„Оваа варијанта е причина за загриженост, но не е причина за паника. Порано или подоцна ќе имаме случаи на инфекција со новата варијанта овде во Соединетите држави“, рече Бајден по средбата со неговиот тим за Ковид-19.

Тој додаде дека Белата куќа работи на планови за интервенција заедно со производителите на вакцини за да се справи со омикрон доколку е потребно.

Тоа се американските производители на вакцини Pfizer, Moderna и Johnson & Johnson.

Претходно, американскиот експерт за заразни болести Ентони Фаучи рече дека во очекување на варијантата омикрон да дојде во САД, воведувањето нови ограничувања не е веројатно.

Денеска во САД стапи на сила забраната за патници од осум јужноафрикански земји за да се забави ширењето на инфекцијата и да им се даде на експертите повеќе време да ја проучат новата варијанта, сериозноста на болеста, преносливоста и отпорноста на вакцини.

Бајден ги повика граѓаните да носат маски во затворени простории и на јавни места или во близина на други луѓе.

Запрашан од новинарите дали ќе следат други мерки, Фаучи денеска одговори дека „не мисли дека тоа ќе се случи“.