Белата куќа отвори официјален ТикТок профил во пресрет на можната забрана - Канал 5

Живот

Белата куќа отвори официјален ТикТок профил во пресрет на можната забрана

 Белата куќа отвори официјален профил на ТикТок, во момент кога се приближува новиот рок за компанијата ByteDance да ги продаде своите американски операции или во спротивно апликацијата ќе биде целосно забранета во САД.

Белата куќа отвори официјален ТикТок профил во пресрет на можната забрана

Првиот објавен видеоклип содржеше моменти од јавните настапи на претседателот Доналд Трамп, кој во него изјавува: „Јас сум вашиот глас“, пренесува ДПА.

ByteDance, со седиште во Кина, подолго време е под критики во САД поради стравувања дека личните податоци на американските граѓани би можеле да завршат во рацете на кинеските власти. Клучна точка на спор е алгоритмот на ТикТок, кој определува кои видеа ќе им бидат прикажани на корисниците. Критичарите предупредуваат дека Пекинг би можел да го користи алгоритмот за влијание врз јавното мислење во САД, што ТикТок и ByteDance постојано го демантираат.

Законот што лани го потпиша тогашниот претседател Џо Бајден предвидува ByteDance да се повлече од американскиот пазар или ТикТок да биде забранет. Трамп, кој го наследи Бајден, повеќепати го продолжуваше рокот за продажба. Најновото одложување беше на 19 јуни, кога даде уште 90 дена. Иако законот дозволува само едно продолжување, досега продажба не е реализирана.

Во својот прв мандат Трамп се обиде со закана од забрана да ја наметне продажбата на ТикТок, но американските судови го спречија. Сега, кога законот дава посилна правна основа за забрана, тој го смени пристапот и ја користи платформата како алатка за кампања, особено за да допре до помладата популација и да ја зајакне својата кандидатура за повторно влегување во Белата куќа, пишува ДПА.

Тагови: Бела куќа Тик Ток

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Расте бројот на заболени од западнонилска треска, апел до граѓаните редовно да користат средства за заштита од комарци

Расте бројот на заболени со западнонилска треска.

Расте бројот на заболени од западнонилска треска, апел до граѓаните редовно да користат средства за заштита од комарци

Вчера беа потрдени три нови случаи, Светската здравствена организација предупредува дека јули и август се најризичните месеци за ширење на вирусот.

Во Македонија досега се регистрирани осум случаи, а најголемиот дел од заразените воопшто немаат симптоми.

Од СЗО препорачуваат: покривање на телото со облека, користење средство против комарци и отстранување на застојаната вода околу домот. Здравствените власти смируваат дека заразата не се пренесува од човек на човек

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер