Атрактивна и возбудлива програма на годинешното издание на фестивалот „Охридско лето“ - Канал 5

Култура

Атрактивна и возбудлива програма на годинешното издание на фестивалот „Охридско лето“

Италијанските оперски ѕвезди, сопранот Барбара Фритоли и баритонот Лео Нучи, во придружба на уметниците на Македонската филхармонија под диригентско раководство на маестро Луис Горелик ќе ја имаат честа да го отворат годинешното 54-то издание на најголемата музичко-сценска манифестација во земјата, фестивалот „Охридско лето“.

Атрактивна и возбудлива програма на годинешното издание на фестивалот „Охридско лето“
Како што беше најавено на денешната прес-конференција, и оваа година претстои незаборавно фестивалско издание, со тоа што ексклузивноста е дотолку поголема оттаму што повеќето од уметниците што ќе бидат во Охрид годинава не само што првпат ќе бидат во Македонија, туку тоа ќе биде нивниот прв настап во поширокиот регион.

Музичкиот дел од фестивалската програма нуди изобилие од звучни имиња, потврдени уметници, атрактивни фестивалски настани. Селекторката на музичката програма на „Охридско лето“ Гордана Јосифова-Неделковска во камерниот дел од програмската понуда ги издвои настапите на пијанистите Елизавета Леонскаја, Аркадиј Володос, волинистите Кирил Трусов, Нинг Фенг, виолончелистот Нарек Хакназариан, Кадеша дуото од Албанија, камерниот оркестар „Св. Ѓорѓе“, гудачкиот квартет Јанкелиевич, ансамблот Вариабиле...

За пошироката публика таа најави и неколку светски атракции, чии имиња и настапи се дел од најпрестижните светски музички сцени, настани, за кои рече дека се вистински ексклузивитет. Меѓу нив Јосифова-Неделковска ги издвои настапите на хрватскиот пијанист Максим Мрвица, „Моцарт групата“ од Полска, сензационалните вокалисти, но и актери од израелската перформанс група „Вока пипл“, како и целовечерниот концерт на кинескиот Симфониски оркестар Шенжен.

Како и секоја година посебен избор на фестивалската понуда се прави и за 4. август, за самиот роденден на „Охридско лето“, а ова фестивалско издание публиката ќе има можност да ужива во настапот на еден поинаков Немања Радуловиќ, светски познатиот виолинист кој како што беше најавено заедно со групата „Ѓаволски трилери“ ќе понуди несекојдневна атрактивна програма, со нови звучни димензии.

Селекторот на драмскиот дел на „Охридско лето“, Ѓорѓи Јолевски, за ова фестивалско издание најави дека изборот на театарските претстави на фестивалот е под мотото „Солзи и смеа“, со девет најнови продукции и две премиери, како од домашните театарски куќи, така и со гостувања на звучни имиња од меѓународната театарска сцена.

- Изборот на претставите за оваа година се претежно комедии, топли претстави со ведар дух, секако под закрилата на класиката и високата уметност, истакна Јолевски.

Драмската програма започнува со „Отело“ во изведба на Битолскиот народен театар, „многу врева за ништо“ на Театар „Комедија“, праизведбата на „Аферата Елсинор“ на Љубиша Георгиевски во изведба на МНТ, „Ждрело“ во изведба на Драмскиот театар од Скопје. Од македонската драмска сцена тука е уште и настапот на Албанскиот театар со претставата „Предавање“ на текст на познатиот Мартин МекДонах. Од гостувањата во драмскиот дел на фестиваслките сцени во Охрид ќе ги видиме суптилната комедија „Како шпо милувате“ во изведба на „Њу битом“ театарот од Полска, „Његош и ја“ во изведба на Црногорското народно позориште од Подгорица, „Женидба“ од Гогољ во продукција на „У-моста“ театарот од Русија.

Затворањето на ова фестивалско издание годинава ќе биде токму од драмскиот дел на програмата, со претставата „Роденденот на господин Нушиќ“ во изведба на Звездара театарот од Белград, претстава на текст на познатиот режисер Душан Ковачевиќ, а во изведба на познати актери од глумиштето во регионот, предводени од Бранислав Лечиќ. Директорката на фестивалот „Охриско лето“ Елизабета Јанкуловска истакна дека во насока на приближување на фестивалот до пошироката публика и за непречено одвивање на програмата преземени се повеќе активности, меѓу кои покривањето на сцените на Античкиот театар и на Долни Сарај, обезбедени се кабаници за публиката за неповолни временски услови, како и поставување пристапни рампи за лицата со хендикеп. Секако и оваа година за сите случувања на фестивалот како и за информации за програмата оперативни ќе бидат и достапни и апликациите за „Охридско лето“ за блекбери, ИОС и андроид платформите за мобилните телефони./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Торнадо направи пустош во Анталија, има загинати (ВИДЕО)

Четворица градежни работници загинаа, а еден е повреден во торнадо што го погоди турското одморалиште Анталија, соопштија локалните власти.

Торнадо направи пустош во Анталија, има загинати (ВИДЕО)

„Во текот на ноќта, торнадо погоди два контејнери во кои се сместени градежни работници во областа Кепез“, се вели во соопштението.

Вчера метеоролошката служба издаде предупредување за поплави и бура за Анталија.

Според метеоролозите, обилните дождови ќе престанат во петок, 30 октомври, и ќе продолжат следниот ден.

Тагови: Анталија Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

„Ме оперираа! Стомакот ми беше полн со крв“- Теа Таировиќ се јави од болнички кревет (ВИДЕО)

Пејачката Теа Таировиќ проговори од болничкиот кревет по операцијата. Таа откри што точно се случило и зошто била итно хоспитализирана во недела наутро.

„Ме оперираа! Стомакот ми беше полн со крв“- Теа Таировиќ се јави од болнички кревет (ВИДЕО)

- Драги мои, голем поздрав до сите вас од мојот болнички кревет, за жал. Сакам да ве известам дека за жал, сигурно повеќе мој отколку ваш, нема да се дружиме во блиска иднина поради моите здравствени проблеми - рече Теа Таировиќ, додека случајно во позадина се слушаше „тажна музика“, на што се шегуваше и се смееше.

- Се оперирав, се чувствувам добро, се надевам дека моето закрепнување ќе биде што е можно побрзо. Значи, ќе бидам добро, се опоравувам, ќе објаснам што се случило за да нема измислици и додавање дијагноза. Прво на сите, сакам да кажам дека ова е големо предупредување за мене, а може да биде и порака за некој што го гледа ова дека мора да го слуша своето тело и да се грижи за него - рече пејачката, а потоа додаде...

- Во недела наутро, на 25 октомври, ми пукна крвен сад во стомакот и секако дека е многу моја вина што ја игнорирав болката и пораките од моето тело дека морав малку да забавам бидејќи отсекогаш верував дека сум супержена, сè уште верувам во тоа, но моето тело очигледно не се согласуваше баш со тоа - рече пејачката.

„Стомакот ми беше полн со крв“

- По концертот во Франкфурт, стомакот ми беше полн со крв, дури и одбив да бидам хоспитализирана во Франкфурт, верувајќи дека не ми треба, дека сум добро. Се вратив во Белград, сега сум таму каде што сум, имав операција и сигурно е подобро така. Да ви кажам дека ми е жал, дека се надевам дека ќе се опоравам што е можно побрзо затоа што, пред сè, треба да бидам здрава, а потоа и на сцената, која е мојот живот и која е дел од мојата личност. Мислам дека таму треба да бидам најздрава - рече Теа Таировиќ.

Тагови: Теа Таировиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Британците го истражуваат инцидентот во воената база: Двајца обвинети, се сомнева на вмешаност на Иран

Двајца британски државјани се обвинети за помагање на иранското разузнавање, по истрагата за инцидент во близина на базата на Кралските воздухопловни сили (RAF) Ферфорд во Глостершир, југозападна Англија.

Британците го истражуваат инцидентот во воената база: Двајца обвинети, се сомнева на вмешаност на Иран

Мохмед Абдулкарим (24) од Лондон денеска треба да се појави пред Магистратскиот суд во Вестминстер. Тој е обвинет за помагање на странска разузнавачка служба, што претставува кривично дело според британскиот Закон за национална безбедност од 2023 година.

Пред судот ќе се појави и Нуман Есгир (24), исто така од Лондон. Тој е обвинет за влез во забранета зона со намера да му нанесе штета на Обединетото Кралство. Есгир првично беше уапсен на 27 септември во близина на воена база, а повторно беше уапсен на 20 октомври.

Полицијата се сомнева дека зад сето ова стои Иран

Британската полиција за борба против тероризмот верува дека во случајот е вмешано иранското разузнавање. Лоренс Тејлор, шефот на британската полиција за борба против тероризмот, предупреди дека во последните месеци имало повеќе сомнителни инциденти кои полицијата ги поврзува со Иран.

„Во последните месеци забележавме низа инциденти за кои веруваме дека биле оркестрирани од иранската држава. Како што изјави шефот на МИ5 пред само неколку недели, ние работиме заедно за да интервенираме, да ја идентификуваме заканата и да одговориме на неа“, рече Тејлор.

„Јавноста може да ни помогне во ова и, како и секогаш, ги повикувам граѓаните да пријават сè што ги загрижува во овој поглед. Ваквите пријави можат да бидат, и навистина се, важни“, додаде тој.

Уште еден маж е ослободен без обвинение

Како дел од истата истрага, на 20 октомври беше уапсен и 25-годишен маж со британско и иранско државјанство, под сомнение дека ѝ помагал на иранската разузнавачка служба. Тој беше ослободен без да биде обвинет за тоа кривично дело, но сепак мора редовно да се јавува во полиција, бидејќи претходно бил уапсен на 1 октомври под сомнение за подготовка на терористички напади.

Уште петмина мажи, исто така уапсени за време на истрагата, се пуштени на слобода со обврска да се јавуваат во полиција. Френк Фергусон, раководител на Одделот за посебни кривични дела и борба против тероризмот при Службата на крунското обвинителство (CPS) на Обединетото Кралство, потврди дека се поднесени обвиненија против двајцата мажи.

„Службата на крунското обвинителство одлучи да покрене постапка против две лица за прекршоци според Законот за национална безбедност, по истрагата спроведена од полициските служби за борба против тероризмот во врска со значаен инцидент поврзан со базата на Кралските воздухопловни сили (RAF) во Ферфорд“, изјави Фергусон. „Ќе продолжиме тесно да соработуваме со нашите партнери додека трае оваа сложена истрага“, додаде тој.

Извор: Индекс.хр

Тагови: Велика Британија Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер