Свет

Бајден пред Конгресот: Америка се врати, повторно се движи напред

Во обраќањето синоќа пред двата дома на американскиот Конгрес, претседателот на САД, Џо Бајден ги означи приоритетите на неговата Адмиистрација до крајот на годината и се отчети за првите 100-те денови од преземањето на функцијата

Новата Администрација успеала да ја врати вербата во демократијата и да започне процес за обнова на економијата настрадана од пандемијата на Ковид-19.

Поважните теми во говорот на Бајден беа економијата, образование, обнова на инфраструктурата за 21 век, нови работни места, забрзаната вакцинација, климатските промени и соперништвото со Кина и другите автократии.

Настанот започна во 21 часот по источноамериканско време. Конвојот џипови на шефот на државата помина преки контролен пункт на оградта сеуште издигната околу Конгресот, а националнаа гарда патролираше околу зградата, како ехо од немирите во Капитолот годинава на 6 јануари.

Иако надреален поради празната хала на долниот дом на Конгресот, обично преполна кога се обраќа претседател, настанот овојпат имаше посебен шарм. За првпат во историјата на САД во ваква прилика зад еден американски шеф на државата се наоѓаа две жени, потпретседателот Камала Харис и спикарот на Преставничкиот дом, Ненси Пелоси.

-Мадам потпретседател, мадам спикер, се обрати до нив Бајден и подвлече дека нивното присуство испишува историја. Под негово водство, втората и третата по важност извршна и законодавна функција на САД е во рацете на жени.

Спред него, во првите 100 денови Американците засукале ракави и примиле 200 милиони долзи вакцини а економијата создала 1.3 милиони работни места, што е рекордна бројка. Меѓународниот монетарен фонд прогнозира дека американската економија годинава ќе порасне за 6 отсто, рече тој.

-Тоа ќе бидат највисоките стапки на економски раст во оваа земја за речиси четири децении. Америка повторно се движи напред, и не треба да запираме. Се тркаме со Кина и другите земји. Треба да направиме повеќе отколку само обична обнова. Треба да ја обновима нашата земја така што таа ќе биде подобра отколку онаа од минатото, истакна Бајден.

-Научните пробиви и истражувања во оваа земја направија големи работи… ајде да ги победиме болестите како дијабетис, разните вируси и ракот, исповика тој.

Според него, новиот пакет инвестиции за изградба на инфраструктурата ќе чини околу четири трилиони долари, што е приближно еднакво на едногодишниот буџет на САД. „Тоа се уникатни инвестиции од животна важност за Америка".

Претседателот имплицираше дека САД се во конкуретна борба за „победа на 21-от век".

На автократиите им е тешко да извојуваат „победа на 21-от век" бидејќи кај нив тешко се стекнува консезус, рече Бајден алудирајќи на Кина.

Го најави планот вреден 1.8 трилиони долари за американските семејства, што предвидува проширена програма за предучилишна грижа, две години бесплатен колеџ, субвенционирана детска грижа за квалификувани семејства, месечни примања од најмалку 300 долари за родители, како и зголемена достапност за бесплатни и по намалени цени училишни оброци.

Планот вклучува и двонеделено платен одмор за родиели доколу отсуствуваат од работа поради болест на децата. Бајден вети и роширена простап за здравствено осигурување и намалени цени за лекови на рецепти, поддршка и подем на синдикатите во САД.

За да се платат сите овие придобивки за граѓаните Бајден предложи зголемени даноци за богатите Американци – оние со над 400.000 долари примања годишно.

-Поголеми данци за едне процент од Американците и за корпоративна Америка.. време е да ја растеме економија од долу кон врвот. Давањето трошки од милионерите не работи, истакна тој.

Во однос на меѓународната сцена, Бајден истакна дека Америка се врати и има намера да остане.

-Му реков на Путин дека не сакаме ескалација но дека ќе одговориме жестоко на нивните активности, истакна Бајден и додаде дека тоа важи и за Иран и за Кина.

-Да докажаме дека демократијата работи… дека таа е истрајна и силна. Автократиите нема да ја добијат иднината, ние ќе ја добиеме, рече тој.

-Дали нашата демократија може да го испорача ветување дека сите сме еднакви пред Бог, имаме шанса да живееме чесен и достоен живот со можности. Дали нашата демократија може да испорача на најитните потреби на нашиот народ. Дали на[ата демократија може да ги надмине лагите, гневот и стравовите кои не раздвојуваат?

Светските автократии се обложуваат дека неможе, но грешат, знаеме дека грешат и треба да им го докажеме тоа, порача Бајден.

Автократија, пандемија и болка – се справуваме со нив, укажа тој.

Свет

Министерство за одбрана на Русија: Неутрализирани повеќе од 100 украински дронови

Министерство за одбрана на Русија: Неутрализирани повеќе од 100 украински беспилотни летала при ноќни напади.

Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим.

Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск.

Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море.

Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми.

Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски.

Живот

Во САД марихуаната ќе биде класифицирана како помалку опасна дрога

Американската Влада одлучи да ја категоризира марихуаната како помалку опасна дрога, што значи дека луѓето кои користат или ја поседуваат веројатно нема да одат во затвор во иднина.

- Премногу животи се превртени наопаку од нашиот неуспешен пристап кон марихуаната. Министерството за правда го прави следниот чекор за прекласификација на марихуаната од категорија еден во категорија три според федералниот закон, напиша американскиот претседател Џо Бајден на социјалната мрежа Икс.

Во САД наркотиците се класифицирани во пет различни категории. Досега марихуаната или канабисот беа во првата, а со тоа и најстрогата категорија, која вклучува хероин и ЛСД. Американската Влада сега побара марихуаната да биде вклучена во третата категорија. Како резултат на тоа, марихуаната ќе биде на исто ниво со стероиди или парацетамол.

Американските медиуми ја означија таа прекласификација како историска. Со прекласификацијата се признава медицинската употреба на канабисот, но целосна легализација низ државата за приватна употреба не е планирана. Марихуаната е веќе легална за рекреативни и медицински цели во повеќе од 20 американски држави, а само за медицински цели во повеќе од десетина други држави.

Македонија

Од денеска пријавување за бесплатно подигнување кабаст отпад во сите населби во Кисел Вода

Од денеска почнува пријавувањето за бесплатно подигнување кабаст отпад во сите населби во Кисела Вода

Нова акција за собирање на кабаст отпад ќе се спроведе во општина Кисела Вода. Како дел од активностите за заштита на животната средина, во периодот од 27 мај до 07 јуни во сите месни и урбани заедници на територија на општината, ќе бидат ангажирани одговорни лица и сезонски работници кои бесплатно ќе го подигаат кабастиот отпад од пред домаќинствата или колективните згради, информираат од Општина Кисела Вода.

Пријавувањето почнува денеска и ќе трае до 23 мај. Секој жител на општина Кисела Вода кој поседува кабаст отпад и сака тој да биде подигнат и депониран на соодветна локација, ќе може да закаже термин на телефонскиот број 02/2785-427, секој работен ден од 09:00 до 15:00 часот.

Од Општината појаснуваат дека кабастиот отпад треба да биде поставен пред објектот кој е претходно договорен, на безбедна локација со што не би се загрозила безбедноста на пешаците, велосипедистите и останатите учесници во сообраќајот, кои ќе се движат во тој период.

-Само со одговорно однесување на секој поединец заеднички ќе можеме да ја одржуваме Кисела Вода чиста и уредна. Зачувувањето на природата и животната средина е наша заедничка обврска и одговорност, велат од Општина Кисела Вода.

Оттаму апелираме до сите граѓани да се приклучат на оваа акција, бидејќи, како што велат поддршката и заедничката ангажираност се од суштинско значење за заедницата.