Белата куќа го објави списокот на Комитетот за мир во Појасот Газа - Канал 5

Свет

Белата куќа го објави списокот на Комитетот за мир во Појасот Газа

Белата куќа синоќа ги објави имињата на членовите на така наречениот Комитет за мир кој, според планот на претседателот Доналд Трамп, ќе ја надгледува привремената администрација во Појасот Газа.

Белата куќа го објави списокот на Комитетот за мир во Појасот Газа

Белата куќа синоќа ги објави имињата на членовите на така наречениот Комитет за мир кој, според планот на претседателот Доналд Трамп, ќе ја надгледува привремената администрација во Појасот Газа, каде примирјето од октомври минатата година секојдневно се прекршува.

Помеѓу имињата се американскиот државен секретар Марко Рубио, специјалниот пратеник на Трамп, Стив Виткоф, поранешниот британски премиер Тони Блер и зетот на Трамп, Џаред Кушнер, соопшти Белата куќа.

Трамп е претседател на Комитетот за мир.

На списокот од седум лица, од кои пет се Американци, кои го сочинуваат она што Белата куќа го нарекува „основачки извршен комитет“ се наоѓаат Марк Роуан, милијардерот и раководител на инвестицискиот фонд „Аполо глобал менаџмент“, претседателот на Светската банка, Аџај Банга, и Роберт Габриел, советник на Доналд Трамп, додека поранешниот бугарски министер за одбрана и поранешен претставник на ОН за Блиски Исток, ќе биде на висок претставник за Појасот Газа.

Секој од нив ќе надгледува дефиниран сектор неопходен за стабилизација и долгорочен успех на Газа, вклучувајќи го воспоставувањето структури на управување, регионални односи, реконструкција, привлечност на инвестиции, финансирање од големи размери и мобилизација на капитал, се наведува во соопштението на Белата куќа.

Поранешниот командант на специјалните операции на САД, генерал-мајор Џаспер Џеферс е именуван за командант на Меѓународните сили за стабилизација на палестинската територија.

Соопштението се совпаѓа со почетокот на работата на новоформираниот палестински технократски комитет задолжен за привремена администрација на Појасот Газа, кој ќе работи под надзор на Комитетот за мир.

Втората фаза од кревкото примирје, што стапи во сила на 10 октомври под притисок од САД, исто така повикува на разоружување на Хамас, постепено повлекување на израелските трупи од Појасот Газа и распоредување на Меѓународните сили за стабилизација.

Израел и Хамас се обвинуваат меѓусебно за кршење на примирјето во Појасот Газа, каде што повеќе од 440 Палестинци, вклучувајќи повеќе од 100 деца, и тројца израелски војници се убиени откако во октомври стапи во сили прекинот на огнот.

Тагови: Појасот Газа САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Фото: Змија виси над волан на автомобил во БиХ

Корисниците на социјалните мрежи биле изненадени од видео од Сјеница кое неодамна кружи на интернет.

Фото: Змија виси над волан на автомобил во БиХ

Сопственикот на автомобилот снимил змија како виси од вратата на автомобилот.

Таа висеше веднаш над воланот, обидувајќи се да се ослободи; како успеа да се заглави во вратата на автомобилот останува непознато.

Оваа необична глетка ги забавуваше многу корисници. „Ја закачи како освежувач на воздух“, гласеше еден од коментарите.

https://www.instagram.com/reel/DbjENoYxfSq/?utm_source=ig_embed&utm_campaign=loading

Тагови: змија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер