Технологија

Баканов ќе се сретне со раководството на НАСА- ќе разговара за заеднички летови и за вселенската станица

Генералниот директор на Роскосмос, Дмитриј Баканов, денес изјави дека ќе се сретне и ќе разговара со раководството на НАСА во САД за време на лансирањето на вселенскиот брод „Кру Драгон“ со руски космонаут.

- Имаме заеднички проекти - Меѓународната вселенска станица, каде што има руски сегмент и американски сегмент, имаме вкрстени летови - рече Баканов на телевизискиот канал РБЦ, зборувајќи за лансирањето на двајца космонаути од Бајконур на „Сојуз“, потсетувајќи дека последниот пат тоа беа Сергеј Рижиков и Алексеј Зубрицки заедно со астронаутот на НАСА, Џонатан Ким.

Според него, ракетата „Фалкон“ ќе лансира двајца американски и еден руски астронаут во вселенскиот брод „Драгон“ од Кејп Канаверал во Флорида.

- Поканети сме на ова лансирање и ќе спроведеме серија преговори за понатамошна интеракција и соработка меѓу Роскосмос и НАСА - додаде Баканов, пренесува РИА Новости.

Баканов не прецизираше за кое лансирање зборува. Следниот меѓуѕвезден лет на американскиот брод е закажан за 31 јули, а во него ќе учествува и Русинот Олег Платонов, пренесува руската агенција. Баканов, исто така, рече дека Русија е присутна во сите сегменти на вселенскиот пазар и дека ова е „многу скапа приказна“.

Според него, Руската Федерација има ракети од тешка и лесна класа од типот Ангара, средната класа Сојуз-2, а во иднина ќе има и Сојуз-5, ултралесни ракети, и развива сопствена орбитална станица. Покрај тоа, Баканов најави дека Русија ќе спроведе повеќе од 20 вселенски лансирања оваа година.

Истражувањето на вселената е една од ретките области во кои сè уште постои соработка меѓу Русија и САД, меѓу кои односите се најлоши од Студената војна, а причината е руската инвазија на Украина.

Тагови: вселенска станица НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ИН МЕМОРИАМ: Почина познатиот македонски специјалист радиолог д-р Душан Јовановски

По кратко боледување почина истакнатиот македонски лекар, д-р Душан Јовановски, специјалист радиолог со над четири децении кариера во здравството.

Д-р Јовановски, својот професионален пат го започна во Здравствениот дом Кратово во 1989 година, каде беше и Директор од 2005 до 2009.

Од 1987 до 1997 беше спортски доктор на фудбалскиот клуб Силекс, а во периодот од 2000 – 2005 и спортски доктор на Националниот фудбалски тим на Република Македонија

Последните 17 години беше незаменлив дел од тимот на МЕГАМЕД ПЛУС. Колегите и пациентите ќе го паметат како врвен радиодијагностичар со огромна емпатија и висока стручност, кој спаси стотици човечки животи.

Со неговото заминувањето ќе остане огромна празнина во јавното и приватното здравство.

Последниот поздрав ќе се одржи во Четврток, 25 Јуни 2026, од 09:00 до 10:00 часот на гробиштата Ѓорче Петров во Скопје

Нека почива во мир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Уништени две хемиски гранати со боен отров од Првата светска војна

На стрелиштето Криволак уништени две хемиски гранати со боен отров од Првата светска војна.

На стрелиштето Криволак уништени две хемиски гранати со боен отров од Првата светска војна, информира директорот на Дирекцијата за заштита и спасување, Стојанче Ангелов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претставена „Везилка“ - Македонија добива национална фабрика за вештачка интелигенција

Проектот „Везилка“ – Национален центар за вештачка интелигенција, денеска беше официјално презентиран.

Станува збор за иницијатива што треба да ја поврзе домашната научна заедница, државните институции и приватниот сектор со европската инфраструктура за развој на вештачка интелигенција.

На промоцијата беше истакнато дека „Везилка“ не претставува самостојна „фабрика за вештачка интелигенција“, туку таканаречена „АИ антена“ – национален центар поврзан со европската АИ фабрика „Фарос“ во Грција. Преку ова партнерство, македонските истражувачи, стартапи, компании и јавни институции ќе добијат пристап до европски суперкомпјутерски капацитети, вклучително и суперкомпјутерот „Даедалус“, како и до напредни бази на податоци и специјализирани алатки за развој на модели со вештачка интелигенција.

Проектот чија реализација е планирана за три години, има вкупен буџет од околу 6,2 милиони евра. Од нив, приближно 3,1 милиони се обезбедени како грант од Европската Унија додека останатите средства се кофинансирани од државата.

„Везилка“ е вложување во иднината, во потенцијалот на македонските научници, истражувачи, студенти и компании. Тоа е и јасна определба државата да биде активен учесник во технолошките процеси што го обликуваат современиот свет - Христијан Мицкоски- претседател на владата

проектот претставува историски чекор во дигиталниот развој на државата и обид да се изгради траен систем, наместо да се реализираат поединечни и краткорочни проекти, посочи министерот Андоновски.

Целта на Везилка,се конкретни решенија базирани на вештачка интелигенција – од македонски јазични модели и дигитализација на културното наследство, до анализа на здравствени податоци, оптимизација на енергетските системи, автоматизација на административните услуги и примена на паметни технологии во земјоделството.

Покрај истражувачката компонента, „Везилка“ ќе функционира и како центар за обука и развој на кадри..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.