Живот

Бела куќа: Трамп утре ќе го укине Законот за борба против климатските промени

Американскиот претседател, Доналд Трамп, утре ќе го укине законот од времето на претседателот Барак Обама, што служеше како основа за борбата против емисиите на стакленички гасови во САД, изјави денеска портпаролката на Белата куќа.

Американскиот претседател, Доналд Трамп, утре ќе го укине законот од времето на претседателот Барак Обама, што служеше како основа за борбата против емисиите на стакленички гасови во САД, изјави денеска портпаролката на Белата куќа, Каролин Ливит.

Американскиот претседател со тоа ќе го „формализира укинувањето“ на законот од 2009 година, познат како закон за „откривање на загрозеност“, изјави Ливит пред новинарите, додавајќи дека укинувањето на законот ќе им овозможи на Американците да заштедат пари.

Жестоко осуден од научниците и екологистите, ваквиот пресврт ќе и нанесе голем удар на климатската акција на САД, најголемиот светски придонесувач за емисиите на глобалното затоплување.

Усвоен во мандатот на поранешниот демократски претседател Барак Обама, законот предвидува дека шест стакленички гасови се опасни за јавното здравје и затоа спаѓаат во опсегот на загадувачи регулирани од Агенцијата за заштита на животната средина на САД (EPA).

Неговото усвојување го отвори патот за голем број федерални регулативи насочени кон ограничување на емисиите на овие гасови што ја затоплуваат атмосферата (CO2, метан и други), почнувајќи од камионите и автомобилите, кои испуштаат јаглерод диоксид при согорување на бензин.

Затоа, неговото укинување би ги прекинало ограничувањата за емисии наметнати на возилата и би ѝ дозволило на администрацијата на Трамп да укине голем број други регулативи, особено оние што се однесуваат на електраните, објавија американските медиуми.

Администрацијата на Трамп, силен поддржувач на нафтата и јагленот, со месеци се обидува да ја поништи одлуката и регулативите што произлегуваат од неа, на големо разочарување на многу научници кои ја осудуваат одлуката спротивна на науката и јавниот интерес.

„Научните докази за климатските промени предизвикани од човекот и нивните последици беа недвосмислени во 2009 година, а оттогаш станаа уште поалармантни и поубедливи“, рекоа повеќе од 1.000 научници и експерти во јавно писмо во јули.

Владата на САД, од своја страна, ја намалува улогата на човековата активност во климатските промени и тврди дека стакленичките гасови не треба да се третираат како загадувачи во традиционална смисла, бидејќи нивните ефекти врз здравјето на луѓето се индиректни и глобални, а не локални.

Тој исто така верува дека таквото укинување би помогнало да се намалат трошоците за нови автомобили, по години зголемување на цените од пандемијата на коронавирусот.

Тагови: Белата куќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Протеински крем њоки

Во четврток (18.06.2026) во емисијата гостин ни бeше Снежана Црнковиќ Акур.

Состојки за денешниот рецепт:

100 гр. пилешки стек

30 мл. неутрална павлака

200 гр. њоки

20 гр. кашкавал

1 мал кромид

1 чешне лук

1 свежа краставица за прилог

масло, сол и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Реконструкција на влада – тепачка за фотелји

Во тендер коалицијата владее хаос.

Партијата ЗНАМ повеќе не постои. Преостанати се само двајца - Максим Димитриевски и Горан Минчев.

ВМРО стои зад Минчев, додека Максо си бара подобра позиција за себе.

Сите знаат дека им преостануваат уште само неколку месеци за тендери, пред Мицкоски да распише избори.

Состојбата во ВМРО не е подобра. Министерот за внатрешни работи е во отворен судир со други министри. Секој сака да остане во својата фотелја.

Деновите се бројат до празната државна каса, па сите брзаат со своите тендери.

Додека на јавноста ѝ се претставуваат „добри резултати“, зад затворените врати на Белата палата се води тепачка за позиции и лична добивка.

Ако резултатите се толку добри на оваа Влада, зошто тогаш реконструкција?

Додека граѓаните гледаат во празните паричници и фрижидери, зад ѕидовите на власта се води борба за уште тендери и уште лично богатење.

Вака изгледа кога на власт е организирана криминална група. Кога шефот на бандата Мицкоски ја води политиката, настануваат војни меѓу криминалните кланови.

Ако не се договорат за позициите, ќе има измислен изговор за избори.

Буџетот е празен, а тие брзаат да се задолжат уште повеќе. За само две години натоварија 2,5 милијарди евра нов долг врз грбот на народот.

Стотици тендери и стотици милиони завршија во џебовите на овие криминалци со бугарски пасоши и државјанства.

Во меѓувреме, обичниот народ чека по 10 часа на граница, младите размислуваат за заминување, земјоделците се борат да преживеат, работниците тешко врзуваат крај со крај, а пензионерите имаат помалку пари од месец во месец.

Наскоро ќе дојде време на вистина и правда. Враќање на европскиот пат, кога сите до еден ќе одговараат.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Трамп ја продолжи вонредната состојба за Западен Балкан

Американскиот претседател Доналд Трамп ја продолжи националната вонредна состојба поврзана со Западен Балкан, потег што останува на сила поради, како што се наведува, заканите за националната безбедност и надворешната политика на САД.

Според објавата во федералниот регистар, мерката се однесува на лица и групи кои поддржуваат екстремистичко насилство во регионот, како и активности што го попречуваат спроведувањето на мировните договори во Босна и Херцеговина, Косово и Македонија.

Вонредната состојба првпат ја прогласи американскиот претседател Џорџ Буш 2001-ва година, со извршна наредба која овозможува замрзнување на средствата на поединци и организации што ја загрозуваат стабилноста на регионот. Во документот се споменува и Охридскиот рамковен договор, кој беше вклучен во дополнителните мерки преку измените на извршната наредба од 2003 година.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.