Живот

Баба од Англија се забавува со две децении помлад келнер од Гамбија: Не ја интересираат врсниците

Зина од Британија има четири деца, 65 години и нималку убав прекар – „секс туристка“, затоа што за време на одмор во Гамбија се заљубила во келнер 21 година помлад од неа.

Нeјзиното семејство не ја одобрува оваа врска и е загрижено за неа, но Зина, која е и баба, едноставно „не ги сака мажите на своја возраст“.

„Добар е, висок и згоден... Излеговме неколку пати и брзо сфатив дека тоа може да биде вистинската љубов“, откри Зина како почнала оваа необична љубовна приказна. Таа отишла на одмор во Гамбија, држава во Западна Африка, каде што во ресортот се запознала со Ебри Ма, келнер 21 година помлад од неа.

На првиот состанок тој допол со букет прекрасни цвеќиња и со тој гест ја освоил Зина. Тоа беше пред две години. За својата љубов Зина раскажува во серијалот „90 Day Fiance UK“, а неодамна беше емитувана четвртата епизода.

Разликата во години е идеална, вели Зина, бидејќи не ја привлекуваат нејзините врсници. „Не ме привлекуваат мажите во шеесеттите. Тие се ќелави и имаат големи стомаци. Тие се како кисела салата од зелка. Не ми се допаѓаат ниту младите, најмногу сакам нешто помеѓу“, искрена е таа.

Зина имала три долги врски и четири деца, како и внучиња. Но, како што велат, никогаш не е доцна за страствена љубов. Таа е среќна што конечно нашла некого, иако нејзиното семејство се сомнева во добрите намери на Ебри Ма. Сомневањата се зголемија откако откриле дека тој има профил на Фејсбук, а тој ја уверувал дека не го интересираат социјалните мрежи.

Иако таа живее во Англија, а тој во Африка, Зина постојано го дарува својот млад партнер: му купила ајфон, душек, редовно му праќа пари за родендени, празници и помош за семејството. Дала и 3.000 фунти за да започне нов бизнис и да стане таксист.

„Луѓето ми велат дека сум секс туристка, ‘виза вагина’ и слично. Не сум. Ако сакав само секс, можев тоа да го направам и во Англија. Јас сум великодушна личност и ако сметам дека на некој му требаат пари, со радост ќе помогнам“, вели таа.

Сепак, нејзината мајка, која има 95 години, не гледа ништо добро во оваа врска, а нејзината внука Тили верува дека бајковитата романса можеби е премногу добра за да биде вистинита. „Можеби има уште четири жени од страна што му пратиле пари“, велат тие. Ќерката на Зина, Зои, исто така смета дека таа не размислува правилно, но се надева дека ќе се освести на време и ќе сфати дека сите се во право.

Ебри Ма, кој исто така е дел од емисијата, изјави дека „навистина сака да дојде во Англија“, затоа што работниците во неговата земја се слабо платени. Зина ми помага и е многу љубезна кон моето семејство, вели тој. Но, не бил целосно искрен со неа. Ја уверувал дека нема социјални мрежи, но Тили малку пребарувала по интернет и открила дека Гамбијецот лажел. Зина беше шокирана и лута кога дозна за профилот.

Но тоа не е се. На листата на негови пријатели имало многу разголени жени, а во податоците за емотивен статус стоело дека Ебри Ма е слободен. „Ми беше гадно, навистина ме лажеше“, рече Зина, која откри што се случило кога по осум месеци повторно отишла кај него во Гамбија.

Ме дочека на аеродромот. Заминале во хотел што не ја импресионирал, но таа го прифатила тоа. Ја поминале ноќта заедно, а наутро таа се обидела да добие одговори на прашања што долго ја мачеле, особено за профилот на социјалните мрежи. Тој ѝ рекол дека тоа била само шега и дека го користел само еден месец.

„Зошто не го прифати моето барање за пријателство? Навистина не мислам дека е тоа смешно. Нема да губам време доаѓајќи тука и нема да ти купувам работи, додека ти всушност се играш со мене. Јас ја сфаќам нашата врска сериозно“, рекла таа.

Расправијата се зајакна, а гледачите наскоро ќе имаат можност да видат како приказната продолжува.

Ебри Ма, кој е муслиман, често ѝ зборува на Зина како треба да се однесува, што ја нервира: „Не носи ова, не пиј тоа, особено алкохол...“. На тие забелешки таа сериозно му замерува.

Додека беа разделени, тој градел куќа, но Зина не беше задоволна кога го видела текот на работите. „Нема покрив“, забележала таа, а Ебри Ма ѝ рекол дека финансиските проблеми се главната пречка. Ќе видиме дали ќе продолжи да му помага.

(Блиц Жена)

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.