Дали ќе поминат спорните имиња на улици во Тетово? И покрај досегашниоте бројни реакции на тетовци и Сојузот на борци, предлог-списокот досега има над 200 нови имиња , но ниту едно име сè уште не е конечно. Ако има негодување од граѓаните за одредени имиња, тие нема да бидат изгласани во општинскиот совет, вели за Канал 5 професорката по историја Оливера Гиченко која е член на комисијата за именување на улиците. Вели дека во фазата на прочистување на предлог имињата биле прифатени оние кои не се против уставниот поредок и се внимавало сите заедници да бидат застапени.

„После прочистувањето на списокот, истиот се доставува до советот на општина Тетово каде треба да се усвои со Бадентер. Доколку на списокот се најде некое име за кое има негодување кај граѓаните на Тетово истото нема да биде изгласано од советот. Потоа, се испраќа до Владата на Република Македонија на усвојување. Постојните имиња од илинденскиот период и борци на НОБ не се тема на разгледување на комисијата и тие остануваат.“

Но ниту од Комисијата ниту од Општина Тетово засега нема коментар дали ќе ги земат предвид на забелешките на Сојузот на борци. Сојузот последно реагираше дека името на лекарот Џафер Сулејман за кој велат дека бил назначен за градоначалник на Тетово за време на окупацијата во Втората светска војна и со највисоки почести го пречекал фашистичкиот генерал Алберто Париани. Спорно за нив е што не само ова туку и други имиња едногласно поминале во комисијата наспроти уверувањата дека нема да се прифатат имиња спротивни на уставниот поредок.

„Списокот што е прифатен од работната група и што ќе оди понатака на Советот на Општина Тетово, и освен едно име кое е исклучок, се е спорно. Секое име кога ќе се обработи и ќе се разбере нивната лоша позадина е сосема приказна. Нивна цел е да ја сокријат нивната исклучително лоша позадина. Сојузот и понатаму ќе продолжи да се бори за вистината и македонскиот национален интерес особено во нашиот град Тетово. Албанците имаат дадено за оваа држава околу 600 жртви, значи имаат имиња со кои можат да се гордеат меѓутоа за нив во моментов тие се темно минато, за жал.“

Сојузот на борци бара целата постапка да се одложи и првин да се формира тим на историчари кои прецизно ќе ги проверат сите имиња. Тие неодамна до Собранието и координаторите на пратеничките групи доставија барање за законски измени со кои изречно ќе се забрани именување улици, плоштади, мостови и други инфраструктурни објекти со имиња на личности или организации поврзани со фашизам, нацизам и тероризам. Инаку конечната одлука, сепак, не е само во рацете на општинските советници. Откако предлогот ќе биде усвоен во Советот на Општина Тетово, за новите имиња на улиците потребна е и согласност од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Летните вируси земаат полн замав, се зголемува бројот на прегледи на детските клиники ширум земјава, само во тетовската болница во изминативе 48 часа лекарска помош побарале околу 140 деца, 12 се хоспитализирани. Симтпомите кај добар дел од нив се повраќање, дијареа и дехидрација, но помош се бара и поради настинки, тонзилитис и други вообичаени прегледи. Бројките не отскокнуваат во однос на вообичаените, простор за загриженост нема, уверуваат од тетовската болница.

„Според добиените информации, во моментов нема аларамантна состојба, ниту невообичаено зголемување на ваквите случаи. Бројката објавена во медиумите се однесува на вкупниот број извршени педијатарски прегледи, во кои се вклучени и пациенти со други знаци и симптоми, а не само со дијареа и повраќање. Бројот на прегледи е во рамки на вообичаениот обем регистриран во текот на летната сезона.“

Епидемиолошката слика мирува и досега до ЦЈЗ во Тетово не е испратена никаква пријава за заразни болести, вели за Канал 5 министерот за здравство Сашо Клековски.

Зголемен број на приеми има и во детската клиника во Скопје, каде во 24 часа се регистрирани околу 100 прегледи, исто така, најголем дел од нив се поради слични вирусни симптоми. И од таму уверуваат, станува збор за стандардни прегледи, а бројките се вообичаени.

Горештините кои и натаму траат го продолжуваат ризикот од бактериски и вирусни инфекции, велат педијатрите, а најмногу на „удар“ се доенчињата до една година, но под поголем ризик се и децата до три години. Педијатарот Д-р Мира Атанасова препорачува родителите да бидат внимателни и при случај на зараза да се даде веднаш соодветен третман на децата за да се избегне хоспитализација.

„Да не се прават многу големи контакти во големи објекти како што се тц и игротеки и тука особено да се внимава. Престојот дома да биде во климатизирана просторија, со соодветна температура меѓу 23-25 степени. Верувам секое семејство дома поседува електролити, поседува пробиотик, поседува лекови за покачена температура. Малите дечиња да не дозволиме да престојуваат на клиники, да немаат хоспитални третмани, со тоа што прво ќе се интервенира со хидрација добра, во домашни услови, електролити растворени во било која течност, голтка по голтка.“

Според Атанасова, особено внимание треба да се посвети на храната, која во овие жешки денови лесно може да доведе до труење. Според препораките, таа треба да биде добро складирана, лувана и соодветно термички обработена. Особено да се внимава со млечните производи и со храната која содржи јајца, поради опасност од салмонела. На децата да им се дава свежо овошје и зеленчук кои се соодветно чувани, како и свежо приготвена храна која не е постара од 24 до 48 часа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шпанскиот министер за внатрешни работи, Фернандо Гранде-Марласка, испрати барање до Беата Гминдер, генерален директор на Европската комисија за миграција и внатрешни работи, барајќи помош од Фронтекс, агенцијата на Европската Унија, во проверката на мигрантите кои се нелегално во енклавата.

Властите тврдат дека меѓу 5.000 и 8.000 луѓе остануваат во Сеута откако најмалку 72.000 луѓе ја преминаа границата од Мароко на 30 јули. 82 мигранти загинаа во неа на шпанската страна од границата, додека Мароко потврди уште 14 смртни случаи.

Шпанија, исто така, побара уште десет службеници на Фронтекс да помогнат во проверката на мигрантите.

Тензиите растат во Сеута

Барањето на Марласка доаѓа во услови на зголемени тензии во Сеута, по серијата протести на жителите кои бараат мигрантите да си заминат.

Шаторите што ги користат мигрантите на плажата Трамболина, каде што многу од нив кампуваат, беа нападнати и запалени.

Вчера, 12 мигранти беа уапсени откако каменуваа воено возило, во кое беа повредени еден војник и четворица мигранти. 11 лица беа протерани од Сеута, објави денес весникот „Ел Паис“, повикувајќи се на извори од главниот градски суд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.