Свет

Австралиската влада најави откуп на оружје по нападот на плажата Бонди

Австралиската влада објави воведување на откуп на оружје по нападот на плажата Бонди во Сиднеј, најсмртоносниот од пукањето во Порт Артур во 1996 година, кога беа убиени 35 лица, објави денеска Би-Би-Си.

По тој масакр, австралиските власти воведоа најстроги мерки за контрола на оружјето, но по најновиот напад владата одлучи да воведе дополнителни мерки.

Во пукањето во неделата за време на прославата на еврејскиот празник Ханука, беа убиени 15 лица, а се верува дека двајцата напаѓачи биле инспирирани од идеологијата на Исламска држава.

Премиерот Ентони Албанезе денеска изјави за медиумите дека во Австралија има четири милиони парчиња огнено оружје, што е повеќе отколку во времето на нападот во Порт Артур.

„Знаеме дека еден од овие терористи имал дозвола за оружје и шест пушки, и покрај тоа што живеел во средината на предградијата на Сиднеј. Нема причина зошто на некој во таква ситуација би му требало толку многу оружје“, рече тој.

Федералната полициска комесарка, Криси Барет, изјави дека доколку бројот на оружје треба да се намали, мерките за постигнување на ова мора да вклучуваат нивно враќање.

Новите мерки би откупиле вишок забрането и нелегално оружје, а владата проценува дека стотици илјади парчиња огнено оружје би биле собрани и уништени на овој начин.

Владата, исто така, одлучи да го ограничи бројот на оружје што едно лице може да го поседува, како и да го ограничи издавањето лиценци и видовите оружје што може легално да се поседуваат.

Во исто време, австралиското државјанство би било услов за поседување оружје.

Полицијата на Нов Јужен Велс денеска соопшти дека ќе ослободи седум мажи кои се упатија кон плажата Бонди и беа уапсени вчера, осомничени за поврзаност со екстремистичка идеологија. Полицијата нагласи дека тие ќе продолжат да бидат следени бидејќи се сомнева дека се под влијание на идеите на Исламската држава.

Комесарот на полицијата на Нов Јужен Велс, Мел Ланион, изјави дека нема потврдена врска помеѓу напаѓачите и групата, но дека имале намера да ја посетат плажата Бонди.

„Иако конкретната закана што ја претставуваа овие мажи не беше позната, можам да кажам дека потенцијалот за насилно злосторство беше таков што не бевме подготвени да го толерираме ризикот“, рече комесарот Ланион.

Властите соопштија дека нападот на плажата Бонди го извршиле татко и син, кои преживеале и се обвинети по 59 точки од обвинението, вклучувајќи 15 точки од обвинението за убиство.

Тагови: Австралија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судскиот процес против Ива Михаилова, обвинета за предизвикување сообраќајна несреќа со смртни последици

По бегството во Бугарија, по предлог на обвинителство судот донесе решение да и се суди во отсуство и по неа е распишана потерница.

Во Основниот суд во Кочани продолжува судскиот процес против Ива Михаилова, обвинета за предизвикување сообраќајна несреќа со смртни последици што се случи во октомври минатата година на експресниот пат Штип–Кочани.

По бегството во Бугарија, по предлог на обвинителство судот донесе решение да и се суди во отсуство и по неа е распишана потерница.

Во Кочани е Михајло Видимлиски, Михајло повели со деталите за денешното судење?

Во видеото погледнете го целиот извештај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција-Според анкетите, Ле Пен убедливо води во претседателската трка

Француската политичарка од крајната десница, Марин ле Пен, и нејзиниот ривал од крајната левица, Жан-Лик Меланшон, ги зацврстија своите водечки позиции во анкетите.

Француската политичарка од крајната десница, Марин ле Пен, и нејзиниот ривал од крајната левица, Жан-Лик Меланшон, ги зацврстија своите водечки позиции во анкетите за преференциите на гласачите пред претседателските избори следната година, покажува најновото истражување, во време кога политичката поларизација во земјата се продлабочува.

Според анкетата на агенцијата „Толуна Харис Интерактив“ (Toluna Harris Interactive), спроведена во периодот од 3 до 5 ноември, Ле Пен би освоила меѓу 34 и 36 отсто од гласовите во првиот круг од изборите.

Во слична анкета спроведена минатиот месец, нејзината поддршка се движеше меѓу 35 и 37 отсто. Меланшон, кандидатот на крајно левичарската партија „Непокорена Франција“ (LFI), би се пласирал во вториот круг во сите пет тестирани сценарија, со поддршка од 18 до 19 отсто.

Сите останати кандидати имаат поддршка помала од 10 отсто.

Според една анкета, Ле Пен убедливо би победила во вториот круг, освојувајќи околу 68 отсто од гласовите, наспроти 32 отсто за Меланшон. Вториот и последен петгодишен претседателски мандат на Емануел Макрон се ближи кон крајот; овој непопуларен претседател зад себе остава ослабен политички центар и економија во лоша состојба – наведува Ројтерс – ситуација што отвора простор за партии со порадикални политички ставови.

Меланшон се кандидирал за претседател три пати – во 2012, 2017 и 2022 година – но никогаш не успеал да стигне до вториот круг. Ле Пен, исто така, учествуваше на сите три изборни циклуси, при што во вториот круг губеше од Макрон и во 2017 и во 2022 година.

Тагови: ле пен Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Супа од тиква

Во понеделник (02.11.2026) во емисијата гостин ни бeше Ленче Кукиќ.

Состојки за денешниот рецепт:

1 помека тиква

2 главици кромид

2 моркови

4 чешниња лук

1 парче сирење

400 гр. шманд или кисела павлака

100 гр. печени семки

100 мл. маслиново масло

2 големи лажици сув зачин

2 големи лажици куркума

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.