Култура

Балетска претстава „Дамата со камелии“ од Џузепе Верди во НОБ

На сцената на Националната опера и балет вечер ќе се изведе балетската претстава „Дамата со камелии“. Претставата е работена по музиката на Џузепе Верди, а драматуршката подлошка е земена од неговата популарна „Травијата“.

Како што најавија од НОБ, претставата ќе се изведе под диригентската палка на гостинот од Ерменија, Едуард Амбарцумјан, кореографијата е на еден од водечките руски кореографи Василиј Медведев, кој работи со големите театри „Бољшој“ од Москва и „Марински“ од Санкт Петербург, раскошната сценографија и костимографија се на Павол Јураш од Словачка, концерт-мајстор е Верица Ламбевска.

Во главните улоги на Маргарита и Арманд ќе настапат Марија Кичевска Шокаровска, Франциско Хименес Руиз (Шпанија) заедно солистите, балетскиот ансамбл и оркестарот на Националната опера и балет.

- Не е првпат тажната приказна во „Дамата со камелии“ да ги инспирира кореографите. Заедно со костимографот и сценограф, Павол Јураш, сакав претставата да ја направиме класична, традиционална, но и наша оригинална, различна од другите, изјави кореографот Василиј Медведев.

Фудбал

ФФМ донесе одлука: Бројот на клубови во ПМФЛ се намалува од 12 на 10

Управниот одбор на Фудбалската федерација на Македонија (ФФМ) на последната свој седница донесе одлука да го намали бројот на клубови во Првата македонска фудбалска лига (ПМФЛ) од 12 на 10.

Управниот одбор го усвои предлогот за промена на системот на натпревари од натпреваривачката сезона 2026/27.

Ќе има намалување и во второто ниво на македонски фудбал (ВМФЛ), откако од другата сезона ќе се натпреваруваат 14 клубови од досегашните 16.

Комисија во состав Агим Ибраими, Игор Франговски и Сашо Здравевски ќе спроведе дополнителна анализа и ќе предложи конечни насоки за системот на натпреварување и начините на промоција и испаѓање.

Тагови: ФФМ

Македонија

Сиљановска-Давкова го достави предлогот Трајко Славески да биде гувернер на Народната банка

Ве информираме дека претседателката Гордана Сиљановска-Давкова до Собранието го достави предлогот проф. д-р Трајко Славески да биде именуван за гувернер на Народната банка.

При донесувањето на одлуката, Претседателката се водеше од стручноста и компетентноста, дигнитетот и интегритетот, како и реалната можност за именување на кандидатот.

Би сакале да потенцираме дека изборот беше тежок, со оглед на докажаниот квалитет на сите кандидати, стои во соопштението од кабинетот на претседателката.

Тагови: Гордана Сиљановска-Давкова

Свет

Пакистан ја обвини Индија за напад врз училиштен автобус, при што загинаа пет лица

Пет лица загинаа, а повеќе од 40 се повредени при напад на училиштен автобус во градот Хуздар, во пакистанската провинција Белуџистан. Помеѓу загинатите се три ученички и две возрасни лица.

Премиерот на Белуџистан, Сарфраз Бугти изјави дека неговата Влада има разузнавачки извештаи дека индискиот советник за национална безбедност Аџит Довал планирал нешто во Белуџистан, но „не очекував тој да ги таргетира невини деца“.

- Откако Индија се соочи со понижувачки пораз на бојното поле прибегна кон презриви и кукавички дела. Планерите, поттикнувачите и извршителите на овој кукавички напад спонзориран од Индија ќе бидат пронајдени и изведени пред лицето на правдата, а гнасното лице на Индија ќе биде разоткриено пред целиот свет“, се наведува во соопштението на пакистанската армија.

Бунтовничката група Белуџистанска ослободителна армија (БЛА), која се бори за независност на пакистанскиот регион, претходно соопшти дека нападнала автобус со кој се превезувале пакистански војници. Исламабад тврди дека БЛА има поддршка од Индија./МИА

Тагови: Индија Пакистан