Аутсорсинг гигантот „Емапта“ отвора деловен простор во ТИРЗ Скопје 1, 850 вработувања - Канал 5

Македонија

Аутсорсинг гигантот „Емапта“ отвора деловен простор во ТИРЗ Скопје 1, 850 вработувања

Македонија ја стартува годината со нова инвестиција. 

Аутсорсинг гигантот „Емапта“ отвора деловен простор во ТИРЗ Скопје 1, 850 вработувања

Мултинационалната водечка компанија за аутсорсинг услуги ЕМАПТА ќе отвори деловен простор од 6 000 метри квадратни во ТИРЗ Скопје 1 и планира да вработи 850 млади луѓе во наредните пет години или преку 2500 за една деценија. Компанијата е основа во 2010 година во Австралија, а веќе една година е присутна и во земјава, со околу 30 вработени. Нуди услуги ширум светот од сметковдство до програмирање.

„Одлична прилика за младите, за амбициозните. Сите оние што сакаат да работат за странска инвестиција, но сепак од дома во домашни услови, а сепак за странски плати. ЕМАПТА постои на пазарот веќе 1 година,“ -изјави Сара Панова – вработена во компанијата ЕМАПТА.

„“Имаме план да го зголемиме нашиот тим во Македонија на 100, 200, 500 до 2 000 вработени во следните 10 до 12 години. Имаме канцеларија во Скопје, но исто така имаме колеги кој работат од дома, пример имаме одличен тим во Охрид, Гевелија, и многу други различни градови.“ -изјави Инге Цвик - извршен директор ЕМАПТА глобал за Европа.

Првиот човек на ТИРЗ, Јован Деспотовски кажа дека ЕМАПТА е во земјава благодарение на наш сограѓанин кој работел за нив во Австралија. Според неговите пресметки, до крајот на инвестицискиот период компанијата само за плати ќе вложи над 15 милиони евра годишно. Поддршка од државата ќе добиваат кога ќе намдинат 100 вработени со најмалку 1 000 евра месечна плата...

„Еден од мерките со кои што продолжуваме со растот на платите го креиравме токму со ЕМАПТА. Компанијата ќе добие поддршка од страна на Владата, преку гранд за креирање нови работни места во износ од 3 250 евра по работно место под услов платата која што ќе се исплаќа на овие млади луѓе да биде 50 % над државниот просек. “-изјави Јован Деспотовски – директор на ТИРЗ.

Зоните денес бројат околу 18 000 вработени. Освен целта за повисоки плати во однсо на просечната, за да привлечат компании и работници, ТИРЗ по спроведениот тендер и согласно годишниот план за работа – во зоните Скопје, Штип и Прилеп ќе градат паркиралишта, градинки, примарна здравствена заштита, простор за сместување и складишта.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бекамови го вклучуваат Бруклин во објавата за Денот на татковците и покрај наводната караница

Бруклин Бекам можеби не е во најдобри односи со своето семејство, но неговите родители сè уште мислат на него.

Бекамови го вклучуваат Бруклин во објавата за Денот на татковците и покрај наводната караница

Дејвид и Викторија Бекам вклучија фотографии од нивниот најстар син, 27, во нивните објави на Инстаграм за Денот на татковците.

Семејни честитки на Инстаграм

„Да бидам татко е мојата најважна работа... Ве сакам сите и ви благодарам, мама @victoriabeckham, што ни го подари нашето прекрасно семејство. Среќен Ден на татковците на сите татковци низ целиот свет“, напиша Дејвид на Инстаграм.

Викторија, исто така, објави почит на својот профил. „Дејвид, ти навистина си најдобриот татко. Нашите прекрасни деца отсекогаш биле твое најголемо достигнување и многу те сакаме. Среќен Ден на татковците“, рече таа. Таа вклучи фотографија од Дејвид како позира на плажа со сите нивни четири деца, вклучувајќи ги Ромео, 23, Круз, 21 и Харпер, 14.

Раздор во позадина

Објавите доаѓаат неколку дена откако Бруклин навидум ги прозва своите родители во реклама на „ DoorDash“ снимена пред Светското првенство. Во рекламата, Бруклин седи на каучот во својот дом додека во позадина се слуша фудбалски натпревар.

„Веројатно се прашувате зошто го гледам Светското првенство во 2026 година од дома“, вели Бруклин со насмевка. „Долга приказна е.“ Потоа станува и фрла неколку билети за турнирот на масичката за кафе. Рекламата завршува со натписот: „Комплицирано е. Наскоро повеќе.“

Бруклин, најстариот син на поранешниот фудбалер Дејвид Бекам и модната дизајнерка Викторија Бекам, во јануари објави долга изјава за неговите семејни проблеми и зошто не сака да го поправи својот нарушен однос со своите родители, браќа и сестра.

Извор: Индекс.хр

Тагови: Бекамови караница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Чешка ќе ги забрани мобилните телефони во училиштата

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

Чешка ќе ги забрани мобилните телефони во училиштата

Чешката влада поднесе закон за забрана на мобилните телефони во училиштата од септември 2027 година, потврди премиерот Андреј Бабиш, приклучувајќи се кон растечкиот глобален притисок за ограничување на времето што децата на училишна возраст го поминуваат пред екраните.

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

„Училиштата нема да можат да им дозволат на учениците да земат пауза со своите телефони од други причини“, се наведува во нацрт-законот.

Овој потег следи по мерките на други влади насочени кон ограничување на употребата на социјалните медиуми или мобилните телефони кај децата. Полска овој месец го следеше примерот на земји како Холандија, Јужна Кореја и Италија со забрана на паметните телефони во училиштата поради загриженост за нивното влијание врз концентрацијата и однесувањето на учениците.

На социјалните медиуми, Австралија беше првата што воведе забрана за пристап на деца, а Велика Британија овој месец објави забрана за лица под 16 години. Бабиш нагласи дека владата размислува и за забрана на социјалните медиуми за деца, по примерот на Франција и други земји кои зазедоа построги ставови поради перципираните негативни ефекти врз децата.

Извор: Индекс.хр

Тагови: Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: „Ќе се согласат на сè...“

Американскиот претседател Доналд Трамп вели дека Иран ќе прифати строги инспекции додека САД и Иран водат разговори за нуклеарниот договор во Швајцарија, при што официјалните лица на двете земји даваат спротивставени изјави.

Трамп: „Ќе се согласат на сè...“

Американскиот претседател Доналд Трамп вели дека Иран ќе се согласи на обемни инспекции за оружје. Трамп ги даде забелешките во неодамнешна објава на неговиот профил на социјалните мрежи „Truth Social“.

Преговарачите од САД и Иран моментално се во Швајцарија каде преговараат за конечен мировен договор што треба да го реши проблемот со нуклеарната програма на Иран. Иранскиот режим вели дека сака да користи нуклеарна енергија само за цивилни цели, но задржува залихи од високо збогатен ураниум.

Меѓународната агенција за атомска енергија (МААЕ) постојано го повикува Иран да ја открие локацијата на своите залихи од збогатен ураниум откако САД и Израел го нападнаа Иран минатото лето.

Потпретседателот на САД, Џ.Д. Венс, денес изјави дека иранските претставници се согласиле да им дозволат на инспекторите на МААЕ да влезат во Иран.

Сепак, Министерството за надворешни работи на Иран негираше дека Техеран прифатил какви било нови обврски во врска со неговата нуклеарна програма за време на разговорите со САД овој викенд во Швајцарија.

Извор: Б92

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер