Здравје

Азија зафатена од нов бран на Ковид-19

Нов бран на зараза со коронавирусот забрзано се шири низ Азија, а населението од Нов Зеланд до Јапонија е предупредено да презема мерки на претпазливост за да се спечи избувнување жаришта и преопретереност на здравствените системи.

Повторниот раст заразени, претежно со Омикрон варијантата БА.4/5, претставува дополнителен предизвик за властите што се борат за надминување на последиците од претходните бранови на заразата, обидувајќи се да спречат продолжување на актуелните или повторно воведување на непопуларните рестриктивни мерки.

Владата на Нов Зеланд денеска најави дистрибуција на бесплатни маски и брзи антигенски тестови, во услови кога се прават напори за ублажување на притисоците врз националниот здравствен систем што се уште се справува до прилив новозаразени од Ковид-19 и сезонскиот грип за време на зимата на јужната хемисфера.

Во Нов Зеланд со популација од 5,1 милион жители има речиси 69 илјади заразени, од кои 765 се во болниците, што резултира со долготрајно чекање, па и откажување оперативни зафати.

Во Јапонија новите случаи на коронавирусот достигнаа ниво невидено оваа година. Владата ги повика граѓаните особено да внимаваат воочи престојниот продлжен викенд и школскиот распуст.

Јапонските власти соопштуваат за речиси 95 илјади случаи, а бројот новозаразени порасна за 2,14 отсто споредбено со изминатата седмица.

„Бројот нови случаи се зголемува во секоја перфектура во Јапонија и се чини дека брзо расте“, ијзави министерот за здравство Шигејуки Гото пред почетокот на состанокот на Одборот за борба против коронавирусот.

Токио степеност на подготвеност го подигна на највисоко ниво.

„Утре ќе одржиме состанок на работната група за да решиме за мерките што ќе ги преземеме ова лето, имајќи ги предвид националниот тренд и мислењето на експертите“, рече гувернерот на Токио, Јурико Коике.

Како и Нов Зеланд, и Јужна Кореја добиваше пофалби за начинот на кој одговори на почетокот на пандемијата, но до вчера бројот заразени се зголеми трипати споредбено со минатата седмица, на повеќе од 39 илјади.

Официјалните претставници на властите и експертите проценуваат дневниот број инфекции во Јужна Кореја да достигне 200 илјади околу средината на август до крајот на септември, со мерки за проширување на опфатот население со бустер-вакцините, но без планови за дополнителни ограничувања.

Австралија предупреди дека би можела да биде погодена од најлошиот бран на Ковид-19 во следните неколку недели. Властите во Канбера стравуваат од „милиони” нови инфекции, но ги отфрлија сите строги ограничувања за да се спречи ширењето.

„Отидовме подалеку од тоа… Не сме во време на заклучувања и такви работи“, изјави денеска федералниот министер за здравство Марк Батлер, но сепак ги повика Австралијците да размислат повторно да работат од дома.

Бројот заразени што побарале преглед во австгралиските здравствени установи се приближува до нивоата регистрирани при последното поголемо избувнување на омикрон-варијантата на почекот на годинава, а здравствениот систем исто така е под притисок на зголемениот број инфицирани како од Ковид-19 така и од сезонскиот грип.

Континентална Кина овој месец пријавува просечно повеќе од 300 локално пренесени инфекции со Ковид-19 дневно. Благодарение на строгата политика на Пекинг за „нулта ковид“ државата успева да ја ограничи заразата во локални кластери и спречува преоптеретеност на болниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Етна повторно прави „хаос“ на Сицилија

Вулканот Етна повторно е активен, а испуштањето вулканска пепел веќе почна да го попречува воздушниот сообраќај на Сицилија.

Облакот од вулканска пепел достигна висина од околу четири километри и се движи кон југ, во правец на Катанија и нејзиниот аеродром „Фонтанароса“, пишува „Ла Сицилија“.

Поради опасноста за воздушниот сообраќај, летовите кон и од аеродромот во Катанија се суспендирани .

Компанијата SAC, која управува со аеродромите во Катанија и Комизо, соопшти дека поради испуштањето пепел од Етна и правецот на ветровите на поголеми височини, продолжено е затворањето на воздушниот простор што ги опфаќа секторите C1 и B3.

Ve #etna tekrar faaliyette! Libya açıklarındaki doğacak siklonun yoğun bulut baskısı yanardağı harekete geçirdi. Basitçe: tonlarca bulutun levhaya yaptığı baskı magmayı sıkıştırarak ilk M4.8 #deprem tetikledi. Sonra Etna'nın lav seviyesini yükseltti. https://t.co/Bc8MkMxJtW
— Mustafa Kılıç (@Mkilic76) September 15, 2026

Станува збор за делови од воздушниот простор каде што вулканската пепел би можела да претставува опасност за воздухопловите. Податоците за движењето на облакот се засноваат на пресметки на Националниот институт за геофизика и вулканологија (INGV) и се објавуваат преку билтените VONA, односно известувањата од вулканолошката опсерваторија наменети за авијацијата.

Тагови: Етна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Работна посета на заменик-министерот Ристески на Република Словенија - фокус на трудот и трудовата мобилност

Делегација предводена од заменик-министерот за економија и труд, Марјан Ристески е во неколкудневна работна посета на Словенија.

Во рамки на посетата, заедно со претставници од повеќе институции ќе се реализираат работни средби со високи претставници од релевантните институции во Република Словенија во однос на законската рамка, институционалните практики и примената на правото на Европската Унија во областа на трудот, миграцијата и трудовата мобилност.

Во рамки на престојот ќе бидат посетени и реализирани средби со високи претставници на Министерството за економија, труд и спорт, Агенцијата за вработување на Словенија, Министерството за внатрешни и јавни работи, како и Канцеларијата за поддршка и интеграција на мигранти, каде ќе се презентираат искуствата на Република Словенија во примената на релевантното законодавство на Европската Унија и практичното спроведување на политиките во оваа област.

Целта на студиската посета е размена на искуства кои ќе дадат придонес во унапредувањето на политиките и институционалната рамка во областа на трудот и трудовата мобилност, во согласност со европските стандарди.

Студиската посета е организирана од страна на Меѓународната организација за миграции (ИОМ), во рамки на проектите „Искористување на потенцијалот на дијаспората за напредување во пристапувањето кон Европската Унија и мобилноста на работната сила во Западен Балкан“ и „Регионалната програма за управување со миграцијата (RMGP) – фокус на Западен Балкан и Република Турција“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамија Мицкоски останува посветен на провизиите од дата-центрите

Арамија Мицкоски останува посветен на провизиите од дата-центрите -на сметка на народната струја, народната вода и сметките на граѓаните.

Шефот на ВМРО-ОКГ повторно рече дека процесот со дата центри е „неповратен“. Кај него е неповратно затоа што веќе ја договорил својата провизија.

Се крие само она што мора да го скрие: кој инвестира, која струја ќе ја јаде, која вода ќе ја пие, каде оди загреаната вода и која провизија седнува за договорот.

СДСМ веќе го праша. Компанија тврди дека има обезбедено 100 мегавати струја и директен пристап до Вардар. Тврди дека Владата дала зелено светло.

А Владата зборува за роботи и Азија, како да сме на саем, не во држава каде што ЕСМ тоне, струјата се увезува скапо, а граѓаните со недели чекаат извештај за тоа што пијат.

Прашањата остануваат.

Кој е инвеститорот?

Која струја ќе ја троши центарот - домашна или увозна, која на крај влегува во сметката на граѓаните?

Која вода ќе ја цица - од Вардар или Лепенец кои веќе се трујат, Треска каде умира риба, или од чешмата во Гостивар?

Каде оди загреаната вода? Во река. Во истата река од која потоа пак се пие, а рибата умира.

Еден голем дата-центар троши струја колку цел град.

Во Ирска центрите веќе јадат над 20 проценти од националната електрична енергија - повеќе од сите градски домаќинства заедно.

Затоа Даблин со години држеше кочница на нови приклучоци.

Амстердам забрани нови центри најмалку до 2030.

Сингапур стави мораториум, па пушти само под најстроги услови.

Њујорк замрзна големи објекти над 50 мегавати.

Град во Калифорнија ги забрани на референдум.

Малезија ги запре системите што се ладат со вода до 2027, заради суша.

Во Чиле проект падна затоа што ќе ги цедеше водоносните слоеви.

Не затоа што светот е против технологија. Затоа што држава што нема струја и вода за своите луѓе не смее прво да ги раздаде на сервери.

Има и бучава. Има агрегати и ладење деноноќно. Има соседство што се празни. Македонија веќе се празни.

Младите си одат поради плата, воздух, вода и иднина. Да им додадеш уште еден индустриски шум и уште една дупка во мрежата не е развој. Тоа е забрзување на иселувањето.

СДСМ не е против дигитализација. Ова не е дигитализација. Ова е хардвер за туѓа дигитализација.

СДСМ е против кражба облечена во сервер. Нема датум. Нема име на инвеститор. Нема јавен договор за мегавати и литри.

Нема проект. Има провизија што бара покритие.

Додека Мицкоски зборува за иднина, граѓаните гледаат сметка која тие ја плаќаат. Затоа што струјата ќе ја платат тие. Без вода ќе останат тие. Бучавата ќе ја слушаат тие. А провизијата ќе ја земе бандата.

Кој крие инвеститор, крие цена. Кој крие цена, ја знае однапред. А ја плаќате вие.

Скопје, 15.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.