Бекамови ги тресе невиден скандал - Канал 5

Забава

Бекамови ги тресе невиден скандал

 Еве што се случувало зад кулисите на венчавката на Бруклин Бекам и Никола Пелц!

Бекамови ги тресе невиден скандал

Таткото на невестата и милијардерот Нелсон Пелц ги тужи отпуштените организатори на венчавката, барајќи да му го вратат депозитот, а тие возвратија со противтужби и докази кои откриваат скандалозни детали од настанот во 2022 година.

Најстариот син на Дејвид и Викторија Бекам се ожени со ќерката на американскиот милијардер Нелсон Пелц на 4. април 2022 година. Раскошната церемонија вредна 3,6 милиони долари се одржа на Флорида со бројни гости од светскиот џет-сет.

Како што тогаш пишуваа светските медиуми, проблеми на венчавката правела незадоволната Викторија, но се чини дека и милијардерот Нелсон Пелц, како и неговата сопруга, па и самата Никола не биле задоволни од организацијата, па им приредиле вистински пекол на организаторите на свадбата. На крајот ги избркале, а сега ги тужат.

Нелсон Пелц непосредно пред венчавката ги отпуштил организаторите на свадбената церемонија, Никол Браган и Аријана Гриабел, а сега поднел тужба од 188 страници барајќи да му го вратат депозитот од речиси 150.000 евра. Но организаторите возвратиле со противтужба барајќи отштета, нарекувајќи го Нелсон „милијардер насилник“. Тие поднеле тужби и против тогашната невеста Никола Пелц, како и против нејзината мајка Клаудија и дизајнерот на венчавки Риши Пател, барајќи отштета од најмалку 46.000 евра, плус судски трошоци за претрпеното малтретирање.

Како што пишува Дејли меил, зад елегантната венчавка, чии слики беа објавени во „Вог“, се криела вистинска драма и многу скандалозни детали кои дури сега излегуваат на виделина.

Најпрво за венчавката на Бруклин и Никола бил ангажиран Престон Бејли, организаторот на луксузната венчавка на холивудските ѕвезди Кетрин Зета Џонс и Мајкл Даглас во Њујорк, ноември 2000 година. Меѓутоа, по една година преговори за свадбата на Бруклин и Никол, тој го раскинал договорот со заедничка согласност, па Никол и Аријана биле ангажирани шест недели пред церемонијата. Поради набиената агенда бил договорен хонорар од 296.700 евра, од кои девојките речиси половина од парите ги добиле како капар.

Сепак, како што пишува во судските документи доставени од Никол и Аријана, заедно со купот пораки и меилови, сè било премногу хаотично и тие поминале вистинска тортура. Невестата била премногу зафатена за да разговара со нив на телефон околу деталите за свадбата, списокот со гости не бил комплетен, патничките аранжмани за бројните гости од странство не биле направени, па дури имале и проблем со цвеќето и тортата. Проблем биле и фризерите и шминкерите, и фотографите и снимателите, и никој не знаел што се случува. Претходно ангажираниот бенд кој требало да свири на свадбата бил откажан по барање на невестата, која сакала да има пејачка. Како што нагласуваат Никол и Аријана, работеле по 17 часа дневно за да ги исполнат желбите на своите клиенти, но тоа не било доволно.

Состанокот на 1-ви март „ја прелил чашата“ кога бесниот Нелсон им рекол на организаторите дека сака да ја откаже венчавката бидејќи сè отишло по ѓаволите, но мајката на невестата инсистирала ништо да не се откажува бидејќи тоа би ја уништило нивната ќерка.

Според судските записи, Нелсон Пелц платил 3,6 милиони долари за свадбени трошоци, но според судските документи имало и дополнителни трошоци кои неговата сопруга Клаудија сакала да ги скрие од него.

- Се верува дека Нелсон платил повеќе од 100.000 долари за фризери и шминкери на неговата ќерка, плус патни трошоци за нив, но и дека Клаудија ги молела Никол и Аријана да го скријат тоа од нејзиниот сопруг кој, „би ја убил ако дознаел како се расфрлаат со парите“ – стои во документите доставени до судот по противтужбата на планерите на свадбата.

За разлика од семејството Пелц, кои ги оцрниле, девојките тврдат дека Бруклин Бекам бил совршен џентлмен и дека често ги фалел за вложениот труд и организацијата на венчавката. Од друга страна, за неговата сопруга Никола рекле дека е „хистерична и неписмена девојка која не знае што сака“. Инаку, еден од конфликтите избил околу списокот на гости на свадбата што планерите сакале да ѝ го испратат преку апликација, но Никола инсистирала списокот да го добие исклучиво преку електронска пошта или СМС затоа што само така комуницирале таа и нејзината мајка.

Исто така, Никола барала декорацијата за салонот каде би се одржала забавата по венчавката да биде во бои на праска, кајсија и бебешко розово. Невестата барала и „воден премин“, како и соодветен подиум за танц.

Во еден дел од тужбата, Нелсон изразил загриженост поради тоа што верувал дека организаторите пијат текила и не се способни да организираат сè. Сепак, Никол и Аријана ги негираат овие наводи тврдејќи дека не консумирале алкохол. Во противтужбата тие навеле дека Никола од ништо не била задоволна, па дури ни цветовите за декорација на просторот не ѝ биле доволно бели.

Како што истакнуваат организаторите, имало проблеми со сè и сешто - од тоа каква музика ќе се пушта, до тоа како ќе бидат облечени музичарите.

Бруклин, кој во тоа време планирал кариера како готвач, сакал на гостите да им го понуди својот бургер под име „торбата на Бекам“, но неговата свршеница остро го одбила, испраќајќи емотикон што повраќа. На крајот, организаторките добиле отказ на инсистирање на Никола, а целиот случај заврши на суд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русите уапсија јапонски новинар и го однесоа во затвор во Москва (ВИДЕО)

Федералната служба за безбедност (ФСБ) на Русија објави дека уапсила јапонски новинар под сомнение дека собирал информации за одбранбените капацитети на Русија. 

Русите уапсија јапонски новинар и го однесоа во затвор во Москва (ВИДЕО)

Според службата, станува збор за вработен во весникот „Хокаидо Шимбун“ кој бил приведен во регионот Сахалин, пренесува Ројтерс.

Новинарот бил уапсен кратко пред неговото планирано заминување од Русија. По апсењето, тој бил префрлен во Москва, каде што му е одреден притвор.

Тагови: москва новинар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Вдовица и четири деца се во војна за семејно наследство од 250 милиони евра- реагира и судот

Семејно богатство вредно потенцијални 250 милиони евра стана предмет на жесток правен спор во Италија. 

Вдовица и четири деца се во војна за семејно наследство од 250 милиони евра- реагира и судот

Од едната страна се четирите деца на покојниот бизнисмен, а од другата неговата втора сопруга. Во срцето на конфликтот се два различни тестаменти, милиони евра префрлени на членовите на семејството и прашањето колку пари всушност оставил починатиот милионер.

Според италијанската агенција АНСА, станува збор за наследството на Маурицио Зампарини, поранешниот сопственик на фудбалските клубови Палермо и Венеција, кој почина во 2022 година на 80-годишна возраст.

Спорот дојде пред судот во Бусто Арчицио, во италијанската покраина Варезе, кој пресуди за двојно судско запленување на имотот, со цел да се спречи негово евентуално префрлање или отуѓување додека трае постапката.

Богатство од 250 милиони, а пронајдени се само девет

Најголемата мистерија во целиот случај е вистинската вредност на имотот што го оставил Зампарини. Според досегашниот инвентар, официјално евидентираното наследство е приближно девет милиони евра. Сепак, учесниците во спорот веруваат дека вкупната вредност на наследството би можела да достигне дури 250 милиони евра.

Токму оваа огромна разлика го покрена прашањето што припаѓа на наследството и дали одредени делови од богатството претходно биле префрлени на членови на семејството.

Зампарини остави четири деца од својот прв брак, кој заврши со развод, како и втора сопруга. Неговиот петти син, кого го имаше во вториот брак, почина во 2021 година, на само 23 години.

Децата бараат 37 милиони, вдовицата споменува 75 милиони

Четирите деца го оспоруваат тестаментот од 31 август 2020 година и бараат заштита на средства во вредност од најмалку 37 милиони евра, кои се поврзани со втората сопруга на нивниот татко. Тие веруваат дека постои можност дел од овој имот да биде исклучен од процесот на распределба на наследството.

Сепак, вдовицата има поинаква верзија на настаните. Таа се повикува на втор тестамент, датиран на 27 септември 2020 година, како и на документација што подоцна беше пронајдена на плочата на Зампарини.

Според нејзините тврдења, при утврдувањето на вредноста на наследството, треба да се земат предвид претходните подароци, како и средствата што покојниот бизнисмен им ги доверил на своите деца. Таа ја проценува вредноста на овие средства на приближно 75 милиони евра.

Така, двете страни се нашле во сосема спротивставени позиции - децата бараат средствата поврзани со вдовицата да бидат заштитени, додека таа бара средствата што претходно им припаѓале на децата да бидат преиспитани.

Судот пресуди: Имотот останува под контрола

Судијката Анарита Д'Елија одлучи да ги прифати барањата за привремени мерки од двете страни. Донесена е одлука за двојно судско запленување на средствата вклучени во спорот, што го спречува нивното евентуално пренесување или промена на сопственоста додека не се утврдат сите релевантни факти.

Оваа мерка не претставува конечна одлука за тоа кому му припаѓа наследството. Напротив, нејзината цел е да се зачуваат средствата до крајот на судската постапка, која, според очекувањата, може да трае долго.

Судот сега се соочува со сложената задача да ја утврди вистинската вредност на богатството на Зампарини, како и кои делови од имотот треба да бидат вклучени во наследството. Само тогаш ќе биде можно да се одлучи како ќе се подели меѓу наследниците. Семејниот конфликт отвори прашање на кое засега никој нема дефинитивен одговор: колку всушност вредеше богатството на човекот кој со децении беше едно од добро познатите имиња во италијанскиот бизнис и фудбал?

Тагови: вдовица наследство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Лет од Рим е откажан поради инвазија на одвратни инсекти- се завлекле и во седиштата (ФОТО)

Стеници биле пронајдени на летот на „Квантас“ од Перт до Рим. 

Лет од Рим е откажан поради инвазија на одвратни инсекти- се завлекле и во седиштата (ФОТО)

Паразитските инсекти биле откриени во предниот дел од кабината во економска класа на „Боинг 787 Дримлајнер“ на летот QF5 на 9 октомври, потврди денеска извор запознаен со инцидентот, објави „Гардијан“.

Стениците се ситни инсекти кои се многу тешки за искоренување и се хранат со крвта на одредени цицачи, вклучително и луѓето.

Како што првично објави „Сиднеј Морнинг Хералд“ (SMH), авионот бил повлечен од употреба откако пристигнал во италијанската престолнина за темелно чистење. Како резултат на тоа, летот на „Квантас“ од Рим до Перт, закажан за 10 октомври, е откажан.

Портпаролот на авиокомпанијата изјави дека летот е откажан за да можат инженерите и екипите за одржување темелно да го исчистат авионот откако „проблемот бил забележан кај мал број седишта во економската класа“.

Компанијата соопшти дека искрено им се извинува на патниците за непријатностите и нарушувањето на нивните планови за патување.

На патниците погодени од откажувањето на летот им беше обезбеден сместување и беа пренасочени кон алтернативни летови во рок од 48 часа од нивното првично заминување, соопшти Квантас.

Авиокомпанијата соопшти дека кабините на нејзините авиони редовно се чистат по исклучително висок стандард и се дезинфицираат на секои 50 дена како дел од превентивна мерка.

Професорката Мишел Пауер, паразитолог на Универзитетот Маквари, рече дека стениците веројатно биле внесени во авионот во нечиј багаж или на нивната облека, пред да се рашират низ кабината.

„Тие се поврзани со патување. Луѓето можат да престојуваат во хотел со стеници и бидејќи овие инсекти се кријат на темни места и се привлечени од мирисот на облеката на луѓето, можат да завршат во нечиј багаж“, објасни таа.

Според неа, креветните бубачки не се опасни, иако нивните каснувања можат да предизвикаат чешање и иритација. Сепак, тие се исклучително тешки за искоренување бидејќи можат да се кријат во постелнината и разни пукнатини долго време, дури и без храна.

Тагови: инсекти Рим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер