Банкнота од еден долар крие непроценлива приказна за болест, љубов и среќа - Канал 5

Живот

Банкнота од еден долар крие непроценлива приказна за болест, љубов и среќа

Животот на Питер Билело (86), се променил во моментот кога тргнал да ја посети својата мајка во родната Италија. Таму ја запознал девојката Грејс, а 40 дена подоцна се венчале во Италија.

Банкнота од еден долар крие непроценлива приказна за болест, љубов и среќа
„Мојата мајка ја познаваше и ме праша зошто не би се венчале. Мислев, таа не ме познава а ниту јас ја познавам неа“ – изјави за „ABC News”.

Во септември 1964 година се преселиле во Конектикат, каде Билело и денес живее. Имале две деца и четири внуци.

„Беше навистина добра сопруга, добро готвеше и беше многу добра мајка. Каде и да одеше таа и јас одев“ – се присетува Билела.

Во 2001. година на Грејс и бил дијагностициран рак, а потоа ја поминала операцијата, хемотерапијата и зрачењето.

„Мислев дека се ќе биде во ред“ – изјави Билело.

Три години подоцна ракот се вратил, а сопругата поминала низ нова рунда на хемотерапии и зрачења.

„Бевме заедно цело време. Таа одеше на хемотерапија, а јас седев покрај неа. Кога ќе дојдеше дома, и беше лошо од терапијата и лежеше на каучот, а јас ги извршував домашните задачи“ – додава Билела.




Пред неколку години, во 2009 година, Билело добил идеја и двајцата да се потпишат на по една банкнота од еден долар.

„Реков дека јас на едната ќе напишам Питер Б.а таа треба да напише Грејс Б. на другата. Потоа ги ставив во паричникот. Банкнотите таму се наоѓаа цела година. Отидов во продавница и не се сеќавам на што ги потрошив. Дојдов дома и и реков на Грејс дека направив голема грешка и дека банкнотите нема никогаш повеќе да ги видам“ – изјави Билело.

Банкнотите исчезнале, но љубовта измеѓу Питер и Грејс не избледела и во 2014 година ја прославиле 50 годишнината од својот брак. Истата таа година после 13 години борба со ракот, Грејс починала. Неколку недели после смртта, Билело го одвел својот внук на сендвич, за кој на продавачката и дал десет долари. Таа му вратила три банкноти од по еден долар, а на еден од нив пишувало “Грејс Б.“.

„Почнав да плачам. Бев толку среќен што ми се врати тој долар. Мислев дека никогаш повеќе нема да го добијам назад“ – изјави Билело.

Веднаш потоа отишол на гробот на својата сопруга.

„Реков: Грејс го добив твојот долар назад“ Вистинско чудо е тоа што го добив после пет години. Којзнае колку луѓе го држеле во рака во овие изминати години. Бев на вистинското место во вистинското време“ – изјави Билело.

Денес Питер ја чува драгоцената банкнота на сигурно место. „Никој веќе никогаш нема да дојде до неа“, вели тој и додава дека е сигурен дека Грејс е заслужна што се случило тоа „чудо“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер