Авганистан нападна пакистански нуклеарен центар, стотици жртви на двете страни - Канал 5

Свет

Авганистан нападна пакистански нуклеарен центар, стотици жртви на двете страни

Авганистанските сили нападнаа нуклеарен објект во Пакистан, а како што тврди телевизијата „Аријана њуз“, повикувајќи се на свои извори, во нападот има жртви.

Авганистан нападна пакистански нуклеарен центар, стотици жртви на двете страни

„По нападот врз воен центар во областа Кокал, во провинцијата Кибер-Пахтунхва, и врз друг нуклеарен центар, има стотици мртви, а ранетите се префрлени во болниците во Исламабад“, се наведува во објава на платформата Икс.

Претходно денеска Кабул објави дека авганистанските воздухопловни сили успешно нападнале воен камп и армиски кантон во Ношера, како и базата Џамруд.

Најмалку 12 пакистански војници се убиени, а 27 се повредени во нападите од страна на Авганистан, објави денес портпаролот на пакистанската армија, Ахмед Шариф Чаудри.

Според неговите зборови, 274 талибански борци се убиени, а 400 се повредени, како и дека се уништени 115 тенкови, оклопни транспортери и артилериско оружје, пренесува Ал Џезира.

Пакистански воени извори, исто така, наведуваат дека биле погодени воени цели на 22 локации низ Авганистан. Претходно, владата на талибанците објави дека осум од нејзините борци се убиени, а 11 се ранети.

Пакистанската телевизиска корпорација (ПТВ) објави дека пакистанската армија зазела неколку позиции на територијата на непријателот и „слави решителна победа“.

Пакистан минатата недела изврши воздушни напади врз области во неколку авганистански провинции. Според талибанското движење, во нападите биле убиени и повредени десетици цивили.

Во текот на изминатата ноќ талибанците спроведоа одмаздничка операција против непријателските сили по линијата Дуранд, а во текот на денот започнаа нова. Пакистанските сили, од своја страна, ги нападнаа Кабул, Кандахар и Пактија. Двете земји известуваат за стотици воени жртви.

Односите меѓу двете земји беа затегнати во октомври минатата година. Потоа во Пакистан се случија низа терористички напади, за кои локалните власти го обвинија бунтовничкото движење ТТП.

Во Кабул негираат дека борците на оваа група се на територијата на Авганистан и наведуваат дека борбата против нив е внатрешно прашање на соседната земја. Во текот на една недела, страните разменија удари, а потоа, со посредство на Катар и Турција, постигнаа договор за прекин на огнот.

Тагови: Авганистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер