Атлас на цивилното општество: Само 3,5% од светското население со целосна слобода на изразување - Канал 5

Живот

Атлас на цивилното општество: Само 3,5% од светското население со целосна слобода на изразување

Само 3,5 отсто од светското население има целосна слобода на изразување, Македонија во група со Германија, САД и Франција.

Атлас на цивилното општество: Само 3,5% од светското население со целосна слобода на изразување

Само 3,5 проценти од светската популација живее во земји каде што е загарантирана целосна слобода на изразување и собирање, се наведува во извештајот „Атлас на цивилното општество за 2025 година“ на германската лутеранска хуманитарна организација „Леб за сите“.

- Спротивно на ова, 85 проценти од светската популација живее во земји каде што граѓанското општество е ограничено, потиснато или затворено, што влијае на речиси седум милијарди луѓе. Нивните влади сериозно ги ограничуваат граѓанските слободи и ги малтретираат, апсат или убиваат критичките гласови, се вели во извештајот изработен врз основа на податоците на Цивикус Монитор, истражувачка алатка за состојбата на граѓанското општество и слободи на меѓународната непрофитна организација „Цивикус“.

Со извештајот се опфатени 197 земји и територии, кои се класифицирани во пет категории: „отворени“, „загрозени“, „ограничени“, „потиснати“ и „затворени“.

Земјава е класифицирана во групата на „загрозени“ заедно со 42 други држави во кои живеат 11,1 проценти од светското население, меѓу кои и Австралија, Албанија, Бугарија, Германија, Италија, Косово, Полска, Романија, САД, Франција, Хрватска, Црна Гора и Шпанија.

За овие земји се вели дека во голема мера им е дозволуваат на поединците и организациите на граѓанското општество да ги остваруваат своите права за слобода на здружување, собирање и изразување.

- Сепак, се уште има случаи на кршењата на овие права. На пример, има случаи каде организациите кои се сметаат за критични кон властите се потиснувани. Демонстрациите понекогаш се забрануваат од страна на властите, поради, како што се наведува безбедносни причини. Целосната слобода на печатот е ограничена или со строга регулатива или со политички притисок, се наведува во извештајот за оваа категорија земји.

Во групата на „отворени“ спаѓаат 40-тина земји со само 3,5 отсто од глобалното население, меѓу кои се и Австрија, Јапонија, Канада, Нов Зеланд, Португалија, Словенија, Чешка, Швајцарија, како и нордиските и балтичките држави, кои им овозможуваат и гарантираат граѓански слободи на сите луѓе.

- Луѓето можат да формираат здруженија без законски или практични бариери, да демонстрираат на јавни места, да добиваат информации и да ги шират. Властите се отворени за критики од организациите на граѓанското општество и обезбедуваат платформи за интензивен и конструктивен дијалог со граѓаните. Демонстрантите генерално се заштитени од полицијата, а законите што го регулираат правото на собирање ги исполнуваат меѓународните стандарди. Постојат слободни медиуми, содржината на интернет не е цензурирана, а владините информации се лесно достапни, се вели во извештајот.

Во категоријата на „ограничени“ се вклучени 35 држави во кои живее 12,9 проценти од светското население, меѓу кои се и Босна и Херцеговина, Бразил, Велика Британија, Грција, Србија, Украина и Унгарија, во кои властите го ограничуваат слободното остварување на основните права, преку комбинација од законски и практични мерки.

- Ова значи дека иако постојат организации на граѓанското општество, државните власти се обидуваат да ги поткопаат преку надзор и вознемирување. Граѓаните можат мирно да се собираат, но честопати се растерувани од полицијата која користи прекумерна сила, како што се гумени куршуми, солзавец и палки. Постои простор за недржавни медиуми и уредничка независност, но новинарите се соочуваат со физички напади и тужби за клевета, се потенцира во документот.

Како „потиснати“ се оквалификувани 51 држава, кои опфаќаат 42,6 проценти од населението на Земјата, меѓу кои се и Индија, Мексико, Казахстан, Пакистан, Тајланд, Турција и повеќето африкански држави, во кои слободата на граѓанското општество е строго ограничена.

- Секој што ги критикува оние што се на власт е следен, малтретиран, затворан, па дури и убиван. Работата на неколкуте организации на граѓанското општество редовно е попречена - тие ја губат својата регистрација или се целосно затворени. Врз мирните демонстранти често се пука со боева муниција од страна на државните сили или тие се апсат. Медиумите обично ја одразуваат перспективата на Владата. Критичките веб-страници и социјалните медиуми се блокирани, а користењето на интернет е строго следено, се додава во извештајот.

И во последната категорија на „затворени“ се вклучени 29 земји со 29,9 проценти од вкупното светско население, меѓу кои и Белорусија, Виетнам, Кина, Русија, Северна Кореја и речиси сите блискоисточни држави, каде „нема простор за граѓанското општество“.

- Поточно, ова значи дека преовладува атмосфера на страв. Државните и моќните недржавни актери остануваат неказнети кога затвораат, злоупотребуваат или убиваат луѓе кои се залагаат за остварување на своите права на слобода на здружување, собирање и изразување. Секоја критика на режимот е строго казнувана. Нема слобода на печатот. Интернетот е строго цензуриран, а повеќето веб-страници се блокирани, се вели во документот

Во однос на ланскиот извештај девет земји - Буркина Фасо, Грузија, Есватини, Етиопија, Кенија, Монголија, Перу, Холандија и Палестинските територии - се рангирани пониско, а девет други повисоко - Бангладеш, Боцвана, Јамајка, Јапонија, Либерија, Полска, Словенија, Тринидад и Тобаго и Фиџи.

- Институциите на владеењето на правото се под притисок низ целиот свет. Тие се нападнати, на пример, од десничарски екстремистички и десничарско-либертаријански групи, како непријатели на наводната волја на народот. Им се одзема легитимитетот да ја контролираат извршната власт или да ги заштитат правата на малцинствата. Во исто време, законот се повеќе се користи за репресија: владите ги злоупотребуваат постојните закони или создаваат нови за борба против актерите на граѓанското општество или ги попречуваат новинарите во нивната работа, се оценува во извештајот.

Сепак, како што се посочува во документот, и граѓанското општество возвраќа со тоа што организациите и активистите ширум светот се повеќе прибегнуваат кон тужби и стратешки судски постапки за да го унапредат социјалниот и еколошкиот напредок.

Според претседателката на “Леб за светот”, Дагмар Пруин, извештајот покажува дека актерите на граѓанското општество ширум светот имаат алармантно ограничен простор за дејствување и дека владеењето на правото е под притисок.

- Демократијата и човековите права ширум светот се напаѓаат во положба каква што не сме виделе со децении. Владеењето на правото, поделбата на властите и заштитата од државното самоволие се под закана во се поголем број земји или тие воопшто не постојат, истакна Пруин, додавајќи дека за да има вистинска демократија потребно е да постои слободно цивилно општество. /МИА

Тагови: слобода на изразувања

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Инцидент на концерт во Сан Хозе: 14 учесници завршија во болница (ВИДЕО)

За време на концертот на електронското дуо The Chainsmokers, одржан во петокот вечерта во Сан Хозе, четиринаесет лица беа хоспитализирани. 

Инцидент на концерт во Сан Хозе: 14 учесници завршија во болница (ВИДЕО)

Неколку посетители побараа медицинска помош на настапот на отворено во паркот Discovery Meadow.

Полицијата за ABC 7 изјави дека најмалку десет лица биле однесени во болница само во последниот половина час од концертот. Според извештаите на медиумите, некои од посетителите биле лекувани поради последици од консумирање алкохол или дрога. Некои лица добиле медицинска помош на местото на настанот, а интервенциите продолжиле дури и по завршувањето на концертот. Полицијата не извршила апсења.

Одговор на властите

Противпожарната служба на Сан Хозе (SJFD) објави детали за интервенцијата на социјалната мрежа X.

„Во петок, 4 септември во 20:22 часот, пожарникарите од Сан Хозе одговорија на пријавите за повеќе пациенти на кои им е потребна нега на концерт на отворено во Дискавери Медоу. SJFD веднаш побара итна медицинска помош, две дополнителни единици за напредна поддршка во живот и командант на батаљон за справување со инцидентот и обезбедување медицински ресурси.

Вкупно беа испратени 14 амбулантни возила, а 14 пациенти беа префрлени во локалните болници. Полицијата во Сан Хозе помогна со контролата на сообраќајот. Сите единици на SJFD се вратија во базата околу 22:34 часот.“

Бендот продолжи да настапува

The Chainsmokers не коментираа јавно за хоспитализациите. Следниот ден, тие настапија во Лас Вегас, во клубот Encore Beach. Тие споделија неколку фотографии од таа вечер на Инстаграм, на кои се гледа преполното место.

Во понеделник, тие објавија и снимки од концертот во Сан Хозе. Заедно со нив тие напишаа: „Проклет да е Сан Хозе, оваа претстава беше хаос!!!!! Следниот пат ќе донесеме погласна сирена, наша вина.“

Инцидентот беше дискутиран и на Reddit. Еден корисник напиша дека видел „многу луѓе да бидат изнесени надвор на самиот почеток“. Друг додаде: „Видов многу луѓе како се уриваат. Некои изгледаа како да нема да преживеат.“

Тагови: концерт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

„Фламинго револуција“: Албанците 100 дена протестираат против планот на зетот на Трамп (ВИДЕО)

Противниците на проект за луксузни недвижнини во заштитен природен резерват во Албанија вчера демонстрираа во главниот град Тирана по 100-ти ден по ред.

„Фламинго револуција“: Албанците 100 дена протестираат против планот на зетот на Трамп (ВИДЕО)

Протестот е насочен против плановите на американските инвеститори во делтата на реката Вјоса.

Демонстрантите држеа транспаренти со слогани како „Албанија не е на продажба“ и побараа оставка од премиерот Еди Рама, тврдејќи дека корупцијата стои зад неговата континуирана поддршка за проектот.

Проект поврзан со компанијата на зетот на Трамп

Проектот го води компанија поврзана со Џаред Кушнер, зетот на американскиот претседател Доналд Трамп. Луксузни хотели, комплекси вили и рекреативни објекти се планирани за заливот Звернец и островот Сазан.

Проектот го води мрежа на компании поврзани со Affinity Partners, инвестицискиот фонд на Џаред Кушнер основан во 2021 година и со седиште во Мајами, чии средства под управување пораснаа за 60 проценти минатата година, на 4,8 милијарди долари. Развојот сега е јавно управуван од „Сазан риел естејт дивелопмент“, компанија првично регистрирана во Катар, а градежната дозвола ја поседува „Звернец Саут Адриатик дивелопмент“, контролирана преку структура од пет компании регистрирани во Амстердам.

На чело е Ашер Абешера, долгогодишен деловен партнер на Кушнер од Бруклин, а партнери се албанскиот претприемач Шефкет Кастрати и катарско-сириските браќа Мутаз и Рамез Ал-Кајат. „Афинити“ вели дека ова не е нивен проект и дека инвеститорите се вклучени „во нивен личен капацитет“.

Иванка Трамп јавно го промовираше проектот и го посети регионот Валона со архитекти; таа и Кушнер велат дека го откриле местото од јахта во 2021 година.

Еколошките групи предупредуваат дека развојот може да предизвика трајна штета на кревкиот екосистем на делтата Вјоса на јадранскиот брег на Албанија, вклучувајќи места за размножување и одмор на фламинга, чапји и други птици.

Делтата на Вјосе и лагуната Нарта покриваат повеќе од 250 квадратни километри и 18 видови живеалишта од мрежата Натура 2000, од ​​кои шест се приоритетни, а подрачјето ги исполнува критериумите на Рамсарската конвенција и повеќе од 2.300 видови зависат од него. Во март 2023 година, Вјоса беше прогласена за прв европски национален парк за диви реки, на 12.727 хектари и во категоријата II на IUCN.

Покрај фламингата и чапјите, загрозени се и далматинските пеликани, каретанските желки и медитеранските крзнени фоки, заедно со повеќе од 200 видови птици кои го користат подрачјето како место за одмор на миграциските патишта. Еколозите предупредуваат против фрлање чакал врз древните песочни дини, заштитени како природни споменици, и против пополнување на еден од двата отвори што ја поврзуваат лагуната Нарта со морето, со што се прекинува размената на вода. Орнитологот Џон Ворпси од здружението PPNEA рече дека за десет години тоа ќе биде „сиво место направено од бетон“.

„Фламинго револуција“

Албанските медиуми го нарекоа движењето „Фламинго револуција“.

Според локалните медиуми, дозволата за градба на одморалиштето сè уште не е издадена. Сепак, градежната механизација пристигна на предложената локација кон крајот на мај, предизвикувајќи бран протести кои продолжуваат и оттогаш.

Рама одбива да поднесе оставка

Рама одбива да поднесе оставка, нарекувајќи го проектот благослов за земјата, отфрлајќи ги критиките како идеолошки и нагласувајќи дека инвеститори и архитекти од Данска, Франција, Грција, Јапонија и Турција се исто така вклучени во проектот, и дека Кушнер не дејствува во име на американската администрација.

Тагови: Фламинго зетот на Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Илјадници во Берлин се собраа на протест против АфД

Околу 5.000 луѓе се собраа вчера пред Бранденбуршката порта во Берлин за да протестираат против крајнодесничарската Алтернатива за Германија (AfD), која претходниот ден убедливо победи на покраинските избори во Саксонија-Анхалт. 

Илјадници во Берлин се собраа на протест против АфД

Полицијата процени дека се собрале околу 5.000 луѓе и објави дека протестот поминал без инциденти.

Меѓу демонстрантите беа познатата германска активистка за климатски промени Луиза Нојбауер и главните кандидати на Зелените и Левицата на регионалните избори во Берлин, кои ќе се одржат на 20 септември, пишува dpa. Саксонија-Анхалт е федерална држава на истокот од Германија, со главен град Магдебург.

Демонстрантите носеа транспаренти со пораките „Фашизмот не е алтернатива“ и „Стоп на нацистите од AfD! Стоп на расизмот и социјалните намалувања“ и скандираа „Сите заедно против фашизмот!“. Стотици луѓе се собраа вечерва на протест во блискиот Потсдам, пренесува dpa.

AfD убедливо победи во Саксонија-Анхалт

Да ве потсетиме дека AфД завчера постигна историска победа во источногерманската покраина Саксонија-Анхалт. Партијата освои 43,8 проценти од гласовите и 39 од вкупно 83 места во покраинскиот парламент. За апсолутно мнозинство ѝ беа потребни 42 мандати.

ЦДУ заврши втора со 17,2 проценти од гласовите и 15 мандати, додека СПД, Зелените и Левицата освоија по осум места. Излезноста беше 77,8 проценти. Официјалните бројки објавени во моментов се привремени конечни резултати откако ќе бидат преброени сите 2.661 избирачки места.

Тагови: Берлин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер