Технологија

Австралија го забранува ТикТок на мобилните на владините службеници

Австралија оваа недела, по примерот на некои други земји, ќе објави забрана за користење на TikTok на мобилните телефони на владини претставници поради безбедносни причини.

Премиерот Ентони Албанес се согласи да го забрани TikTok на официјалните владини уреди по изјавата на Министерството за внатрешни работи.

Истата одлука ја донеле и властите на државата Викторија. Досега, САД, Велика Британија, Нов Зеланд, Канада, Белгија и Европската комисија ја забранија употребата на TikTok на уредите на владините службеници, поради безбедносни причини. Неодамна, западните земји сѐ повеќе се загрижени дека TikTok, во сопственост на кинеската компанија Bytedance, ги загрозува безбедносните интереси и приватноста на своите западни корисници и испраќа податоци до кинеските комунистички власти.

На крајот на февруари, Белата куќа им нареди на сите федерални агенции и други владини тела да го избришат TikTok од сите официјални уреди во рок од 30 дена. Некои институции, како Министерството за одбрана и самата Бела куќа, го направија тоа во 2020 година.

Главниот извршен директор на TikTok Australia, Ли Хантер, рече дека компанијата е разочарана кога дознала за забраната од медиумите, „и покрај повторените напори за конструктивно ангажирање со владата“.

„Нагласуваме дека нема докази кои сугерираат дека TikTok претставува безбедносен ризик за Австралијците на кој било начин и не треба да се однесуваме поинаку од другите социјални платформи“, рече Хантер.

Во САД се зборуваше за целосна забрана на TikTok, но американскиот републикански сенатор Ренд Пол минатата недела го блокираше обидот да се забрза забраната на популарната кинеска апликација, која ја користат повеќе од 150 милиони Американци, и изрази загриженост за слободата на говорот и нерамномерниот третман на социјалните медиуми.

„Дали навистина сакаме да ги имитираме забраните за говор во Кина? Дали ќе бидеме како Кина и ќе го забраниме говорот од кој се плашиме? рече Пол. „Секое обвинување за собирање податоци што му се припишува на TikTok може да се припише и на домашните големи технолошки компании“, рече Пол на говорницата во Сенатот.

Мал, но сѐ поголем број демократи и републиканци изразија загриженост, наведувајќи ја слободата на говорот и други прашања. Тие се спротивставија и на законот за регулирање на TikTok бидејќи сметаат дека е премногу широк. Земјите од САД и ЕУ не гледаат проблем во користењето на Фејсбук и другите социјални мрежи поради собирање податоци за сопственото население.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.