Свет

Австрија во шок: Десетина тинејџери силувале 12- годишно девојче, меѓу нив има и од регионот

Десетина млади момчиња нападнале 12-годишно девојче на различни локации низ Виена, Австрија, а во еден инцидент, сексуалниот напад бил дури и снимен од младите мажи.

Главно обвинетиот млад човек е осуден за злосторството, но според австриските медиуми, пресудата предизвикала бес бидејќи била „премногу блага“.

Девојчето било нападнато повеќе пати меѓу февруари и јуни 2023 година на различни локации, а 17 лица – главно малолетни – се под истрага под сомнение дека сексуално ја нападнале жртвата.

Претходно овој месец, австриската полиција соопшти дека меѓу осомничените, главно малолетни, има момчиња од Австрија, Италија, Бугарија, Србија, Турција и Сирија.

Еден имал 19 години, 12 биле на возраст од 14 до 18 години, а двајца биле на возраст под 14 години. Но, 18-годишниот „дечко“ на младата девојка бил првиот кој е осуден за сексуален напад во инцидентот со групно силување.

По име Ваис С, авганистански државјанин, наводно знаел дека жртвата е малолетна и без оглед на тоа, имал секс со неа, по што таа останала бремена. Признал дека ја уценувал да го абортира детето, а ја уценувал со наводна видео снимка од сексуалниот чин. Шокантното откритие е снимено на каналот TikTok, а на телефонот на осомничениот е пронајдено и видеото. Во една објава на социјалните мрежи пишува: „Гангбангирала 15 момци, па објави видеа, хахаха видео“.

Вајс е осуден на само 15 месеци условно и 800 евра отштета, пренесува Метро.

Останатите млади мажи во случајот сè уште се под истрага откако девојчето и нејзината мајка го пријавиле случајот во октомври 2023 година. Друг осомничен, 16-годишен сириски државјанин, претходно се појавил на суд под обвинение дека ја силувал девојката, а потоа ја уценувал со видеата. Тој подоцна е ослободен од обвиненијата за силување, откако пред судот во Виена изјави дека „не сфатил дека има 12 години“, тврдејќи дека „изгледала постаро“.

Истрагата за тешкото искушение на девојчето е во тек, а настанот ја шокира Австрија.

Тагови: силување девојче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бен Афлек ги обожава сите свои поранешни партнерки, но не престанува да зборува за овие две

Мегапопуларниот актер Бен Афлек, иако официјално е разведен, сè уште го привлекува вниманието на јавноста поради своите поранешни партнерки и пријателскиот однос што го одржува со Џенифер Лопез и Џенифер Гарнер.

Афлек игра главна улога во филмот „Animals“, кој воедно и го режираше за „Нетфликс“, па деновиве е на голема промотивна турнеја. Во интервју за „Варајети“ (Variety), тој беше прашан што мисли за актерскиот талент на Џенифер Лопез.

Тој беше продуцент на нејзиниот филм од 2025 година, „Kiss of the Spider Woman“, за кој многумина сметаа дека таа заслужила номинација за „Оскар“.

Истото мислење преовладуваше и по нејзината улога во филмот „Hustlers“, пренесува „Hola“. Џенифер не доби номинација за ниту еден од тие филмови, а кога го прашаа зошто смета дека нејзиниот талент често се занемарува, Бен призна дека е „пристрасен“.

„Имам голема почит и ценење за она што таа го прави. Она што го имам забележано кога станува збор за наградите е дека комерцијалниот успех на некое остварување не секогаш се совпаѓа со мојот вкус“, рече тој.

Претходно во истото интервју, тој ја спомна не само Лопез, туку и својата прва поранешна сопруга, Џенифер Гарнер, па така нивните имиња ретко се спомнуваа заедно во истиот разговор.

Кога го прашаа за ѕвездите, нивната моќ за градење бренд, како и за секторот за содржини и рекламирање на неговата компанија „Artists Equity“, Бен ги пофали двете поранешни сопруги.

„Уметниците треба да заработуваат пари. Ова е особено очигледно во музичката индустрија. Од луѓето се очекува, било премолчено или сосема отворено, да заработуваат пари и на други начини“, рече актерот.

„Денес имате и свој идентитет на социјалните мрежи. Работите на негово градење. Гледав како Џенифер Лопез и Џенифер Гарнер брилијантно го развиваат своето присуство во тие простори и создаваат вредност“, рече тој и призна дека не верувал оти и самиот некогаш би можел да го направи истото.

Тагови: Бен Афлек Џенифер Гарнер Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.