Азербејџанскиот претседател Алиев го обвини Иран за напад со беспилотни летала, армијата е во состојба на готовност - Канал 5

Свет

Азербејџанскиот претседател Алиев го обвини Иран за напад со беспилотни летала, армијата е во состојба на готовност

Азербејџанскиот претседател Илхам Алиев денеска го обвини Иран за напад со беспилотни летала на територијата на Нахчиван, автономна република во состав на Азербејџан.

Азербејџанскиот претседател Алиев го обвини Иран за напад со беспилотни летала, армијата е во состојба на готовност

Азербејџанскиот претседател Илхам Алиев денеска го обвини Иран за напад со беспилотни летала на територијата на Нахчиван, автономна република во состав на Азербејџан, и изјави дека азербејџанските вооружени сили се ставени во состојба на готовност по тој инцидент.

„Нашите вооружени сили добиле налог да подготват и спроведат соодветни мерки како одговор на агресијата на територијата на Азербејџан. Единиците на Министерството за одбрана, како и силите на Државната гранична служба на Азербејџан и другите специјални единици, се доведени во состојба на целосна борбена готовност за евентуална операција“, рече Алиев во своето обраќање на седницата на Советот за национална безбедност.

Според него, иранската страна повеќе пати била информирана, особено по конфликтите што се случија минатата година, дека територијата на Азербејџан нема да се користи за напад врз која било соседна земја.

„Нема да дозволиме тоа да се случи, како што никогаш порано не сме дозволиле. Азербејџан не учествуваше и нема да учествува во операции против Иран ниту тогаш ниту овој пат. Бидејќи тоа е нашата позиција. Немаме интерес да спроведуваме какви било операции против нашите соседни земји, ниту нашата политика ни дозволува да го сториме тоа“, рече Алиев и порача дека Азербејџан ќе го заштити својот територијален интегритет и безбедноста на своите граѓани.

Тој нагласи дека нема да го толерира неоснован „чин на терор и агресија“ извршен против Азербејџан и побара објаснување од иранските власти, извинување и кривично гонење на одговорните за нападот.

„Државата Азербејџан најостро го осудува овој терористички чин, а оние што го извршија мора веднаш да бидат повикани на одговорност. Иранските официјални претставници мора да дадат објаснување, мора да упатат извинување, а оние што го извршија овој терористички чин мора да бидат повикани на кривична одговорност“, рече Алиев.

Како што наведе, цели на иранскиот напад беа цивилни објекти, вклучувајќи го и меѓународниот аеродром Нахчиван, училиште и други објекти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР и ROADPOL со засилени контроли на патиштата - брзината одзема животи

Засилените сообраќајни контроли за почитување на ограничувањата на брзината продолжуваат и во текот на овој викенд, во рамки на координираната европска акција на Европската мрежа на сообраќајни полиции – ROADPOL.

МВР и ROADPOL со засилени контроли на патиштата - брзината одзема животи

Во периодот од 03 до 09 август 2026 година, Секторот за сообраќајни работи при Министерството за внатрешни работи спроведува интензивни контроли насочени кон откривање и санкционирање на возачи кои управуваат моторни возила со брзина поголема од дозволената.

Прекумерната брзина не е само прекршок – таа е една од најчестите причини за тешки сообраќајни незгоди со трагични последици. Секое пречекорување на ограничувањето го зголемува ризикот од незгода и ја намалува можноста за навремена реакција.

Затоа апелираме до сите возачи да ја намалат брзината, да ја приспособат на условите на патот и да возат одговорно. Почитувањето на ограничувањата значи поголема безбедност за вас, за вашето семејство и за секој друг учесник во сообраќајот.

Нашата цел е една – секој човек безбедно да стигне до својата дестинација.

Намали брзина. Спаси живот.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС потврди дека Филипче испратил осудени насилници

Прво им благодариме на колегите од СДС што ја потврдија веродостојноста на документите кои ги изнесовме, а потврдуваат дека Венко Филипче пратил осудени насилници да предизвикаат инцидент.

ВМРО-ДПМНЕ: СДС потврди дека Филипче испратил осудени насилници

Во однос на документите, ја погрешија адресата. Тие до ВМРО-ДПМНЕ не се доставени од МВР туку од чесни структури на СДС кои и самите сакаат да се спротистават на талогот криминалци и трговци на дрога во СДС кои ја имаат киднапирано оваа партија.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивна активност на МВР и РСБСП: Апел до возачите да возат одморени

Активноста беше насочена кон подигнување на сообраќајната култура и безбедноста на патиштата.

Превентивна активност на МВР и РСБСП: Апел до возачите да возат одморени

Вчера (07.08.2026) во рамки на летната кампања „Безбедно лето 2026 – Вози одморен“, на автопатот А1, на наплатната станица Романовце, во периодот од 17:00 до 18:00 часот, Мобилната единица за безбедност на сообраќајот на патиштата при Секторот за сообраќајни работи, во соработка со Републичкиот совет за безбедност на сообраќајот на патиштата (РСБСП), спроведе превентивно-едукативна активност наменета за возачите.

Активноста беше насочена кон подигнување на сообраќајната култура и безбедноста на патиштата, со посебен акцент на ризиците од управување со возило во состојба на замор, особено во услови на високи температури и зголемена фреквенција на сообраќај во летниот период.

На возачите им беа поделени едукативни флаери, а преку непосредна комуникација им беше укажано да не управуваат возило доколку се чувствуваат заморни, да прават почести паузи при подолги патувања и да внесуваат доволно течности, особено вода, за време на патувањето.

Министерството за внатрешни работи и РСБСП и понатаму ќе продолжат со превентивни активности насочени кон заштита на сите учесници во сообраќајот.

Сообраќајната безбедност зависи од секој од нас – секој живот е важен.

Тагови: РСБСП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер