сребрен објект што се движел побрзо од млазните авиони од тоа време и не испуштал звук.

Друг сведок во 1953 година пријавил тркалезен виолетово-бел објект што наводно стоел над Каталина десет минути. За еден случај од 1955 година, американските воздухопловни сили процениле дека веројатно станува збор за метеор.

Сјајни сфери и двоножни суштества

Меѓу најнеобичните документи е извештајот од 2010 година за истражување на ранч во Јута од страна на Bigelow Aerospace Advanced Space Studies за американската заедница за одбранбено разузнавање.

Сведоците пријавиле светлечки сфери, големи суштества слични на волци, таканаречени Skinwalkers, кои наводно оделе на две нозе, помали влакнести суштества и неидентификувани летала. Еден човек тврдел дека црвена сфера светлина дошла на неколку сантиметри од неговото лице, по што почувствувал топлина, зуење во ушите и краткотрајна вкочанетост.

Истражителите поставиле камери, мереле електромагнетни сигнали и собрале примероци од коса. Анализата на некои од примероците покажала кучешка митохондријална ДНК, што значи дека барем некои од необичните траги имале доста заедничко потекло.

Што да се прави со остатоците од леталото

Меѓу објавените материјали се документи од 1960-тите за тоа како треба да постапуваат американските институции ако пронајдат остатоци од американски или странски вселенски летала.

Ваквите документи може да звучат како материјал за „срушени НЛО“, но тие се однесуваат на вселенски летала и трката меѓу САД и Советскиот Сојуз во Студената војна, а не на потврденото откритие на вонземска технологија.

Тагови: НЛО Пентагон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Првиот жител на Конго ја прими експерименталната вакцина против опасен вирус

Првиот човек во Демократска Република Конго вчера прими експериментална вакцина против смртоносниот вирус Бундибугио, сој на ебола, објавија Универзитетот во Антверпен и Институтот за тропска медицина, чии тимови учествуваат во теренската работа.

Првиот жител на Конго ја прими експерименталната вакцина против опасен вирус

Станува збор за клиничко испитување кое ќе тестира неколку експериментални вакцини, објави фламанскиот јавен радиодифузер VRT.

Неколку кандидати ќе бидат оценети истовремено во испитувањето.

Во моментов нема одобрена вакцина против најновиот сој на ебола.

„Ова испитување е важен чекор во одговорот на итните потреби на погодените заедници“, рече Стив Ахука-Мундеке, координатор за одговор на ебола во земјата.

Тој рече дека приоритет е да се запре преносот на вирусот и да се спасат животи, а истовремено да се усогласи истражувањето со потребите на тимовите што работат на првите линии.

Берн-Томас Њангва, локалниот директор на Лекари без граници, го нарече „клучен чекор“.

„Соработката со заедниците е од суштинско значење за градење доверба и обезбедување учество во развојот на вакцини што ќе им бидат достапни на оние на кои им се најпотребни“, рече Њангва.

Откако започна епидемијата во мај, вирусот Бундибугио се прошири од ДР Конго во Уганда, Франција и Кенија, а на 20 октомври беше потврден првиот случај во Нигерија.

Ширењето на ебола надвор од Демократска Република Конго ги зголеми загриженостите на здравствените власти за потенцијалот за брзо пренесување на реткиот вирус Бундибугио, кој инфицираше повеќе од 9.000 луѓе и уби повеќе од 4.300.

Тагови: вирус Конго

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Огромен пожар во рускиот град Омск по напад на Украинците (ВИДЕО)

Дронови ја нападнаа хемиската фабрика Омски Каучук во рускиот град Омск во саботата и предизвикаа пожар. 

Огромен пожар во рускиот град Омск по напад на Украинците (ВИДЕО)

Фабриката се наоѓа на приближно 2.500 километри од украинската граница, пишува Украинска правда.

Детали за нападот

Украинската заедница ОСИНТ Ексиленова+ објави видео од нападот, а инцидентот го потврди и гувернерот на Омската област Виталиј Хоценко. Според информациите на аналитичарите, ударот предизвикал голем пожар во индустриската зона на фабриката.

Првите податоци укажуваат на удари во близина на два производни капацитети. „Првичните извештаи засновани на геолокацијата укажуваат на удари во близина на единицата Д-3, каде што се произведува метил терц-бутил етер, и единицата Д-5“, рече тој во соопштението.

Поврзани инциденти

„Украинска правда“ претходно објави дека во саботата наутро била погодена и фабриката „Тољатикаучук“ во градот Тољати во областа Самара. Таму по нападот е забележана експлозија и пожар.

Ден претходно, на 23 октомври, беше нападната главната производствена зграда на фабриката „Протон-Електротекс“ во Орел. Станува збор за погон со целосен производствен циклус кој произведува оптоелектронска опрема и уреди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер