Автобус излета од пат во Хрватска, најмалку 12 загинати и десетици повредени - Канал 5

Балкан

Автобус излета од пат во Хрватска, најмалку 12 загинати и десетици повредени

Дванаесет полски државјани загинаа во автобуска несреќа кога автобус излета од автопат во северна Хрватска, на 60-тина километри од Загреб. 

Автобус излета од пат во Хрватска, најмалку 12 загинати и десетици повредени

Автобусот излетал и паднал во канал надвор од автопатот, потврди хрватската полиција, а причината за несреќата ќе се утврдува по увидот.

-На автопатот А4 во насока кон Загреб дојде до тешка сообраќајна несреќа при што излета автобус во близина на местото Јарек. За сега повеќе лица се смртно настрадани а повеќе десетици лица се повредени. Увидот е во тек и после увидот ќе ја утврдиме точната причина за сообраќајната несреќа. – Полиција.

Потпретседателот на Владата и министер за внатрешни работи на Хрватска, Давор Божиновиќ, на прес-конференција соопшти дека информацијата за несреќата пристигнала од полска државјанка која била во автобусот, по што биле ангажирани сите надлежни служби кои, според него, реагирале навремено. Во автобусот, според првичните информации се превезувале 43 патници, но се уште се чека целосната листа на патници.

-Информацијата ја добивме од државјанка на Полска која била во автобусот и она што можам да кажам е дека во истиот момент излегоа сите служби на терен. Во овој момент знаеме дека автобусот е регистриран во местото Гродзиск Мазобјецки, тоа е во близина на Варшава. Според некои информации се работи за група која планирала да замине на аџилак во Меѓугорје, изјави – Давор Божиновиќ – Министер за внатрешни работи на Хрватска.

Триесетина лица се згрижени во болница и голем дел од нив се со тешки трауми. Осумнаесет од нив се во тешка состојба, изјави Маја Грба Бујевиќ, шефица на хрватската служба за итни случаи. Повредените патници се згрижени во болниците во Вараждин, Загреб и Чаковец.

-Ние добивме дојава во 05.35 часот. Првиот тим пристигна на самото место во 05.48 часот и ја прогласивме акцијата за завршена во 07.55 часот. Во текот на тоа кратко време 18 лица пациенти кои беа изразито тешко повредени се пренесени во загребската болница. Можеме да потврдиме дека 11 лица се загинати на лице место е едно лице почина откако било пренесено во болница.изјави – Маја Грбе Бујевиќ – Хрватски завод за Итна помош.

Дел од повредените се пренесени клиничкиот болнички центар во Загреб од каде велат дека се во тешка но засега стабилна состојба.

-Шестмина тешко повредени се донесени на КБЦ Загреб. Едно лице беше донесено во животозагрозувачка состојба и негова реанимација се правеше за време на транспортот и кога беше донесен овде, но за жал тоа лице почина. Сите останати се тешко повредени,изјави – Анко Антабак – КБЦ Загреб.

Повеќе за причините за несреќата ќе се знае по истрагата која е во тек, иако во дел од хрватските медиуми е објавено оти има сомнежи дека возачот заспал зад воланот.

-Би сакала да им се заблагодарам на сите служби на брзата и ефикасна акција и за поддршката на полските граѓани. Тоа е ситуација кога луѓето се покажуваат како луѓе,изјави – Дамара Луковиќ – Конзул на Р. Полска во Хрватска.

Полскиот премиер Матеуш Моравјецки на Твитер напиша дека разговарал со хрватскиот премиер Андреј Пленковиќ од каде му било порачано дека имаат целосна поддршка од хрватските медицински служби. Моравјецки, исто така, рече дека станува збор за аџии кои биле на пат за Меѓугорје во Босна и Херцеговина.

„Сакам да изразам најдлабоко сочувство до семејствата на жртвите“, напиша полскиот премиер.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мафијата криела над 3 милиони евра во ѕидови и под на стан кај Неапол- уапсени се 34 лица (ВИДЕО)

Италијанската полиција пронајде 3,2 милиони евра во кеш скриени во ѕидовите, подовите и мебелот на стан во близина на Неапол. 

Мафијата криела над 3 милиони евра во ѕидови и под на стан кај Неапол- уапсени се 34 лица (ВИДЕО)

34 лица се уапсени во голема операција против мафијата, објави Ил Матино. Парите беа откриени во населбата Каивано, а стануваше збор главно за банкноти од 50 евра.

Тие беа завиткани во целофан и наредени под подни и ѕидни плочки и во фиоки од плакарот. Полициските службеници ги извадија сноповите пари во пластични кофи и ги префрлија во оклопно возило. За време на претресот, беа пронајдени и 11 луксузни часовници „Ролекс“, оружје и опрема за кои полицијата вели дека се користеле за продажба на дрога.

Акцијата следеше по повеќемесечна истрага предводена од обвинителот за борба против мафијата во Неапол, Никола Гратери. Меѓу другото, истражителите ги прислушкуваа мобилните телефони на затворените членови на криминални групи. Гратери рече дека нивните мобилни телефони биле внесени во затворот од членови на семејството.

Кланот е толку силен во градот што владата е ставена под судска администрација.

„Само во еден дом, запленивме 3,2 милиони евра во готово, како и вредни часовници“, рече Гратери. Полицијата, исто така, добила информации за скриените пари и криминалната група од информатори кои дале изјави во замена за заштита.

Полицијата вели дека уапсените се поврзани со кланот Анџелино. Со текот на времето, овој клан го зајакнал своето влијание во Каиван толку многу што локалната самоуправа била ставена под судска администрација минатата година. Истрагата, исто така, го открила наводниот начин на организирање на криминални активности.

Обвинителот Гратери го опишал нивниот модел на работа како „претприемачки“, каде што луѓето работеле во смени и организирале трговија со дрога и изнуда. Против 34 уапсени лица се покренати сомневања за приклучување кон мафијашка организација, трговија со дрога, изнуда и поседување дрога за продажба.

Акцијата предизвика политички реакции

Пронајдените пари ќе бидат уплатени во Италијанскиот фонд за правда, кој финансира помош на жртвите на организиран криминал. Акцијата, исто така, предизвика политички реакции. Опозицијата го искористи случајот за да ја критикува владината програма „Каивано“, која беше започната во 2023 година за реновирање на запоставени области и борба против криминалот. Обвинителот Гратери, исто така, се осврна на проблемот со финансирањето на полициското прислушување. Тој иронично рече дека запленетите 3,2 милиони евра би можеле да ги покријат трошоците за прислушување во Неапол во текот на цела година.

Тагови: мафија Неапол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дали Британија се враќа во Европската Унија?!

Британскиот премиер Енди Барнам денеска изјави дека негов моментален приоритет е „обнова на мостови со европските сојузници“, но дека не ја исклучува можноста Обединетото Кралство (Велика Британија) повторно да се приклучи на Европската Унија .

Дали Британија се враќа во Европската Унија?!

Барнам, кој ќе го одржи својот прв состанок со претседателката на Европската комисија, Урсула фон дер Лајен, во вторник не ја исклучи можноста за вклучување на пресврт во Брегзит во следниот манифест на Лабуристите, објави Гардијан.

Тој рече дека земјата прво треба да се фокусира на обезбедување поблиски трговски врски со ЕУ.

„Она што треба да го направиме сега е да преминеме на следното ниво во однос на постигнување практичен договор што дополнително ќе ја поттикне британската економија и тие прашања се од суштинско значење“, рече Барнам.

Граѓаните на Велика Британија гласаа на референдум во 2016 година за напуштање на ЕУ, а во 2020 година земјата официјално ја напушти унијата.

Тагови: Британија Европската Унија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Њујорк се сретна со словенечкиот премиер Јанша: Македонија нема да стои во место додека го чекори европскиот пат

Во Њујорк остварив средба со претседателот на Владата на Република Словенија, Јанез Јанша.

Мицкоски во Њујорк се сретна со словенечкиот премиер Јанша: Македонија нема да стои во место додека го чекори европскиот пат

Разговаравме за европската перспектива на Македонија, за продлабочување на политичката и економската соработка меѓу нашите две држави, како и за актуелните геополитички и безбедносни предизвици во Европа и регионот.

Македонија останува цврсто посветена на европската иднина и на реформите кои носат подобар живот за граѓаните. Нашиот став е јасен – европската интеграција мора да се темели на заслуги, исполнети критериуми и реални резултати, а не на нови билатерални условувања кои немаат суштинска врска со европските вредности.

Не бараме привилегии и не бараме пократок пат. Бараме фер и предвидлив процес во кој постигнатото ќе се вреднува, а Македонија ќе биде почитувана како држава и партнер.

Словенија е наш долгогодишен пријател и важен партнер во Европската Унија и НАТО. Заеднички интерес е ова пријателство да го преточиме во уште посилна економска соработка, повеќе инвестиции и конкретни проекти кои ќе создаваат нови можности за граѓаните и стопанството.

Македонија нема да стои во место додека го чекори европскиот пат. Ќе продолжиме да ја развиваме економијата, да ги спроведуваме реформите, да ги зајакнуваме нашите меѓународни партнерства и достоинствено да ги браниме македонските национални интереси.

Градиме пријателства, создаваме можности и работиме Македонија да биде економски посилна и почитувана држава, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер