Белата куќа: Трамп и Путин се согласија дека војната треба да заврши со траен мир - Канал 5

Свет

Белата куќа: Трамп и Путин се согласија дека војната треба да заврши со траен мир

Русија се согласи на ограничен прекин на огнот, или суспензија на нападите врз украинската енергетска инфраструктура за 30 дена.

Белата куќа: Трамп и Путин се согласија дека војната треба да заврши со траен мир

Русија се согласи на ограничен прекин на огнот, или суспензија на нападите врз украинската енергетска инфраструктура за 30 дена, одлуката е донесена по разговорот меѓу Доналд Трамп и Владимир Путин кој траеше околу час и половина, потврди Белата куќа, објави Би-Би-Си.

Во соопштението објавено по повикот на двајцата претседатели, Белата куќа рече дека двете страни се согласиле да одржат „технички преговори“ за прекин на огнот во регионот на Црното Море, како и за целосен прекин на огнот и на крајот - постојан мир.

Подолу е соопштението на Белата куќа.

„Денеска претседателот Трамп и претседателот Путин разговараа за потребата од мир и прекин на огнот во војната во Украина. Двајцата лидери се согласија дека овој конфликт треба да заврши со траен мир.

Тие ја истакнаа и потребата од подобрување на билатералните односи меѓу САД и Русија. Крвта и богатството што Украина и Русија ги потрошија во оваа војна би можеле подобро да бидат насочени кон потребите на нивниот народ“, се вели во соопштението на Белата куќа.

„Конфликтот не требаше ни да започне“

„Овој конфликт никогаш не требаше да започне и требаше да биде завршен одамна со искрени и добронамерни мировни напори. Лидерите се согласија дека мировното движење ќе започне со прекин на огнот во нападите на енергетската инфраструктура, како и технички преговори за спроведување на поморскиот прекин на огнот во Црното Море, целосен прекин на огнот и траен мир.

Овие преговори ќе започнат веднаш на Блискиот Исток. Лидерите долго разговараа за Блискиот Исток како регион на потенцијална соработка за да се спречат идни конфликти.

„Иран не смее да биде во позиција да го уништи Израел“

Тие, исто така, разговараа за потребата да се запре ширењето на стратешкото оружје и ангажманот на други држави за да се обезбеди најширока можна примена. Двајцата лидери го споделија ставот дека Иран никогаш не треба да биде во позиција да го уништи Израел и се согласија дека иднината со подобрени билатерални односи меѓу САД и Русија има огромен потенцијал. „Ова вклучува огромни економски договори и геополитичка стабилност откако ќе се постигне мир“, се вели во соопштението на Белата куќа по разговорите на Трамп и Путин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер