Австријка која го чувала синот (12) во бокс за кучиња се брани на суд: Сакав да ме слуша

Во тридневното судење, кое започна денеска во регионалниот суд во Кремс, Австрија, мајката која го малтретирала својот 12-годишен син се бранела велејќи дека само „сакала да го прави она што му кажала“.

Вознемирувачката содржина била прикажана како дел од доказите, а на неа е прикажано гладно, видно измачено и болно момче кое трпело насилство со месеци. Црвени рани, џумки на главата, рани на рацете, сето тоа е прикажано на судот во форма на фотографии и видеа, објави Билд.

„Тој само врескаше цело време, не слушаше“, рекла мајката, објаснувајќи зошто го врзала и му ја затворила устата со селотејп.

Таа му испратила фотографии и видеа на својата пријателка и додала дека го ставила во бокс за куче кога тој се заканил дека ќе скокне од прозорецот, а според извештаите, момчето веќе еднаш го направило тоа, во октомври 2022 година.

„Сакав да ме слуша, да го прави тоа што ќе му кажам.“

На суд, мајката и нејзината наводна пријателка, втора обвинета за злоставување на момчето, изгледале резервирано и срамежливо. Според австриските медиуми, нивната блискост изгледа многу чудно „како за врска“.

Според извештаите, мајката ретко го пуштала момчето да оди на училиште, а во повеќето случаи барала совет и дозвола од својата пријателка што да прави.

Кога судијата ја прашал дали го пуштала да оди на училиште, мајката се расплакала.

Следното прашање се однесувало на исхраната на момчето, бидејќи во периодот од пролетта 2022 до ноември 2022 година изгубило повеќе од 20 килограми или 30 отсто од својата телесна тежина. По оваа сцена и двете жени заплакале.

„Мислев дека ќе земе нешто на училиште“, му рекла мајката на судијата кога ја прашале што јадело момчето.

Таа на суд признала сѐ што му правела на момчето.

„Го полив со вода кога не сакаше да стане или кога беше болен. Беше влажен и го отворав прозорецот. Неколку пати на ден по час и половина. Температурите тогаш варираат помеѓу минус 3 и неколку степени“, рече 33. -годишната мајка на суд.

Да потсетиме, едно од најтешките злоставувања на деца во Австрија се случило кога, како што се наведува, мајка (32) и непозната 40-годишна жена со месеци малтретирале момче (12), го чувале во бокс за кучиња и го поливале со ладна вода.

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер