Бајковито, магично, волшебно - „Куќата на цвеќето“ репрезент на Преспа - Канал 5

Живот

Бајковито, магично, волшебно - „Куќата на цвеќето“ репрезент на Преспа

Ако има рај на земјата, тогаш лесно ќе го пронајдете. Треба само да го посетите преспанското село Волкодери. 

Бајковито, магично, волшебно - „Куќата на цвеќето“ репрезент на Преспа

А таму, на самиот влез во селото првата куќа покриена со шаренило од бои е вистински цветен рај. Нема некој што поминал по патот за Отешево, а да не ја забележи „Куќата на цвеќето“. Плени со својата убавина, со стил подредени цвеќиња и разни украси, преовладуваат сурфиниите и петуниите, но не изостануваат ниту другите летни цвеќиња, бегонии, сардели, илјада и еден цвет....

И не само во лето, секое годишно време куќата плени со својата убавина. Како што одминува летото, сопственичката Марина Дочоска, веќе ја планира есенската декорација со хризантемите, а потоа доаѓа и зимското цвеќе.

- Ова е магија, не го може секој. Цвеќето бара многу љубов и внимание, но тука владее магија. Се е позитивна енергија, а мене душата ми е исполнета, возбудливо вели Марина.

Магија од цвеќе испреплетена во бајка

Секој дел од дворот си има своја бајковита приказна. Балконите со надвиснати бели сурфинии, дворот со зелена трева, покриена со разновидни украси, а на нив со стил наредени цвеќиња во разни бои. Малку понапред, на прва линија до главниот пат ќе ве пречека бајката со Снежана и седумте џуџиња, како гордо ѕиркаат меѓу цветните грмушки. Дел од приказната е и принцезата на бел велосипед, покриен со циклама петунии, а цветното царство е зачинето со уште многу додатоци и зеленило.

Во дворот ќе ве пречекаат гордите домаќини, чија инспирација за оваа бајковита приказна се позитивните воздишки на сите добронамерници, кои застануваат тука да подишат од воздухот исполнет со цветни ноти и да се фотографираат.

- Љубов за цвеќето сум имала од секогаш. Оваа куќа секогаш беше цветна, но сега е се пошарена и поукрасена. Инспирација за создавање на оваа бајка се сите добронамерници што ќе поминат тука, ќе застанат ќе се фотографираат, вели Марина.

За неа не е тешко да го уреди ова мало царство. Цвеќето ја исполнува и секој слободен миг го користи во дворчето околу нивна организација, аранжирање. Секој ден ги полева со вода, секој трет ден ги прихранува, а на 25 до 30 дена ги третира против инсекти. Внимателно е вклопен и секој украс.

- Не ми е тешко да ги одгледувам цвеќињата, треба само да им го фатиш редот. Цвеќето ме вика. Цвеќето е како детето, мора да се среди сега и веднаш. Се друго може да се остави за утре, но цвеќето не, нагласува Дочоска.

Уметност изразена преку цвеќе на најфотографираната куќа

Секој добронамерник кој поминува на патот, кој води до Отешево, застанува барем за миг да подиши од миризливите ноти на цвеќињата и да се восхитува на погледот приреден од златните раце на Марина. Неизоставен дел е фотографирањето на куќата, со цвеќињата и прекрасните аранжмани. Покрај случајните минувачи, тука, како што ни раскажа Дочоска, се правеле свадбени фотосесии, а се снимале и музички спотови.

- Оваа куќа е еден од промоторите на Преспа. Кога би имало некое броило да се знае колку посетители сме имале. Колку многу е фотографирана, ни самата незнам. Секој што поминува ќе застане ќе се фотографира, а доаѓаат и да купат цвеќе за спомен од „Куќата на цвеќето“, со возбуда раскажува Марина.

Љубовта кон цвеќето на оваа позитивна и вредна жена ја инспирирало да отпочне и сопствен бизнис со одгледување и продажба на цвеќиња, од каде се украсени балконите и дворовите во цела Преспа, а главен снабдувач била и на поголем дел од хотелите во охридско-струшкиот регион. Оние што ќе купат цвеќе од „Куќата на цвеќето“, добиваат и совети како да го одгледуваат, но и бесплатна заштита во текот на целата сезона.

- Јас толку многу работам може нема ни да излезам да погледнам, но кога ќе ги товарам колите со цвеќе од другата страна на улицата и кога ќе се свртам накај куќата ќе си речам, па како да не застанат, па ова вистина е бајка, додава Дочоска. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Жерновски: Владата тајно го прифаќа францускиот предлог што во опозиција го напаѓаше

Жерновски потенцираше дека информациите на СДСМ не се шпекулации, туку се темелат на релевантни сознанија, а дополнително ги потврдуваат и јавните изјави на владини претставници.

Жерновски: Владата тајно го прифаќа францускиот предлог што во опозиција го напаѓаше

Секретарот за меѓународна соработка на СДСМ, Андреј Жерновски, во интервју за „Вести плус“ на Канал 5 посочи дека последните изјави на претставниците на Владата се доказ дека се водат тајни разговори за европскиот пат на државата и дека Владата се подготвува да го прифати францускиот предлог, кој две години го претставуваше како штетен за Македонија.

Жерновски потенцираше дека информациите на СДСМ не се шпекулации, туку се темелат на релевантни сознанија, а дополнително ги потврдуваат и јавните изјави на владини претставници.

„Вчера имавме можност да слушнеме демант кој не беше демант. Во него пишува дека СДСМ измислува дека се водат тајни преговори. Но токму министерот за надворешни работи рече дека се водат разговори „под радарот“. Не јас, не СДСМ, туку тој. Тоа го има кажано и претседателката Сиљановска“, рече Жерновски.

Во интервјуто, Жерновски посочи дека Владата на ВМРО сега се обидува како успех да го претстави она што додека беше во опозиција го нарекуваше „предавство“ и токму затоа, јавноста денес е сведок на целосен пресврт во владината политика на тема евронтеграции.

„Изјавите се контрадикторни. Значи, она што сега се случува, во Владата е стратегија како сега да се прикаже како победа она што до вчера беше голем пораз за Македонија, големо велепредавство од СДСМ, но сега треба да се прикаже сето тоа како победа. Нешто што е сосем спротивно од она што го зборуваа додека беа во опозиција, и со што дојдоа на власт и добија гласови“, рече Жерновски.

Тој нагласи дека не станува збор за изолирани изјави, туку за низа потези кои, кои покажуваат дека Владата ја менува својата политика.

„Зошто велам чекорите на Муцунски? Ова не е изолирана изјава. На оваа изјава, дека се водат преговори под радарот, следат две многу важни изјави кои што зборуваат за пресверт од 180 степени во политиката на Владата. Прв излзе Муцунски со изјава дека ние не сме северно-македонци, туку сме македонци и дека не зборуваме северно-македонски јазик, туку зборуваме македонски јазик, што е сосем спротивно тоа што зборува додека беа на опозиција. Потоа, чекор повеќе, излезе Муцунски и кажа дека протоколот не е дел од преговорачката рамка, нешто што сосема друго тврдаеа во опозиција и беше една од клучните теми врз основа на што дојдоа на власт. Сето тоа е подготвува на терен за ова што го најавивме“, рече Жерновски.

Во интервјуто Жерновски нагласи дека СДСМ не внесува нервоза во процесот, туку дека Владата самата ја отвора темата со своите јавни настапи.

„Ние само кажавме што се случува и дека граѓаните треба да бидат подготвени за тоа што следува.Тоа што следува е победа на политиката и визионерството на СДСМ, кое не беше лесно да се прави. Тоа беа тешки и непопуларни одлуки, меѓутоа одлуки кои што се за добробит на граѓаните, ние морваме младите да ги задржиме, тие ни бегаат надвор“, рече Жерновски.

Тагови: Жерновски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: СДС се плаши од функционален систем затоа се талогот на дното, „Безбеден град“ е доказ дека институциите функционираат

Владеењето на правото се мери преку конкретни постапки. Секој доследно спроведен закон ја зајакнува довербата на граѓаните во институциите.

Петрушевски: СДС се плаши од функционален систем затоа се талогот на дното, „Безбеден град“ е доказ дека институциите функционираат

Проектот „Безбеден град“ е доказ дека кога има политичка волја, професионална работа и примена на современа технологија, државата може да функционира. Кога законите важат еднакво за сите, резултатите не изостануваат.

Затоа врхушката на СДС се спротивставува на сѐ што е успех. Нив ги плашат функционални институции. Тие впрочем ги градеа институциите за да можат ним да им бидат потчинети. Нив ги плаши Македонија и граѓаните да успеат.

Затоа се талог и се наоѓаат на дното. На талогот во општеството не му одговараат победи, чесност, работа и систем на право и правда. Во таков систем никогаш нема да се вратат на власт, туку ќе завршат зад решетки. Затоа наместо политика и идеи, продаваат цинизам, песимизам, и недоверба кон иднината, бидејќи сакаат да го убијат духот на народот, на овој народ кој бил непокорен и кој се борел за слобода и своја држава.

Нема да успеат! Македонија оди напред.

Ќе победи работата. Ќе победи правдата.

Бране Петрушевски

Тагови: ​Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германски брод цел на напад во Црното Море: Екипажот евакуиран, бродот онеспособен

Германскиот товарен брод „ЕМИЛ“ наводно бил погоден во напад со беспилотни летала во Црното Море во близина на Одеса, предизвикувајќи пожар и оставајќи го бродот без дел од своите технички системи, објавија германските медиуми.

Германски брод цел на напад во Црното Море: Екипажот евакуиран, бродот онеспособен

Германскиот товарен брод „ЕМИЛ“ наводно бил цел на напад со беспилотни летала во Црното Море, објави германскиот весник „Билд“. Според извештаите, бродот бил погоден неколку пати, предизвикувајќи пожар и прекин на работата на неколку технички системи, со што бродот не можел да маневрира.

Додека екипажот бил евакуиран на безбедно место, бродот повторно бил нападнат, според германскиот весник. Во моментот на нападот на бродот имало 11 членови на екипажот, од кои ниту еден не бил германски државјанин. Според достапните информации, нема повредени.

Бродот „ЕМИЛ“ наводно бил погоден во Црното Море, на околу 21 наутички милји од украинското пристаниште Одеса. Бродот моментално плови под знамето на Либерија и е во сопственост на германската бродска компанија „Johann M. K. Blumenthal GmbH & Co. KG“, со седиште во Хамбург.

Руското Министерство за одбрана ги потврди нападите на својот Телеграм канал. Москва соопшти дека нејзините беспилотни летала погодиле два товарни брода во Црното Море, јужно и источно од Одеса, преку ноќ, тврдејќи дека превезуваат воен товар.

Другиот брод за кој се тврди дека е погоден е товарниот брод „Мера Квин“, кој плови под знамето на Гвинеја-Бисао. Според германскиот весник, еден член на екипажот е убиен во нападот.

Извор: Б92

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер