Ауди премиерно го откри новиот Audi Q3 Sportback - Канал 5

Автомобилизам

Ауди премиерно го откри новиот Audi Q3 Sportback

Audi ја претстави новата генерација на Q3 Sportback, која поставува нови стандарди во сегментот на премиум компактни SUV возила.

Ауди премиерно го откри новиот Audi Q3 Sportback

Новата генерација носи значителни подобрувања во дизајнот, технологијата и перформансите.

Audi Q3 Sportback, претставен денеска, ја комбинира практичноста на SUV возилото со елеганцијата на купе возилото. Линијата на покривот, која нежно се спушта од А-столбот, е 29 милиметри пониска од SUV верзијата, давајќи му на возилото поспортски изглед и подинамична силуета. Изразените мускулести делови и quattro круговите дополнително ја нагласуваат ширината и спортскиот карактер на возилото.

За новиот Q3 Sportback се достапни единаесет бои на каросеријата, вклучувајќи ги новите нијанси Sage Green и ексклузивната Madeira Brown со мат завршница. Купувачите можат да избираат помеѓу тркала со димензии од 17 до 20 инчи, а ширината на гумите е зголемена од 215 на 235 милиметри.

Подобрена аеродинамика

Новата генерација на Ауди носи значителни подобрувања во аеродинамиката со коефициент на отпор од 0,30. Q3 Sportback е првиот модел на Audi во компактниот сегмент кој нуди акустични застаклувања за предните странични прозорци, што значително ја подобрува звучната удобност при возење.

Самиот ентериер е во очекуваниот тон, исто како што веќе можеме да видиме во новите генерации на моделите A5 и A6.

Широк спектар на мотори

Основниот модел е напојуван од познатиот бензински мотор 1.5 TFSI со 110 kW (150 КС) со блага хибридна технологија. Помоќниот 2.0 TFSI развива 150 kW (204 КС) со quattro погон, додека најмоќната бензинска верзија нуди 195 kW (265 КС). За љубителите на подолги патувања тука е дизел 2.0 TDI со 110 kW (150 КС).

e-Hybri варијанта

Plug-in хибридот е особено импресивен, комбинирајќи го моторот 1.5 TFSI (177 КС) со електричен мотор за вкупна моќност од 200 kW (272 КС). Благодарение на батеријата со капацитет од 25,7 kWh, Q3 Sportback e-hybrid може да помине до 118 километри во целосно електричен режим.

Почеток на продажбата на моделите Q3

Почетокот на продажбата на новиот модел Audi Q3 Sportback се очекува на почетокот на септември, а првите примероци во салоните ќе бидат достапни на почетокот на 2026 година. SUV верзијата е веќе достапна за нарачки по почетна цена од 45.420 евра, со испораки на крајот на оваа година.

Тагови: Ауди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер