Багерите останаа заглавени во Доња Јабланица, се бараат исчезнати во катастрофалните поплави - Канал 5

Балкан

Багерите останаа заглавени во Доња Јабланица, се бараат исчезнати во катастрофалните поплави

Обвинителството на Херцеговско-неретванскиот кантон отвори предмет за каменоломот во Доња Јабланица по сомневањата дека отпадот од оваа локација, поради обилните врнежи, ја затрупа населбата долу и предизвика голема трагедија.

Багерите останаа заглавени во Доња Јабланица, се бараат исчезнати во катастрофалните поплави

Новинарите на Кликс ја снимија локацијата од воздух.

На снимката што ја направиле се гледа дека каменоломот е доста блиску до населбата и дека нечистотијата и отпадот паднале по ридот врз населбата, каде што биле затрупани неколку куќи и џамии.

При преминувањето на локацијата на каменоломот со дрон се забележуваат багерите кои останале заробени во карпите, што е добра претпоставка за тврдењата дека каменоломот работел, односно дека машините неодамна биле на овој простор.

YouTube video

Во овој локалитет се уште се трага по исчезнатите, а веќе се пронајдени голем број мртви. Конечната бројка ќе се знае по завршувањето на акцијата.

Од Обвинителството на ХНК соопштија дека наредиле вештачења и прибавување на одредени деловни документи, нагласувајќи дека фокусот на истрагата ќе биде ставен на можната одговорност и улогата на човечкиот фактор во страдањата во населбата Доња Јабланица.

Во јавноста една од главните теми стана дали сопствениците на каменоломот се одговорни за трагедијата што ги снајде жителите на Доња Јабланица, кои посочуваат дека и претходно предупредувале за овој каменолом.

Правно лице сопственик на каменоломот е „Друштво за експлоатација и преработка на камен, трговија и услуги Сани д.о.о. Јабланица“. Од Владата на ХНК неколкупати побарале концесија за експлоатација на каменот на овој простор, но власта тврди дека никогаш не ја добиле.

Дополнително, кантонските инспектори во неколку наврати ја проверувале оваа фирма, им било забрането да работат и добиле инспекциски казни, а објектот бил пломбиран.

Последниот увид бил извршен во август 2021 година, кога било утврдено дека на лице место немало луѓе, машини или знаци на работа.

Сепак, многумина се сомневаат дека каменот од овој крај бил експлоатиран и по тој период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Зинедин Зидан официјално преставен како нов селектор на Франција

Легендарниот фудбалер Зинедин Зидан официјално стана новиот селектор на Франција.

Зинедин Зидан официјално преставен како нов селектор на Франција

Она што беше објавено уште во ноември, сега доби официјална потврда.

Поранешниот тренер на Реал Мадрид, легендарниот Французин Зинедин Зидан, го наследи Дидие Дешам на клупата на „триколорите“, со што заврши една од најдолгите и најуспешните ери на селекција во модерниот фудбал.

Во соопштението се наведува дека Зидан ќе биде селектор на Франција до крајот на Светското првенство во 2030 година. Дешам ја водеше Франција 14 години. Својот најголем успех го постигна со освојувањето на Светското првенство во 2018 година, додека со репрезентацијата ја освои и Лигата на нации во 2021 година.

Зидан е без тренерски ангажман уште од 2021 година, кога го напушти „Кралскиот клуб“. Со популарниот Зизу како играч, започнаа годините на доминација на француската репрезентација.

Тимот беше светски првак во 1998 година, две години подоцна и европски првак, а „триколорите“ – повторно со Зидан во составот – стигнаа и до финалето во 2006 година, во славниот дуел против Италија. Од 1998 година наваму, Франција четири пати играла во финалето на Светското првенство. Пред него е задачата да ја одржи таа континуираност.

Тагови: Зинедин Зидан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Владините мерки носат резултати, туризмот бележи раст од 40 проценти кај странските гости

Претседателот на Владата на Република Македонија, Христијан Мицкоски денеска одговарајќи на новинарско прашање во однос туристичката сезона која е во полн ек и резултатите од истата, изјави:

Мицкоски: Владините мерки носат резултати, туризмот бележи раст од 40 проценти кај странските гости

„Владините мерки и владината иницијатива за привлекување на туристи, носи резултати. Имаме голем скок кај доаѓањата на нашите аеродроми. И тоа, впрочем го нотира Светска Банка во „Tourism watch“ во последната едиција од овој извештај, објавено во јуни 2026 година. Во којашто ја рангира Македонија како прва земја во Европа по зголемениот процент на доаѓања на гости и зголемениот процент на странски доаѓања и преноќувања, нешто што за нас е навистина импресивно. Тој процент е 40%, споредено со претходната година. И тоа е за нас големо признание, посебно што тоа учествува во Бруто домашниот производ и јас очекувам веќе тоа да се забележи во Бруто домашниот производ во вториот квартал од оваа година.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Француски воен брод отвори оган во Ламанш; Пукано кон чамецот во кој се наоѓал британскиот пратеник

Француски воен брод пукаше кон чамец во Ламанш во кој се наоѓал британскиот пратеник Крис Филп.

Француски воен брод отвори оган во Ламанш; Пукано кон чамецот во кој се наоѓал британскиот пратеник

Филп го објави видеото на својот профил на X и наведе дека истрелите биле испукани без никакво предупредување.

„Денес на каналот ги следиме нелегалните преминувања на мигранти. Додека пред малку давав интервју за Би-би-си, еден француски воен брод ни се приближи и испука 17 истрели зад нас. Немаше никакво известување или вежба. Изгледаше како истрели за предупредување или обид за заплашување“, напиша Филп на X.

Мајкл Кеохејн, локален новинар на Би-Би-Си кој во тој момент бил со Филп, го опишал моментот како „надреален“.

Тој изјавил дека „францускиот патролен брод се приближил до бродот на 300 метри и паднал кон нивниот крм (задниот дел од нивниот брод)“. „Фотографиите од францускиот брод покажуваат мал топ насочен кон морето. Беа испукани околу 17 истрели.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер