Австриецот Магнус Брунер и Французинот Тјери Бретон официјално номинирани за нови еврокомесари - Канал 5

Австриецот Магнус Брунер и Французинот Тјери Бретон официјално номинирани за нови еврокомесари

- Магнус Брунер е искусен политичар со високо ниво на познавање за финансиската, економската и конкурентска политика, како на национално, така и на европско ниво, наведе Нехамер во објавата. 

Австриецот Магнус Брунер и Французинот Тјери Бретон официјално номинирани за нови еврокомесари

Владата на Австрија официјално го предложи министерот за финансии Магнус Брунер за нов австриски еврокомесар, додека претседателот на Франција, Емануел Макрон реши за француски член на новата Европска комисија да го номинира актуелниот еврокомесар за внатрешен пазар Тјери Бретон.

Номинацијата на Брунер ја најави австрискиот канцелар Карл Нехамер во објава на Икс.

- Магнус Брунер е искусен политичар со високо ниво на познавање за финансиската, економската и конкурентска политика, како на национално, така и на европско ниво, наведе Нехамер во објавата.

Номинацијата на 52-годишниот Брунер, кој е член на конзервативната Австриска народна партија (ОВП), сега официјално треба да биде потврдена со Одлука на Владата и одобрена од Долниот дом на Парламентот на Австрија. Сепак овие процедури се сметаат за чисто формални, имајќи предвид дека кандидатурата на Брунер ја поддржаа двете членки на владината коалиција – ОВП и партијата Зелени – Зелена Алтернатива (Грунен).

Брунер треба да го наследи актуелниот еврокомесар за буџет и администрација и поранешен еврокомесар за проширување и соседство и за регионална политика, Јоханес Хан, кој е австриски член на Еврокомисијата од 2010 година.

Од Виена претходно стигнуваа најави дека би сакала во новата Комисијата нејзиниот еврокомесар да раководи со ресорите проширување, миграции, одбрана или земјоделство, но објавата на Нехамер на Икс може да сугерира дека Австрија пледира на финансиските услуги, економијата, трговијата или конкурентноста.

Од друга страна, Макрон се реши одново да го номинира Бретон, чија кандидатура се најавуваше веќе извесен период, а во нејзин прилог одеа и пофалните зборови на францускиот претседател упатени сметка на еврокомесарот за внатрешен пазар на маргините на Европскиот совет одржан кон крајот на јуни во Брисел.

Во писмото упатено до Фон дер Лајен, со кое го предлага Бретон за член на ЕК, Макрон ги потенцира неговите „квалитети и искуство, особено покажани за време на претходниот мандат“. Според Макрон, во прилог на Бретон одат и „неговата општа стручност и неговиот европски ангажман“, што ќе му овозможат да продолжи да ги извршува неговите идни одговорности во Комисијата на „независен начин“.

На 69-годишниот Бретон како заслуги во претходниот мандат му се припишуваат подготовката и усвојувањето на законите за дигитални услуги и за дигитални пазари, поставувањето на темелите на заедничка европска одбранбена индустрија и подготовката на концептот за „стратешка автономија“ на ЕУ.

Бретон, официјално се води како непартиски кадар, иако е поранешен член на некогашниот конзервативен Сојуз на народното движење (УМП), а сега важи за близок до Макрон и неговата центристичка партија Ренесанса, која е дел од либералната група „Да ја обновиме Европа“.

Франција најави дека сака нејзиниот претставник во новата Еврокомисија да добие „моќен“ ресор кој би ги вклучувал стратешкиот суверенитет на ЕУ, индустријата, трговијата и финансиите.

Но, проблем околу кандидатурата на Бретон може да бидат неговите „заладени односи“ со Фон дер Лајен, имајќи ги предвид нивните претходни несогласувања и како и критиките од негова страна на сметка на претседателката на ЕК и оспорувањето на нејзиниот кредибилитет, откако таа со тесно мнозинство официјално беше номинирана за „шпиценкандидат“ на Европската народна партија (ЕПП) за јунските евроизбори. Дополнително, Бретон лани жестоко се противеше на именувањето на „штитеничката на Фон дер Лајен“, Фиона Скот Мортон за главен економист за конкурентност на ЕУ, сага која заврши со нејзино повлекување од трката.

Со ова, Австрија и Франција се придружија на групата од неколку земји кои решија да го игнорираат барањето на претседателка на Европската комисија, Урсула фон дер Лајен секоја членка да предложи по двајца кандидати за еврокомесар – еден маж и една жена.

Претходно, по еден кандидат номинираа и Ирска – доскорешниот министер за финансии Мајкл Мекграт, Летонија – извршниот потпретседател на ЕК за економија во интерес на луѓето и еврокомесар за трговија Владис Домбровскис, Малта – поранешниот шеф на Кабинетот на малтешкиот премиер Роберт Абела, Глен Микалеф, Словачка - потпретседател на Еврокомисијата за Зелениот договор и за меѓуинституционални односи Марош Шефчович, Финска - актуелната европратеничка и поранешна министерка за образование, за јавна администрација и локална самоуправа и за транспорт Хена Виркунен, Унгарија - еврокомесарот за проширување и соседска политика Оливер Вархеји, Холандија - еврокомесарот за климатска акција Вопке Хукстра, Чешка - министерот за индустрија и трговија Јозеф Сикела, Шведска - министерката за европски прашања и нордиска соработка Јесика Розвал и Шпанија - министерката за енергија Тереза Рибера.

Фон дер Лајен минатата недела упати официјално барање до земјите членки на ЕУ да номинираат свои кандидати за еврокомесари најдоцна до 30 август. Таа по нејзиниот реизбор за претседателка на ЕК од страна на Европскиот парламент најави дека ќе побара од земјите членки да предложат по еден маж и една жена за кандидати за еврокомесари, како дел од нејзиниот стремеж за полова рамноправност, односно еднаков број на мажи и жени во Комисијата.

Извори во ЕУ, сепак посочија дека земјите членки сепак не се обврзани да предлагаат по двајца кандидати. - Според Договорите (на ЕУ), земјите членки треба да дадат кандидат, во еднина, не двајца. Бидете уверени дека некои ќе се одлучат да не предложат двајца кандидати, бидејќи свесно го направиле својот избор (за еврокомесар) во согласност со она што за нив има смисла од политички аспект, изјави европски дипломатот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА инвестира милијарди во европската кошарка !

Најсилното светско кошаркарско првенство, НБА планира да инвестира милијарди долари во создавањето на нова европска кошаркарска лига, во која сака да ги вклучи најголемите фудбалски клубови од Стариот континент.

НБА инвестира милијарди во европската кошарка !

НБА не се откажува од идејата за започнување ново кошаркарско натпреварување на Стариот континент, а амбициите на американската организација стануваат сè поголеми.

Според информациите на британскиот „Скај њуз“ (Sky News), планот е да се формира огромен инвестициски фонд кој би располагал со милијарди долари. Средствата првенствено би биле наменети за изградба на модерни спортски сали, развој на инфраструктурата и привлекување на големи европски клубови.

Целта на НБА е да создаде натпреварување кое ќе ги обедини најпознатите спортски брендови во Европа и ќе стане сериозен конкурент на Евролигата.

Посебно внимание привлекува списокот на клубови што американската организација сака да ги вклучи во проектот. Меѓу нив се Реал Мадрид, Барселона, Милан и Пари Сен Жермен. Идејата е овие фудбалски гиганти да добијат свои кошаркарски франшизи и да ја искористат својата постоечка популарност за развој на нов спортски производ.

НБА особено смета на британскиот пазар, па Лондон и Манчестер веќе се споменуваат како потенцијални градови домаќини за нови тимови. Ова би му дало дополнителна комерцијална вредност на европскиот проект и би ја отворило вратата кон пазар каде што кошарката сè уште ја нема популарноста што ја ужива фудбалот.

Сепак, реализацијата на еден ваков голем потфат нема да биде едноставна. Дел од потенцијалните инвеститори се загрижени поради огромните трошоци за започнување на натпреварувањето, но и поради неизвесноста во однос на неговата долгорочна профитабилност.

Инаку, НБА претходно се обиде да најде заеднички јазик со Евролигата, но договор меѓу двете страни не беше постигнат. По неуспешните преговори, американската организација продолжи да ја развива идејата за посебно европско натпреварување, со поддршка од ФИБА.

Доколку планот се реализира, европската клупска кошарка би можела да влезе во сосема нова ера, со огромни финансиски вложувања и доаѓање на некои од најголемите спортски имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер