Фудбал

Барселона: Дембеле мора да си оди, готово е

Усман Дембеле, најскапиот играч во историјата на Барселона, мора итно да го напушти клубот.

Ова го објави Матеу Алемани, главниот оперативец на Барселона: "Јасно е дека Дембеле не сака да продолжи да игра во Барселона и не сака да биде дел од нашиот проект. Му рековме дека мора веднаш да го напушти клубот. Очекуваме да се продаде пред 31 јануари“.

Барселона со тоа го потврди неуспешниот крај на долгите преговори за продолжување на договорот со десното крило. Откако со месеци го убедуваше да остане, сега брза да се ослободи од него во актуелниот преоден рок кој трае само 11 дена. Се случи голем пресврт бидејќи договорот на Дембеле истекува на лето, па тој би заминал без обештетување. Доколку Барселона успее да го продаде до крајот на месецот, ќе добие мала, но барем некаква отштета за него.

Но, колку и да добива сега за него, Дембеле излегува не само најскапиот играч, туку и најскапиот неуспех на Барселона досега. Во летото 2017 година, веднаш по неговиот 20-ти роденден, тој стана најскапиот фудбалер во историјата на Барселона, која што го донесе од Борусија Дортмунд за 140 милиони евра.

Четири и пол разочарувачки години подоцна, тој ја напушта Барселона, каде што играше, па Transfermarkt го проценува на 30 милиони евра или помалку од четвртина од преплатената сума. Поради повреди пропуштил дури 102 натпревари откако беше во Барселона, но и кога беше здрав не одигра како што се очекуваше од него. Само шест пати оваа сезона играше како првотимец.

Барселона долго време се обидуваше да го задржи со продолжување на неговиот договор кој истекува на 30 јуни. Таа го сакаше ова за евентуално да ја ревитализира неговата кариера за да врати барем дел од богатството што го вложи во него, но сега ќе мора да се задоволи со трошки. Бидејќи клубовите кои го сакаат Дембеле знаат дека неговиот договор истекува за само пет месеци, па Барселона за него може да бара само минимално обештетување.

Фудбал

Атлетико сака да ја продолжи соработката со Витсел

Фудбалерот од средниот ред на Атлетико Мадрид, Аксел Витсел би можел да остане во клубот и следната сезона, објави денеска новинарот Фабрицио Романо, кој е добар познавач на трансфер пазарот.

Според изворот, раководството на Атлетико сака да го продолжи договорот со 35-годишниот Белгиец до лето 2025 година.

Оваа сезона Витсел одигра 46 натпревари, на кои постигна два гола.

Витсел во мај лани крај на настапите за репрезентацијата на Белгија за која дебитираше во 2008 година и со 130 натпревари е втор на вечната листа зад Јан Фертојген (147 настапи).

Атлетико Мадрид е четвртопласиран на табелата во Ла Лига на шест кола до крајот на сезоната. /МИА

Македонија

Видео: Пожар зад Универзална сала, интервенираат пожарникарите и Итната помош

Пожар избувна во куќа на улицата „Костурски херои“, зад Универзалната сала во Скопје.

Како што објавуваат повеќе медиуми, на терен се присутни две противпожарни возила и две цистерни на противпожарната бригада и едно возило на Итната помош.

На социјалната мрежа „X“ се појавија и видео снимки од настанот.

Се уште не е познато дали има повредени.

Во тек е интервенција на екипите.

Македонија

На Клиниката за токсикологија пукнала цевка од парно,се е вратено во функција

На Клиниката за токсикологија пукнала цевка од парно, од МЗ за МИА велат нема штета, се е вратено во функција.

На Клиниката за токсикологија во Скопје ноќеска пукнала цевка од парно поради што биле поплавени простории на третиот кат, тврдат вработени на Клиниката.

Според нив, повеќе од два часа биле поплавени просториите, а проблем е тоа што Клиниката не е осигурена.

МИА се обиде да стапи во контакт со медицинскиот директор на Токсикологија, но, досега нема одговор.

Од Министерството за здравство за МИА потврдија дека ноќеска имало пукнала цевка од парно и дека проблемот е веднаш саниран.

- Нема штета, се е повторно вратено во функција, велат од Министерството за здравство за МИА.

Во понедлникот лекари од Клиниката алармираат дека има проблеми на Клиниката и дека главен проблем со којшто во моментот се соочува Клиниката е доекипирањето на лабораторијата. Посочија дека било барано да се вработат двајца лаборанти и еден болничар, за да може да се функционира. Истакнаа дека се соочуваат со отпор и несоработка од страна на новоназначената организациска директорка која инсистирала да бидат примени сите 18 лица кои претходно биле примени со договор на дело, а на кои им истекол договорот. Меѓу нив, како што посочија лекарите во понеделникот, е и боилничар кој вршел притисок кај лаборант да замени урина во која имало наркотици со чиста урина. Ставот на лекарскиот колегиум, е дека немаме потреба од толкав број нови вработувања.

Министерот за здравство Илир Демири најави дека ќе го разреши медицинскиот директор на Клиниката за токсикологија, Данил Петровски, а во врска со работењето на економската директорка рече дека нема констатирано ниту едно прекршување на право.

притисни ентер