Австријците најдобри на „Четирите скокалници“, Аман со тежок пад - Канал 5

Скијање

Австријците најдобри на „Четирите скокалници“, Аман со тежок пад

Стефан Крафт од Австрија е победник на Новогодишната турнеја „Четири скокалници“ која вчеравечер заврши во Бишофсховен каде победи неговиот сонародник Михаел Хајбек за потполна радост на домашните навивачи.

Австријците најдобри на „Четирите скокалници“, Аман со тежок пад
Крафт на последната скокалница од турнејата беше трет, пласман доволен за вкупна победа, додека Хајбек ја забележа првата победа откако се натпреварува во светскиот куп.

Тој се искачи на највисокото место на подиумот со скокови од 137,5 и 136,5 метри или вкупно 288,4 бодови. Второпласиран во Бишофсховен беше Норијаки Касаи од Јапонија со 277,1 бод, Крафт освои 271,3 бода.

Натпреварот го одбележа и Швајцарецот Симон Аман кој имаше тежок пад во втората серија по што заврши во болница со повреди на главата и според последните информации се наоѓа во стабилна состојба.

Генерален пласман во Светскиот куп: Хајбек 689 бодови, Крафт 617, Петер Превц (Словенија) 584, Роман Куделка (Чешка) 576, Андрес Фанмел (Норвешка) 566, Аман 556,.../МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Силно невреме ја погоди Франција, загинаа две лица

Силно невреме што ја зафати Франција во текот на ноќта, по долгиот топлотен бран, однесе најмалку два живота и остави 53.000 домаќинства без електрична енергија. 

Видео: Силно невреме ја погоди Франција, загинаа две лица

Француските медиуми и националниот оператор на електроенергетската мрежа објавија детали за последиците од невремето, пренесува Ројтерс.

Една од жртвите е жена која почина во четвртокот вечерта во селото Сен-Виктурниен, во централниот департман От-Вјен, откако врз неа паднало дрво. На истокот од земјата, во Доломје, во работилница уништена од пожар било пронајдено телото на еден маж. Агенцијата АФП објави дека пожарот бил предизвикан од удар на гром.

Операторот на електродистрибутивната мрежа „Енедис“ (Enedis) во петокот потврди дека вкупно 53.000 домаќинства останале без електрична енергија. Најмногу проблеми со снабдувањето биле забележани во регионите Оверњ-Рона-Алпи на југоисток и Нова Аквитанија на југозапад на Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден започна со изградба на препумпен уред за фекална канализација во н.м Кадино

Општина Илинден продолжува со инвестициите за развој на комуналната инфраструктура, во чии рамки се започнати активности за изградба на препумпен уред за фекална канализација во населеното место Кадино.

Општина Илинден започна со изградба на препумпен уред за фекална канализација во н.м Кадино

Станува збор за проект кој е дел од пошироката изградба на фекалната канализациона мрежа во н.м Кадино, при што препумпниот уред ќе биде поврзан со веќе реализираниот крак К4, долг околу 2.500 метри, на кој се изградени 50 шахти и со кој се овозможува приклучување на приближно 100 домаќинства.

Со овој препумпен уред ќе се опфати канализационата мрежа од улиците „1“, „2“ и „3“, при што отпадните води преку веќе поставениот потисен цевковод ќе се транспортираат до постојната пречистителна станица во н.м Кадино, каде ќе се врши нивен третман и прочистување.

Увид во тековните активности изврши градоначалникот на Општина Илинден, Александар Георгиевски, кој истакна дека вложувањата во канализационата инфраструктура имаат клучно значење за подобрување на квалитетот на живот на граѓаните, како и за зачувување на животната средина преку современо управување со отпадните води.

Општина Илинден и во наредниот период ќе продолжи со реализација на инфраструктурни проекти за изградба, реконструкција и проширување на канализационата мрежа во сите населени места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Савески: Ристовска ќе постапуваше по предметот „ТАЛИР 2“ доколку не поднесе оставка

Јавното обвинителство ќе донесе одлука дали ќе ја обжали ослободителната пресуда за екс премиерот Никола Груевски во предметот „Талир 2“ откако ќе ја добие и анализира писмено изработената пресуда и нејзиното образложение.

Савески: Ристовска ќе постапуваше по предметот „ТАЛИР 2“ доколку не поднесе оставка

Изјави денеска државниот јавен обвинител Ненад Савески, прашан дали обвинителството ќе поднесе жалба на судкската одлука.

Во однос на критиките на дел од партиите дека повлекувањето на овластувањата на обвинителката Ленче Ристоска влијаело врз исходот на предметот „талир 2“,савески оцени дека таквите тврдења не одговараат на фактите, а ристовска според него ќе постапувала по предметот доколку не поднесела оставка.

Тагови: Обвинителството

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер