Свет

Белата куќа: Примирјето со Иран е победа за САД

Портпаролката на Белата куќа, Каролин Ливит, го поздрави двонеделното примирје во војната со Иран, нарекувајќи го постигнатиот договор „победа“ за САД.

„Ова е победа за САД, овозможена од нашиот претседател, Доналд Трамп, и нашата неверојатна војска“, напиша Ливит на Икс рано утрово.

Како што изјави таа, успехот на американската војска „создаде максимална моќ“, што им овозможи на претседателот Трамп и неговиот тим да се вклучат во тешки преговори кои сега го отворија патот за дипломатско решение и долгорочен мир.

Таа нагласи дека, покрај тоа, Трамп го донесе и повторното отворање на Ормуската Теснина.

„Од почетокот на операцијата „Епски бес“, претседателот Трамп процени дека операцијата ќе трае од четири до шест недели. Благодарение на неверојатните способности на нашите борци, ги постигнавме и надминавме нашите клучни цели за 38 дена“, рече таа.

Таа рече дека никогаш не треба да се потценува способноста на Трамп успешно да ги промовира американските интереси и да посредува во воспоставувањето мир.

Американскиот претседател Доналд Трамп претходно изјави дека по разговорите со раководството на Пакистан, се согласил на прекин на огнот меѓу САД и Иран во период од две недели.

„Се согласувам да го суспендирам бомбардирањето и да ги суспендирам нападите врз Иран во период од две недели“, објави Трамп на својата мрежа Truth Social.

Тој додаде дека „речиси сите различни точки од минатите спорови се договорени меѓу САД и Иран“ и дека периодот од две недели ќе овозможи договорот да се финализира и консолидира.

„Врз основа на разговорите со премиерот Шехбаз Шариф и фелдмаршалот Асим Мунир од Пакистан, во кои тие ме замолија да ја ограничам деструктивната сила што се испраќа во Иран вечерва, и под услов Исламската Република Иран да се согласи на целосно, итно и безбедно отворање на Ормуската Теснина, се согласувам да го суспендирам бомбардирањето и нападот врз Иран во период од две недели“, рече американскиот претседател.

„Ова ќе биде билатерално примирје! Причината за ова е што веќе ги исполнивме и надминавме сите воени цели и сме многу далеку од конечен договор за долгорочен мир со Иран и мир на Блискиот Исток. Добивме предлог од 10 точки од Иран и веруваме дека тоа е функционална основа за преговори. Речиси сите различни точки од минатите спорови се договорени меѓу САД и Иран, но двонеделниот период ќе овозможи договорот да се финализира и консолидира. Во име на САД, како претседател, а исто така и како претставник на земјите од Блискиот Исток, ми е чест што овој долгорочен проблем е блиску до решенија. Ви благодарам за вашето внимание кон ова прашање!“, рече Трамп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.