Живот

Баба од пеколот: Се сомничи дека за една година си ги убила двете внучиња, имале 7 и 16 месеци

Баба од Флорида е обвинета за убиство од небрежност при смртта на нејзината 7-месечна внука во вжештена кола, помалку од една година откако нејзиниот друг внук се удавил во езерце додека таа дремела.

Трејси Никс (65) на 1 ноември ја чувала својата седуммесечна внука Уриел Шок, кога бебето било пронајдено мртво на задното седиште од нејзиниот автомобил, пишува New York Post.

Лексусот од 2019 година бил паркиран со сите прозорци спуштени пред домот на Никс во малиот град Ваучулу, каде што температурите се искачија до 30-тите на тој есенски ден. Во куќата, Никс, поранешна директорка на училиште, разговарала со своето куче и вежбала клавир.

Кога подоцна ја испрашувала полицијата, бабата рекла дека едноставно заборавила на својата внука откако се вратила дома од ручек со пријателките. Дури кога пристигнало едно од нејзините други внуци, вели таа, ѝ паднало на памет дека бебето Уриел цело попладне било во теренецот. Сопругот на бабата, свештеникот Неј Никс, го пронашол бебето кое не реагирало на задното седиште и се обидел да го оживее, но веќе било доцна.

Девојчето починало 11 месеци откако нејзиниот 16-месечен брат Езра се удавил во езерце додека го чувала истата баба. Тоа се случило три дена пред Божиќ 2021 година, а Никс наводно дремела на каучот. Кога се разбудила и не можела да го најде своето мало внуче, го повикала сопругот за помош.

Езра подоцна бил откриен како безживотно лежи во езерото пред куќата на неговата баба. Откако добила повик од нејзиниот син, мајката на децата, Каила Никс, истрчала до домот на нејзината мајка и доживеала сообраќајна несреќа додека била бремена со Уриел во шестиот месец.

„Ми се исклучија сите воздушни перничиња, не се сеќавам како излегов, но излегов и почнав да трчам кон куќата на моите родители без чевли . Тоа беше мојот очајнички обид да стигнам до мојот син“, рекла Каила.

Каила и нејзиниот партнер Дру Шок велат дека по смртта на нивниот син со давење, тие воопшто не ѝ верувале на Трејси и дека никогаш нема да го пуштат нивното најстаро дете, на возраст од 4, да оди во нејзината куќа. „Бевме анксиозни, но јас ја сакав мајка ми и ја сакав на некој начин во мојот живот, па во тој момент помислив дека можам да ѝ дадам втора шанса“, рече Каила Никс.

Каила Никс изјавила дека на 22 ноември ја оставила својата ќерка на мајка ѝ затоа што ги познавала и им верувала на луѓето со кои одела на ручек. За неколку часа, офицер од канцеларијата на шерифот на округот Харди се појавил во нејзината куќа и ѝ рекол дека и нејзиното друго дете е мртво.

Адвокатот на Трејси Никс, Вилијам Флечер, ја опиша смртта на Уриел во врелиот автомобил како очигледна несреќа и додаде дека бабата била целосно уништена од смртта на нејзините двајва внуци. 65-годишната баба сега може да се соочи со затворска казна од 12 до 30 години доколку биде прогласена за виновна за тешко убиство од небрежност.

„Ако сакам да бидам објективна, таа треба да оди во затвор“, рече Каила Никс. „Како нејзина ќерка ме убива да го кажам тоа. Како нивна мајка тоа го барам. Ќе се борам за нив“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска пливачка собори два светски рекорда во ист ден

Американската пливачка Кејт Даглас собори два светски рекорда во ист ден на Првенството во пливање „Пан Пацифик“ во Ирвин, Калифорнија.

Во финалето на трката на 50 метри слободен стил, Даглас дополнително го подобри рекордот што го постави само неколку часа претходно во квалификациите.

Во финалето, Даглас ја заврши трката за 23,19 секунди, надминувајќи го сопствениот резултат од 23,49 секунди од утринските квалификации за дури 30 стотинки.

Со тоа, таа повторно го презеде светскиот рекорд во оваа дисциплина од својата сонародничка Гречен Волш.

Волш претходниот светски рекорд од 23,55 секунди го постави на 28 јуни на митингот „Сет Коли Трофи“ во Рим, но Даглас двапати го собори светскиот рекорд во текот на истиот ден.

Американката претходно учествуваше во соборувањето на светскиот рекорд во штафетата 4x100 метри мешано на првата вечер од натпреварувањето, заедно со Гречен Волш, Ван Матијас и Вил Модглин. Даглас е освојувач на пет олимписки медали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Поплави во Шпанија, загинаа две жени, седум региони се под предупредување.

Две постари жени загинаа, а две бебиња се повредени во поплави и одрони предизвикани од обилни врнежи во рурална област во северозападна Шпанија.

Локалните власти ја потврдија информацијата.

Поради најавените невремиња и обилни врнежи, во недела е на сила жолто предупредување за временските услови во седум региони, пренесува Ројтерс.

Службите за итни интервенции во автономната заедница Кастиља и Леон соопштија дека загинатите жени имале приближно 60 и 80 години. Несреќата се случила доцна во саботата вечерта во селото Манзанедо де Валдуеза, недалеку од Понтеведра. Надлежните исто така објавија дека две доенчиња се здобиле со нагмечувања и им била укажана лекарска помош.

⚠️⛈️ Al menos dos muertos, varios heridos y desaparecidos por una riada en Manzanedo de Valdueza, Comarca del #ElBierzo ( #León), debido a las fuertes #tormentas. #FMA @eldiarioes pic.twitter.com/HVUdkSNlwo
— InfoMeteoTuit (@InfoMeteoTuit) August 15, 2026

Шпанската агенција за цивилна заштита издаде предупредувања за невреме и обилни врнежи од дожд за недела, кои опфаќаат седум региони во централните и северните делови на земјата.

Овие поплави доаѓаат по повеќенеделен период на рекордно високи температури, за време на кој земјата беше погодена и од серија големи шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Подигнати авиони на НАТО – добиена дозвола за напад

Романското Министерство за одбрана денеска соопшти дека рано утринава во неделата, авион на НАТО соборил беспилотно летало што нелегално навлегло во романскиот воздушен простор.

Беспилотното летало било уништено од пилотите на авионите Ф-18 на шпанското воено воздухопловство, распоредени во Романија, пренесува порталот Digi24.ro.

„Во текот на ноќта меѓу 15 и 16 август, во 4:44 часот наутро, системите за надзор на воздушниот простор на романското Министерство за одбрана регистрираа навлегување на воздушна цел во националниот воздушен простор од правец на Република Молдавија, на околу 24 километри северно од Галац“, се наведува во соопштението на романското Министерство за одбрана.

Авион Ф-18 на шпанското воено воздухопловство, кој извршуваше борбена задача во рамките на мисијата за воздушно патролирање од воздухопловната база „Михаил Когалничану“, успешно го собори дронот, а како можна локација за падот на неговите остатоци е идентификувана ненаселена област меѓу местата Балени и Кудалби, во округот Галац. Според соопштението, воздушната тревога за округот Галац заврши во 5:20 часот наутро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.