Николоски во своето обраќање се осврна на Договорот со Обединетото Кралство, и посочи дека ова е нешто што прво, ќе ја трансформира Македонија, а второ Македонија со овој договор се позиционира рамо до рамо со, како што рече тој, втората светска сила во моментов. Николоски стави акцент и на економскиот аспект и бенефитите за Македонија и за граѓаните.

,,Прво е лична мотивација. Јас кога се нафатив минатата година на овој предизвик бев силно мотивиран да направиме работи кои што ќе останат позади нас, но и работи кои што ќе останат за генерациите коишто ќе не паметат и коишто ќе не споделуваат што се она се правело“, рече Николоски.

Според Николоски, Македонија мора да направи голем чекор напред со цел да биде рамо до рамо со најразвиените држави во Европа.

„Ние мора да направиме гигантски чекор напред ако сакаме Македонија да ја однесеме рамо до рамо со најразвиените европски држави и имаме уникатна можност да го направиме тоа затоа што сме мала држава, но во исто време имаме вреден народ, чесен народ и со добра организација се постигнуваат овие резултати“, рече Николоски и додаде: ,,Од една страна мора да сте многу подготвен за да станете рамо до рамо со најразвиената држава во Европа и втората светска сила во моментов“.

Николоски истакна дека Македонија е првата држава во Европа која има потпишано ваков договор, и реферираше на Договорот со Обединетото Кралство, а додаде и дека министерот за надворешни работи денес веќе го надгради тој договор.

,,Тоа според мене е значајно политички аспект, затоа што како што кажав, втората светска сила става свој печат во Македонија и тоа се трајни работи. Затоа што кога водите битки надвор, кога се бориме за македонскиот национален идентитет, за македонскиот јазик, за македонскиот народ, кога сакаме да е почитувана македонската историја и култура, многу е полесно кога имате голема светска сила позади себе“, кажа Николоски.

Николоски го спомена и економскиот аспект во контекст на Договорот со Обединетото Кралство: ,,Потпишавме договор каде што Велика Британија гарантира со својот кредитен рејтинг, којшто е највисок кредитен рејтинг, којшто може да се добие за Македонија и тоа го прави во една рамка од 5 милијарди фунти односно шест милијарди евра што целосно можат да ја трансформираат Македонија“.

Николоски потенцираше дека првиот проект е веќе во фаза на реализација и веќе има понуди од 16 врвни светски банки.

,,Тоа е брзата пруга, која што секако ќе поминува и низ Гевгелија, Гевгелија-Солун ќе е околу 30 минути, Гевгелија-Скопје ќе е некаде околу час, час и десет. Центар во центар. Така што тоа е нешто што целосно ќе ја трансформира Македонија“, заклучи Николоски, се наведува во партиското соопштение.

Македонија се соочува со економски и енергетски колапс.

Во моментов граѓаните се соочуваат со инфлација која ги јаде домашните буџети, земјоделците се жалат на катастрофални откупни цени, недостасуваат субвенциите, а оние кои се исплатени се намалени за речиси половина.

Домашното индустриско производство пропаѓа, еден од најголемите рудници во земјава „Тораница“ е пред затварање, не работи РЕК Битола, празни се хидроенергетските капацитети.

Истовремено, капиталните инвестиции во земјава се на историски најниско ниво од 26% во третиот квартал, и нема изгледи дека ќе се зголемат и во четвртиот квартал. И иако нема капитални инвестиции и проекти, пари на трезорска сметка нема.

Не се враќа ниту ДДВ на даночните обврзници.

Истовремено, Мицкоски се луксузира како османлиски бег, додека ја задолжува државата за 8 милијарди евра, а лаже дека „немало дополнителни задолжувања“.

Македонија е пред сериозен колапс, Мицкоски го знае тоа и гледа да приграби што повеќе може додека го лаже народот, се наведува во партиското соопштение.

Левит го даде изненадувачкото соопштение додека одговараше на шпекулациите за неодамнешните модринки на рацете на Трамп, за кои рече дека биле оценети како „благ оштетување на меките ткива предизвикани од чести ракувања и употреба на аспирин“ за превенција од срцеви заболувања, објави Њујорк пост.

„Во духот на транспарентност, претседателот сакаше денес да ја споделам неговата лекарска белешка со сите вас“, рече портпаролката на Белата куќа.

„Во текот на изминатите неколку недели, претседателот Трамп забележа благ оток во долните екстремитети, кој, како дел од рутинската медицинска нега, беше темелно оценет од Медицинската единица на Белата куќа“, прочита таа.

„Претседателот беше подложен на сеопфатен васкуларен преглед, вклучувајќи дијагностички тестови - беа извршени билатерални доплер ултразвуци на долните екстремитети, а беше пронајдена хронична венска инсуфициенција... честа состојба, особено кај луѓе над 70 години.“

Таа додаде: „Важно е да се напомене дека немало докази за длабока венска тромбоза или артериска болест... Исто така, беше извршен ехокардиограм, кој потврди нормална срцева структура и функција; не беа идентификувани знаци на срцева слабост, бубрежна слабост или системска болест.“

Не беше веднаш јасно како Трамп, кој има 79 години, ќе биде лекуван за оваа состојба.

„Неодамнешните фотографии од претседателот покажуваат благи модринки на задниот дел од раката“, исто така призна таа.

„Ова е во согласност со благи оштетувања на меките ткива предизвикани од често ракување и употреба на аспирин, кој се зема како дел од стандарден режим за превенција на кардиоваскуларни заболувања. Ова е добро познат и безопасен несакан ефект од терапијата со аспирин и претседателот останува во одлична здравствена состојба, како што мислам дека сите го гледате тука секој ден.“