Банкомати со високи провизии за подигнување пари има низ целиот хрватски брег - Канал 5

Живот

Банкомати со високи провизии за подигнување пари има низ целиот хрватски брег

Банкомати кои не се во сопственост на ниту една реномирана банка и кои наплаќаат високи провизии за подигнување пари никнуваат низ целиот хрватски брег, а нивните жртви се главно туристи, предупредуваат хрватските медиуми.

Банкомати со високи провизии за подигнување пари има низ целиот хрватски брег

Британскиот државјанин Пол Бредбери, кој живее во Хрватска повеќе од 20 години, посветува внимание на проблемот.

„Многу туристи (кои се во земјата за прв пат) речиси никогаш не користат готовина дома, бидејќи можат да платат за сè со картичка или дигитално. Но, во Хрватска, каде што голем број објекти сè уште прифаќаат готовина како главно плаќање, тие се принудени да користат банкомати“, истакнува тој.

Според него, во последно време има „бум“ на банкомати кои не се поврзани со банки и најчесто наплаќаат провизија до 20 проценти од износот.

„Типично сценарио е гостин да оди во ресторан и дури тогаш да сфати дека не прифаќа картички. Келнерот љубезно ќе го упати кон најблискиот банкомат, но гостинот кој сака да подигне 200 евра на крајот плаќа 240 евра поради високите провизии“, забележува Бредбери.

Списанието „Форбс“ исто така посветува внимание на проблемот, забележувајќи дека во градот Сплит има околу 100 банкомати низ целиот град, но главно се користат оние на кои јасно е прикажано името на банката. „Не ги користете црвените, жолтите, сините или зелените банкомати. Го направив тоа првиот ден и на крајот платив неверојатна провизија од дваесет проценти“, наведува изданието.

Тагови: банкомати

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер