Багаи: Иран има право на мирно користење на нуклеарнатра енергија - Канал 5

Свет

Багаи: Иран има право на мирно користење на нуклеарнатра енергија

Портпаролот на иранското Министерство за надворешни работи, Есмаил Багаи изјави дека Иран планира да ја продолжи нуклеарната програма.

Багаи: Иран има право на мирно користење на нуклеарнатра енергија

- Додека Исламска Република Иран е членка на Договорот за неширење на нуклеарно оружје, треба да може да ги остварува своите права. Правата на Иран како членка на овој Договор се сосема јасни, вклучително и правото на мирно користење на нуклеарната енергија, наведе Багаи.

Тој потенцира дека новиот закон на Иран, кој привремено ја суспендира соработката со Меѓународната агенција за атомска енергија (МААЕ), е обврзувачки за иранската Влада. Багаи ги отфрли барањата на МААЕ за пристап до нуклеарните постројки на Иран.

- Како може да се очекува од нас да ја гарантираме безбедноста на инспекторите на МААЕ во услови кога мирните ирански нуклеарни објекти беа нападнати само пред пет или шест дена?, посочи Багаи.

Министерството за надворешни работи на Иран претходно соопшти дека Техеран инсистира да му биде дозволено да збогатува ураниум за мирни цели.

  • Израел на 13 јуни го нападна Иран, а како причина ги наведе иранската нуклеарна програма и сомневањата дека Техеран се обидува да се стекне со нуклеарна бомба. Иран ги негира израелските наводи и одговори со ракетни и беспилотни летала напади врз Израел. Прекин на огнот беше постигнат по 12-дневната војна, во која интервенираа и САД и нападнаа три ирански нуклеарни постројки.
Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Албин Курти е гаѓан со јајца во косовското собрание (ВИДЕО)

Претседателот на движењето Самоопределување и вршител на должноста премиер, Албин Курти, беше гаѓан со јајца за време на денешното продолжение на прекинатата конститутивна седница на собранието на Косово. 

Албин Курти е гаѓан со јајца во косовското собрание (ВИДЕО)

Кога Курти повторно побара дополнително време за консултации, пратеничката на Алијансата Тиме Кадријај го гаѓаше со јајца.

Ова доведе до прекин на седницата и влегување на телохранителите на Курти во салата.

Претседателот Авни Дехари најави дека пратениците ќе бидат информирани подоцна кога ќе продолжи седницата.

Тагови: Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се судрија товарен и патнички воз во Хрватска машиновозач е тешко повреден (ВИДЕО)

Се судрија патнички и товарен воз во близина на Крижевци, Хрватска.

Се судрија товарен и патнички воз во Хрватска машиновозач е тешко повреден (ВИДЕО)

Во несреќата има неколку повредени, а машиновозачот на патничкиот воз е тешко повреден.

Судирот се случил во 10:05 часот наутро меѓу товарен воз на ХЖ Карго и патнички воз на на Хрватски железници помеѓу станиците Свети Иван Жабно – Градец во близина на Крижевци.

Полицијата и брзата помош се на местото на настанот, а според неофицијални информации на хрватските медиуми, товарниот воз поминал на црвено светло.

Тагови: воз Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Зеленски во прва посета на Белград, Киев повторно мета на руски ракетен напад

Зеленски, кој вчера пристигна во Белград, со највисоки државни почести беше пречекан од српскиот претседател Вучиќ.

Зеленски во прва посета на Белград, Киев повторно мета на руски ракетен напад

По официјалната церемонија стартуваше разговорот меѓу Вучиќ и Зеленски, соопшти службата за соработка со медиумите на претседателот на Србија.

Посетата на Зеленски на Белград, која е прва откако тој е на чело на Украина, и разговорите со српскиот претседател се во фокусот на јавноста поради блиските релации на Србија со Русија – владата предводена од СНС на Александар Вучиќ не се приклучи кон санкциите кои ЕУ и ги наметна на Москва по стартот на инвазијата врз Украина.

Додека Зеленски е во Србија, утрово Киев повторно беше мета на жесток ракетен напад во кој загинале најмалку тројца луѓе загинаа, вклучувајќи дете. Властите кажаа дека се запалени станбени згради, автомобили и гаражи, а точниот број жртви се утврдува.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер