Австралиски милијардер има колекција автомобили, вредна над 100 милиони долари (ВИДЕО)

Колекцијата има над 100 автомобили, а наскоро драстично ќе порасне.

Зад импресивната колекција стои австралискиот претприемач Лоренс Ескаланте. Во текот на изминатите неколку години, тој ја собра една од најреспектабилните колекции на автомобили во светот. Списокот веројатно го вклучува секој актуелен суперавтомобил, вклучувајќи ги хиперспортските егзотици како Aston Martin Valkyrie AMR Pro, неколку McLaren Elves, Mercedes-Benz SLR McLaren HDK и Lamborghini Essenza SCV12 и Ferrari FXX K Evo, со кои се трка во слободното време. .

Видеото открива само половина од колекцијата од околу 100 автомобили вредни над 100 милиони долари. Секако, Ескаланте купил и Lamborghini Countach LPI 800-4 и Bugatti Chiron Super Sport, McLaren P1, Ferrari Daytona SP3 итн. Тој нарачал и тркачки Bugatti Bolide, кој ќе биде модифициран за употреба на јавни патишта. Неговиот план е да ја зголеми својата колекција на речиси 200 автомобили во следната година.

Лоренс Ескаланте е сопственик на онлајн казиното Virtual Gaming Worlds и тој одеднаш се збогатил за време на пандемијата кога оваа форма на игри станала исклучително популарна. Се проценува дека тежи околу три милијарди долари. Сопственикот на најимпресивната колекција на автомобили во Австралија и пошироко е познат по тоа што ги вози своите автомобили и понекогаш има и сообраќајни несреќи.

“Чад на хоризонтот” за нелегалното оружје на Балканот

Публикацијата “ Чад на хоризонтот” ја анализира поврзаноста на нелегалното оружје на Балканот со војната во Украина.

Профит на организираниот криминал од војните не е првото нешто што ни паѓа на ум, додека со ужас го следиме разорот во Украина. Но, сите војни имаат дополнителни свои негативни ефекти на прелевање и долгорочни штетни последици. За дел од нив можевме да посведочиме и од конфликтите во некогашна Југославија во 1990-тите и тука вбројувајќи го и оној во Македонија во 2001-вата година.

Во својата нова публикација Глобалната иницијатива против транснационалниот организиран криминал (ГИ-ТОК) насловена како “ Чад на хоризонтот” анализира дека како што се зголемува приливот на оружје во Руско-Украинската војна, така паралелно се зголемува и ризикот од потенцијалниот шверц на истото надвор од границите на војната.

Александар Србиновски, координаторот за Македонија и Југоисточна Европа за ГИ-ТОК, информира дека ова истражување било спроведено во 2023 и 2024 година на територијата на Украина и во државите од Западна и Источна Европа и Балканот.

- Во истражувањето вршевме собирање на цените на црниот пазар за оружјето во Украина, во Европа и на Балканот, под претпоставка дека ако се изврши споредба на цените во различни локации, ќе се дознаат и потенцијални промените во овој нелегален бизнис. Токму сублимираните податоци на овој начин на глобално ново ќе ни ја расветлат и природата на понудата и побарувачката на нелегалното оружје на национално и транснационално ниво – вели Србиновски.

Според него податоците во истражувањето се добиени од најмалку стотина интервјуа со преставници на полициите на државите во Европа, истражувачките новинари, универзитетските професори како и претставниците на подземјето во бројните земји.

- Квалитативните интервјуа со извори од подземјето, органите на прогонот, новинарите и други помогнаа да се разјасни сликата за овој проболем во однос на податоците за побарувачката за оружје кај криминалците, апетитот за ризик и потенцијалните двигатели и бариери на овие структури. За да ја имаме целосната слика се изврши и собирање на информации за заплени и официјални извештаи за огнено оружје и истражување за трговијата на оружјето на дарк веб интернет страниците – објаснува Србиновски.

Што се однесува на Балканот, додава Србиновски податоците во публикацијата “ Чад на хоризонтот”, велат дека барем засега не постои доказ дека балканските криминални групи шверцуваат оружје кон и до Украинските фронтови, но она што е многу загрижувачко е дека цената на нелегалното оружје е во пораст во регионот, а тоа е пак иницира дека за оружјето на Балканот расте и побарувачка.

Во израелски напад врз бегалскиот камп Нусеират загинаа најмалку 17 луѓе

Најмалку 17 луѓе загинаа при синоќешното израелско бомбардирање врз бегалскиот камп Нусеират во централниот дел на Појасот Газа, објавија локалните медиуми.

Најмалку 274 раселени Палестинци се убиени во бегалскиот камп Нусеират во текот на месецот, откако израелската армија изврши операција за спасување на четири израелски заложници. /МИА

Ана Курњикова ги почести следачите со нова слика од познатото семејство

Поранешната руска тенисерка Ана Курњикова изминатиов викенд ги почести своите обожаватели и следачи на Инстаграм-профилот со слика од нејзиното семејство.

„Среќен Ден на таткото на мојот маж Енрике Иглесијас! И за сите татковци!!!", напиша таа.

Парот е заедно од 2001 година, имаат три деца, но никогаш не се венчаа. „Никогаш навистина не мислев дека бракот ќе значи нешто. Не можеш да сакаш некого поради парче хартија. Во денешно време не е табу-тема да имаш деца и да не си во брак", изјави еднаш познатиот латино-пејач.

Ана и Енрике, инаку, го чуваат својот приватен живот за себе, далеку од очите на јавноста. Токму поради тоа, овој нејзин потег нивните обожаватели го дочекаа како вистинско освежување, по што следеше долга низа топли коментари под објавата. /MИА

притисни ентер